عنوان الموضوع : بليز انصحوني للسياحة
مقدم من طرف منتديات الضمير العربي
هلا خواتي شحالكم
حبيت أخبركم أني جريب يخلص الاربعين يعني باجيلي مال خمس وعشرين يوم ف حابه أغير من نفسي بصبغ شعري وبأخذ ملابس يديده وكل الاشياء اعرفها بس الأهم كيف اعتني ف المنطقه الحساسة شو تنصحوني استخدم مثلا اسم غسول معين تعرفونه انا استخدم واحد قبل لا أولد يعني تنصحوني استخدم شي يضيج الرحم ولا ما تنصحوني الانه اول بيبي لو تنصحوني شو استخدم هذا اهم شي اعرفه بليز عطوني شي مضمون لو التاجرة موجوده ف المنتدى عطوني نكها وأي نصيحه تنفعني أتريا ها منكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
أولاً الحمدلله عالسلامة ومبروك ما ياكم
انا من فترة الدكتورة وصفتلي غسول للمنطقة الحساسة اسمه لاكتاسيد معقم وينظف والأهم ان ريحته وااايد حلوة
هو غسول طبي استعمليه بين فترة وفترة للتعقيم والنظافة
وان شاء الله باقي الخوات يفيدونج باشياء ثانية
__________________________________________________ __________
>>>> الرد الثاني :
هﻻ الغاليه ماانصحج تستخدمين اي شي يضيج الرحم خاصة اول وﻻده
وافضل انج تيلسين في ماي دافي وملح خشن بتﻻقينه عند محﻻت الاعشاب
وهذا مفعوله احسن مليوون مره عن اي غسووول وعن تجربه شخصيه
وﻻتستعيلين ع هالشغﻻت اللي تضيج الرحم هاوقتها عقب ثالث وﻻده مثل مااعرف
__________________________________________________ __________
>>>> الرد الثالث :
المشاركة الأصلية كتبت بواسطة ام عليا القمر
هﻻ الغاليه ماانصحج تستخدمين اي شي يضيج الرحم خاصة اول وﻻده
وافضل انج تيلسين في ماي دافي وملح خشن بتﻻقينه عند محﻻت الاعشاب
وهذا مفعوله احسن مليوون مره عن اي غسووول وعن تجربه شخصيه
وﻻتستعيلين ع هالشغﻻت اللي تضيج الرحم هاوقتها عقب ثالث وﻻده مثل مااعرف
انا أمي قالت لي اقعدي ف ماي وملح زين لج والدكتورة قالت لا تقعدين عطتني كريم استخدمه وقالولي سوالف تضيج الرحم مب عقب اول بيبي
بغيت اسم غسول طبي مضمون اللي تعرف تخبرني بليز
__________________________________________________ __________
>>>> الرد الرابع :
اسألي عن الغسول اللي قلتلج عنه
أنا دكتورتي وصفته لي عقب ما ربيت أنا مربي تقريبا من سبع شهور
اسمه لاكتاسيد
غرشته بيضه ومكتوب عليها بالوردي
وطبعا احسن غسول موجود اللي هو البيتادين او النوع الافضل اللي اسمه بيتادين دوش
يعقم المنطقة عدل وينظفها
بس البيتادين عيبه الوحيد ان ريحته مب حلوة
اللاكتاسيد ريحته وايد حلوة وهو طبي
اسألي عنه في الصيدلية وجربيه وبتشوفين الفرق بروحج
__________________________________________________ __________
>>>> الرد الخامس :
الحمدالله على سلامتج ومبروك ما ياج
انصحج بتمارين كيجل
رد مع اقتباس
