عنوان الموضوع : الأمومة ودراسة الماجستير !!! لعشاق السياحة
مقدم من طرف منتديات الضمير العربي

السلام عليكن خواتي
عساكن بخير وعافيه

أنا (وأعوذ بالله من هالكلمه) إنسانه طموحه لأبعد الحدود
وقبل اتزوج كنت أطوّر من نفسي بشكل كبير
أدخل دورات ومحاضرات وأشارك بالعديد من الفعاليات
لما تزوجت قل هالحماس وهالشي طبيعي طبعاً مع وجود مسؤولية اهم وهي البيت والزوج والولد

وفكرة دراسة الماجستير موجموده من زماااان
حتى إني سجلت ودفت الرسوم بس كنت أنتظر بداية الفصل
ولكن النصيب يي
وتم تأجيل فكرة الدراسه مستقبلاً
والحين اللهم لك الحمد والشكر صار عندي ولد
والمسؤولية زادت غير مسؤولية الدوام طبعاً
بس التفكير بالدراسه موجوده ومستحيييييييل اتخلى عنها
والحمد لله ريلي يشجعني وروحه يقول لي يالله شدي حيلج وكملي
كلمت الجامعة وخبروني شو المطلوب
وأنا مستعده نفسياً وشاده حيلي وأبا اكمّل
بس يالسه أفكر في الصغيرون
وأنا مستحيل اخليه عند الخدامه
خاصة وإن الدراسه بتكون المسا
الصبح دوام والبي بي في الحضانه
وحرام أخليه طوووووووووول اليوم في الحضانه

شورن علي ربي يجزيكم خير
وأدري ما بتقصرن

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مبروك الحمدلله على سلامتج الله يعينج

__________________________________________________ __________

>>>> الرد الثاني :
أنا أقول أجلي فكرة الدراسة لين ما يكبر الولد ويروح الحضانة أو المدرسة .. عيالج وبيتج أهم من كل شي .. وانتي بروحج تقولين ما بتخلينه طول اليوم عند الخدامة ما عندج حل ثاني .. أحياناً إذا الإنسان يبغي الشي لازم يضحي بشي.. وانتي ما بتضحين إنتي بتأجلين الدراسة بس لين ما يكبر الولد و يعتمد على عمره .. هالعمر يحتاج لاهتمام ورعاية أكثر وواجبج إنج تجابلين ولدج أحسن و أهم وهذا واجب كل أم .. لا تقصرين في حق ولدج وبعدين تندمين ترى الدراسة لاحقه عليها ..

__________________________________________________ __________

>>>> الرد الثالث :
, أحيي فيج طموحج وربي يوفقج, وأقول لج عن تجربة تحضير الماجستير مب سهلة أنا يوم كنت أحضر الماجستير وقتها كنت بس أداوم وأدرس , وكانت صعب ومرهق بس الحمدلله الله سهل وخلصت , مع الإرادة كل شي ممكن, الياهل لو تقدري تخليه ويا أهلج أو أهل زوجج هذا أفضل حل ,حتى لو تطرشي الشغالة معاه بس يكون تحت نظر حتى من أهلج , الحمدلله زوجج موافق ويشجعج , وأكيد بإذن الله بيوقف معاج . والحين فيه بعض التخصاصات للماجستير يعطوا إجازة دراسية لو كنت إماراتية وتشتغلي في قطاع عام أو وزاري على حسب قانون الموادر البشرية .وعادة في أول سنة في الماجستير هي سنة تحضيرية للرسالة أو البحث , يعني فيها مساقات , لا تاخذي مساقات كثيرة مع بعض , حتى لو تكتفي بمساق كل فصل , علشان تقدري تذاكري وتحضري وتشوفي بيتج والياهل في الآيام اللي مافيها دراسة وما يكون عليج ضغط . طبعاً هذه معلومات عامة وتخصصات الماجستير تختلف ولو بشكل جزئي على حسب الدراسة ,ربي يوفقج أختي ويسهل لج أمرج .

__________________________________________________ __________

>>>> الرد الرابع :
دوري جامعه فيها حضانه .. وشلييه ويااج

__________________________________________________ __________

>>>> الرد الخامس :
السلام عليكم ورحمة الله وبركاته


أحيي نضالك وطموحك أختي ، وأنا أقرأ موضوعك شعرت بعصفة طموح تأتيني من جهتك هههههههههه.
مع أنني ضد أن تترك المرأة رضيعها، لكن أطلب منك فقط أن تنتظري ليبلغ طفلك 6 أشهر على الأقل، فهو بحااااااااااجة لك جددددددددداً في هذه الفترة، يحتاج لرعياتك ورائحتك وصدرك وحليبك ووو كلك ... لو حرمتيه من كل ذلك فقط 6 أشهر، سيفتقد الكثر. سبحان الله كيف خلق الأم والطفل. ثم بعد ذلك لك حرية اختيار إرساله للحضانة أو إبقاءه مع الخادمة لكككككككككن تحت نظر أحد ممن تثقين. لو أكلمك ما أعرفه "وجميعنا يعرف الكثير من القصص" عن الخادمات مع الأطفال للغيتي فكرة الماجستير نهائياً .

بالتوفيق


والسلام عليكم