عنوان الموضوع : كنت اخذ حبوب .... ممكن اتضره؟!!!! ساعدوني بليز
مقدم من طرف منتديات الضمير العربي
السلام عليكم امهات اشحالكم عساكم بخير
بدخل فالموضوع على طول
انا من بداية الشهر اخذ حبوب لتنزيل الوزن لين تقريبا نص رمضان عقب بديت اتعايز عنها لانها تسببلي عطش فقلت راح استمر عليها بعد رمضان افضل بحيث اني اقدر اشرب ماي في اي وقت ..... بس المفاجئة اني اكتشفت اليوم اني حامل و اتوقع اني كملت شهر... الحين السؤال هل ممكن يكون لهالحبوب تاثير على الجنين كتشوهات او اي شي من هالقبيل الله لا يقول ان شاء الله
ياليت الي عندها فكرة تشور علي متردده و متخوفة و مب عارفة شو اسوي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ان شاء ما تأثر
انا بنت عمي كانت تاخذ حبوب علشان تنزل وزنها وهي حامل فشهرين وما تعرف ولما شيكت طلعت حامل وقفت الحبوب على طول وراجعت دكتوره فعياده خاصة وقالت لها الحمدالله كل شي تمام وربت يابت بنوته مثل القمر وما فيها شي
نصيحتي راجعي وسوي سونار وان شاء الله ما في شي حملج بعده فالبدايه
ولا تنسين حبوب الفولك اسيد تحمي الجنين من التشوهات لا سمح الله
الله يطمن بالج ان شاء الله
__________________________________________________ __________
>>>> الرد الثاني :
__________________________________________________ __________
>>>> الرد الثالث :
جزاكم الله خير على الرد والله من خوفي ماعرفت ارقد ولا تهنيت به ... انا بصراحه ماكنت متهيئه اني احمل في هالفترة لان ولدي بعده صغير و انا ادرس بس شو اسوي خاني يوم التبوويض هالمرة ... الحمدلله على كل حال .. دعواتكم لي الله يخليكم ان تم الحمل ربي يكتبله الصحه والعافية والخلقه التامه يا رب...
بنات اي مستشفى تنصحوني اروح افحص فيها ...
__________________________________________________ __________
>>>> الرد الرابع :
اختي ما فيج ان شاءالله الا العافيه
وايد حريم خلال نقص الوزن حملن
لان الوزن يسبب قشرة دهنيه ع المبيض تأخر الحمل
__________________________________________________ __________
>>>> الرد الخامس :
حبيبتي معاذير ترى انا الي ماخرة الحمل لان ولدي بعده صغير وماكان في بالي احمل هالفترة يعني كنت حاطه عقب سنه ونص سنتين.. وكنت توني بادية اسوي رجيم و الظاهر بديت مع بداية حملي و متخوفة من الحبوب الي كنت اخذها عسبت تنزل وزني و هي عبارة عن اعشاب طبية .. من اسبوع بديت احس باعراض شرات الدورة و في بالي انه موعدها بس و كنت احس بتلبك معوي و بعد كان على بالي من كثر المقالي فيي شهر رمضان بس الوالد الله يحفظها مدري كيف حست فيني قامت تسالني وطرشهم يسالوني اذا اني فطرت ولا بعدني فكنت اقولهم لا بداية 8 بفطر عقب حبيت اسوي الفحص عسبت اسكتهم انه مافيني حمل بس انصدمت والله وحسيت باكتئاب ولين الحين ماخبرتهم ... مب عارفة كيف راح اقدر اكمل دراستي و اتعلم سواقة و انا حامل بروحي متوهقة مع ولدي كل يوم الصبح اشيلة من البيت لين بيت هلي عقب اداوم و وايد اتاخر عن الكلاس الاول و الحين المعهد راح يكون بعيد يعني ما اقدر اتاخر وربي متلخبطة مب عارفة كيف افكر .. ساعات اقول يمكن يطلع حمل كاذب و ايلس اتخيل اشياء عقب استغفر ربي و اتذكر انه في ناس يتمنون ظفر ياهل و انا كذي افكر حاسه بضيقة وحزن مايعلم به الا رب العالمين ادعولي الله يفرج علي همي وضيقي يا رب
رد مع اقتباس
