عنوان الموضوع : بنتي ضعيفة سياحة الامارات
مقدم من طرف منتديات الضمير العربي

السلام عليكم بنات
الله يخليكم بنتي عمرها سنتين وثلاث شهور ووزنها 10 تعبتني ما تطيع تاكل أبدا ووديتها كذا دكتور يعطوها فيتامينات بس ما استمر عليهن وآخر مرة جربت الها كيدي لمدة شهر ولا فاد نفس الشي عادي تاكل الشيبس والحلويات بس الأكل الصحي لا حتا الحليب فاليوم يالله 50 ملي وأعذبها بدياشور ما فاد حتا هي دوم تحب تنام وما فيها طاقة للعب شو اسوي فيها ويها شاحب حتا شعرها ما ينمو واظافرها متشققة مرة خذتها عند قيس وطلب تحليل وسويناه بس ما راجعته

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله المستعان

جربي ضيفي على الحليب منكهات أخرى, بنتي كل يوم اسويلها كوب حليب واضيف عليه نسكويك او هولكس , مدعم بالفيتامينات

بالنسبة للحلويات: اختاري لها الحلويات الي فيها فايدة,مثلا الكيك فيه حليب وبيض ويمكن مواد ثانية من فواكه ومكسرات,سوي لها بودينج الرز(مهلبية الرز) وغيره حلويات تقدر تحصل منها الفايدة

انصحك تجربي تعطينها مكسرات ,من جوز ولوز وكاجو وغيره ملياااااانه فوائد

جربي اشتري لها زبدة الفول السوداني,تحطينها على شرائح التوست او الكيك , مغذية وترفع نسبة ذكاء ونشاط الطفل

ومن تجربتي مع بنتي احب اخبرك ان الأطفال يملون من الطعام,ويميلون للتغيير,فحاولي اعرضى عليها الطعام بشكل مختلف

__________________________________________________ __________

>>>> الرد الثاني :
نفس حالة بنتي تعبت معها

__________________________________________________ __________

>>>> الرد الثالث :
اختي حاولي تقطعي عنها الشيبس والعصير والحلويات
لان السكريات تخلي الطفل يشبع لفترة طويله وبالتالي ما يشتهي الاكل
انا جيه مسويه مع بنتي

__________________________________________________ __________

>>>> الرد الرابع :
مشكورات خواتي والله أحاول معها بس لما اروح الجمعية ولا تشوف البقاله تصارخ لازم تبا حلاوة أحاول انوع الها بس ما طيع تاكل واحيانا اضطر ايوعها عشان تاكل هي من يوم مولودة وزنها كله ناقص عن الطبيعي الله المستعان اللي جربت شي لعيالها تساعدني

__________________________________________________ __________

>>>> الرد الخامس :
اكيد عندها نقص فيتامينات ومعادن .. ويمكن فقر دم .. عطيها حليب عادي وخلطي معاه دبس التمر .. يعتبر غذاء كامل .. لذيذ ومفيد .. الصبح وفالليل .. واستمري عليه دوم مب تقطعين .. وان شاء الله تتحسن حالتها .. ويزيد وزنها ..