عنوان الموضوع : اتحملوني شوي لعشاق السياحة
مقدم من طرف منتديات الضمير العربي
السلام عليكم
اختكم مبتدئة وعندها جمن سؤال. وياريت تتحملنني.
انزين سؤالي الخضرة المهروسة أعطي البيبي منها وجبة وللا أخليه كوجبيتين. يعني الظهر وأعطيه منها فالليل ؟
ويحفظ فالبراد وللا برع ؟
انزين عادي أنوع فاليوم فواكه وخضرة.؟
انزين خواتي الفواكه يوم أهرسها شو أضيف. معها فالخلاط.
وشو أنواع الفواكة عادي أسوي لها فاكهتين يعني أخلطهن.
اتيملن فيني عاد. ويزاكم الله خير مقدما.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
للرفع ........
__________________________________________________ __________
>>>> الرد الثاني :
انا افضل دوم اسوي وجبة وحدة ياكلها الياهل نفس الوقت
اذا ماعندج وقت. تقدرين تجمدينهم. فيه صحون خاصة بعد لحفظ اكل الياهل فالثلاجة اذا حبيبتي تاخذين منها
هيه نوعي بين الفواكه والخضرا
بس انتبهي يوم بتعطينه نوع يديد من الاكل استمري عليه وشوفي اذا ناسبه ولا
افضل تبدين تعطينه كل نوع بروحه. واذا ماتحسس. ابدي ادمجي له نوعين ولا اكثر مرة وحدة
انا مرات اذا ابا اخفف الوجبة. اظيف لها ماي السلق الي طبختي فيه الخصرا. ومرات روب. ومرات حليب
على حسب ولدج شو بيحب
وتقدرين تعطينه عادي اي فاكهه
اكثر شي نبدا بالتفاح والموز. وعقب نبدا اندخل له انواع ثانية
عن نفسي مااحب افور الفواكه. كل فايدتها تروح. الا لو تفوير بسيط عشان يكون اسهل للياهل يوم بتعطينه
بس بشكل عام الفواكة تقدرين تعطينه بخاشوقه من غير طبخ
واذا بتطلعين. سوي له مثلا عصير برتقال فرش وحطيه بالمرضعه. فالبداية حاولي تخففينه بماي زيادة. وعقب ابدي قللي كمية الماي عشان يستفيد اكثر من العصير
من الخضرا. البروكلي وايد مفيد. وبعد البطاطا والحزر.
بعد ماتجربينهم وحسيتي الياهل تقبله. ابدي ضيفي كمية بسيطة من العيش ويا الخضرا. وعقب فترة. تقريبا عيالي يكونون ١٠ شهور. ابدا اطبخ لهم قطع صغيرة من الدياي. كمية بسيطة جدا.
انتي ابدي وياه شوي شوي. كل ياهل غير عن الثاني بتقبلهم للاكل
ها الي اذكره حاليا
وان شاء الله الخوات بعد مابيقصرون
__________________________________________________ __________
>>>> الرد الثالث :
هلا عزيزتي اولاً كم عمر البيبي ربي يحفظه؟؟
بالنسبة لللخضار يفضل التنويع يعني لو طبختيها له في الغذاء يكون ريوقه فواكه
افضل وقت حسب كلام الدكتورة للفواكة هو الفطور ويوم مثلاً خلي الفطور من الحبوب مثل الارز او الشوفان والسيرلاك وهالاشياء
بالنسبة للفواكة حسب العمر اذا بعده مبتدا بالاكل يكون تفاحه مغليه وبعد فترة تدخلين الموز وشوية شوية تنوعي
حلو انه يكون في اليوم اكثر من نوع بس بكميات بسيطة جداً يعني ممكن حتى لو ثلاث ملاعق من كل شيء هذا اذا كان ببعده بأدى بالاكل
المشكلة ما كتبتي عمره
__________________________________________________ __________
>>>> الرد الرابع :
المشاركة الأصلية كتبت بواسطة مالتيزرس
السلام عليكم
اختكم مبتدئة وعندها جمن سؤال. وياريت تتحملنني.
انزين سؤالي الخضرة المهروسة أعطي البيبي منها وجبة وللا أخليه كوجبيتين. يعني الظهر وأعطيه منها فالليل ؟
ويحفظ فالبراد وللا برع ؟
انزين عادي أنوع فاليوم فواكه وخضرة.؟
انزين خواتي الفواكه يوم أهرسها شو أضيف. معها فالخلاط.
وشو أنواع الفواكة عادي أسوي لها فاكهتين يعني أخلطهن.
اتيملن فيني عاد. ويزاكم الله خير مقدما.
للرفع ........
انا افضل دوم اسوي وجبة وحدة ياكلها الياهل نفس الوقت
اذا ماعندج وقت. تقدرين تجمدينهم. فيه صحون خاصة بعد لحفظ اكل الياهل فالثلاجة اذا حبيبتي تاخذين منها
هيه نوعي بين الفواكه والخضرا
بس انتبهي يوم بتعطينه نوع يديد من الاكل استمري عليه وشوفي اذا ناسبه ولا
افضل تبدين تعطينه كل نوع بروحه. واذا ماتحسس. ابدي ادمجي له نوعين ولا اكثر مرة وحدة
انا مرات اذا ابا اخفف الوجبة. اظيف لها ماي السلق الي طبختي فيه الخصرا. ومرات روب. ومرات حليب
على حسب ولدج شو بيحب
وتقدرين تعطينه عادي اي فاكهه
اكثر شي نبدا بالتفاح والموز. وعقب نبدا اندخل له انواع ثانية
عن نفسي مااحب افور الفواكه. كل فايدتها تروح. الا لو تفوير بسيط عشان يكون اسهل للياهل يوم بتعطينه
بس بشكل عام الفواكة تقدرين تعطينه بخاشوقه من غير طبخ
واذا بتطلعين. سوي له مثلا عصير برتقال فرش وحطيه بالمرضعه. فالبداية حاولي تخففينه بماي زيادة. وعقب ابدي قللي كمية الماي عشان يستفيد اكثر من العصير
من الخضرا. البروكلي وايد مفيد. وبعد البطاطا والحزر.
بعد ماتجربينهم وحسيتي الياهل تقبله. ابدي ضيفي كمية بسيطة من العيش ويا الخضرا. وعقب فترة. تقريبا عيالي يكونون ١٠ شهور. ابدا اطبخ لهم قطع صغيرة من الدياي. كمية بسيطة جدا.
انتي ابدي وياه شوي شوي. كل ياهل غير عن الثاني بتقبلهم للاكل
ها الي اذكره حاليا
وان شاء الله الخوات بعد مابيقصرون
شوفى اللينك دا"موقع حلو اوى للتغذية " فيه كل الاجابات
__________________________________________________ __________
>>>> الرد الخامس :
فديتكن خواتي الله يبارك فيكن ماقصرتن. وربي يحفظ عيالكم.
البيبي له ست شهور ربي يحفظه.
رد مع اقتباس
