عنوان الموضوع : ولدي يكذب في الامارات
مقدم من طرف منتديات الضمير العربي
السلام عليكم
اشحالكم امهات..؟؟
اليوم الروضة متصلين فيه يقولولي ولدج يايب غرشة ماي فيها ملح.. ليش ولدج مريض..؟؟ قلتلهم لا.. بس هو قالي المدرسه طالبه هالشي.. قالولي لا لو نطلب اي شي بنطرش ورقه... وهاي ثانيه مره ايب امس يايب غرشه فيها ماي وسكر واليوم ماي وملح.. ويشرب منها...
من بندت عنه وقلبي قارصني على ولدي ما ادري كيف اتصرف معاه... مع العلم ولدي عنيد عصبي بسرعه يتنرفز... ما ابا اضرب ما ابا اعصب ما ابا اقوله بدينا انجذب لكن... مااعرف كيف اتصرف.... بعد ادوام بسير البيت وبشوفه وما اعرف كيف اتفاهم وياه.. ورمست ابوه الابوه طبعا لا تعليق على الموضوع.. بس قالي الله يهديه... انزين نبى حل طبعا مثل كل مره ما عنده حل...
ما اعرف شو اسوي....
مشكورين
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
اسأليه ليش يأخذ الماي ويحط فيه الملح والسكر يمكن حد من أصدقائه قاله ييب
أو يمكن شاف حد يسوي هالشي فحب يقلده
__________________________________________________ __________
>>>> الرد الثالث :
ما اعرف بصراحه اول مره اشوف هالتصرف ماشي حل غير انج تسألينه عن السبب او يمكن هالماي يعجبه
__________________________________________________ __________
>>>> الرد الرابع :
اختي ساليه ليش ياب الماي وباسلوب حلو ولا تنازعيه ابدا
بنتي في الروضه كانت تكذب لما اقولها انتي سويتي جي تقول لا وصرت اقولها اذا سويتي شي خطا لازم تقولي حق ماما الصدق وماما ما بتعاقبج بس لو قلتي خطا بعاقبج لانها مره قالت كذب وحبستها بغرفتها ولحين ما شوفها تكذب الحمدلله
بس لا تقوليله انت كذاب
__________________________________________________ __________
>>>> الرد الخامس :
عسى الله يحفظه لكم أكيد هو ما يكذب لانه في هالعمر ما يعرفون يكذبون بس يحبون يقلدون شطانة صغار وبس المهم أنتي كلميه بهدوء عن سالفة الغرشه وإذا قالج المعلمه طلبت ردي عليه إنه لازم بتعطيك ورقه وين الورقه ودايما ذكريه إنه الله يحب الصادقين ولازم نكون صادقين .. بنتي يوم كانت في الكيجي كانت كل يوم تيب طين ولما أسالها تقولي المعلمه عطتني إياه فسرت أسال المعلمه قالت لا بس لا تعصبين عليها ولا تحسسينها إنها تكذب قوليها إنه هذا الطين بس نستخدمه في المدرسه ونرجعه للمعلمه وإذا المعلمه شافتج ترجعينه بتعطيج هديه آخر الأسبوع ومن يومها ما قامت تيب اي شئ من المدرسه ..وكل آخر أسبوع كانت المعلمه توزع عليهم حلاوا أومصاص ..
رد مع اقتباس
