عنوان الموضوع : ام يديدة ومحتاجه خبراتكم لعشاق السياحة
مقدم من طرف منتديات الضمير العربي

السلام عليكم خواتي
توني ام يديده وعايشه روحي مع ريلي واختي
وماعندي خدامه وريلي شفتات يومين بس في البيت
الحمدالله ان اختي معاي لاني اداوم بعد المشكله بنتي تعودت على الشل عمرها الحين 6 شهور
مااقدر اخليها روحها ابدا حتى يوم راقده تفج عينها تتاكد اني موجوده ولالا
ولا تلعب بالعبها تبا كل حد يسولف وياها وماترقد الا حذالي ومستحيل ترقد بسريرها
ومشكلة ثانيه بعد اني يوم غيرت حليبها الصناعي وخذت مال ال6 شهور يالها امساك مش طبيعي ابدا
تم معاها اكثر من اسبوع والدكتورة قالت طبيعي حليبها هو سيميلاك الاخضر اي نوع اقدر اخذه يكون خفيف على معدتها وعلى فكره بديت ااكلها الحمدالله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وعليكم السلام ورحمة الله وبركاته ..



حبيتها انج عايشه مع زوجج واختج




الله يستر عليج ...



أختي بخصوص موضوع الشل هذا بالتعود لازم تعودين بنتج تنام بروحها اذا تبين ترتاحين ..صح هم غاليين علينا بس لراحتهم وراحتنا لازم تعودينها تنام بروحها ع سريرها المنفصل اذا الله رزقج بطفل ثاني بتتلعوزين وايد




حتى زوجك ما بيرتاح بهذي الطريقه ..واختج مهما كان ما بتم اتحرسج انتي وعيالج ..



وبخصوص الحليب طبيعي يتغير عليها من شهر لشهر والامساك أو الاسهال بعد طبيعي مع تغيير نوع الحليب لكن اذا استمر اكثر من اسبوع لازم تراجعين الطبيب



بالنسبة لي اشوف حليب نان أخف شي للاطفال وهو اللي اعطيه لعيالي ..


موفقه عزيزتي

__________________________________________________ __________

>>>> الرد الثاني :
الياهل لا تقولي انه تعود الا لما يكمل كم سنه لكن هي بالشهور تقدرين تعدلين نظامها من ترقد رديها السرير خفي الاضاءه حتى لو حاولت تطالع ودورج بتتعب
الشل لا تعوديها عليه اذا شبعانه ومغيره لها خلاص حطيلها العاب او اذا عندج احد عنده يهال بتستانس
يعني لو قمتي اختج صوبها او ريلج خلهم يمسكوا لعبه يلاهوها انها تطالعج بتنتبه انج محد لكن عادي بتكمل لعبها
السوق عوديها على العربه
الحليب كل ياهل غير جربي لين تعرفي اللي يناسبها

__________________________________________________ __________

>>>> الرد الثالث :

المشاركة الأصلية كتبت بواسطة أم الخليفي
وعليكم السلام ورحمة الله وبركاته ..



حبيتها انج عايشه مع زوجج واختج ليش يعني ؟




الله يستر عليج ...دنيا واخرة يارب



أختي بخصوص موضوع الشل هذا بالتعود لازم تعودين بنتج تنام بروحها اذا تبين ترتاحين ..صح هم غاليين علينا بس لراحتهم وراحتنا لازم تعودينها تنام بروحها ع سريرها المنفصل اذا الله رزقج بطفل ثاني بتتلعوزين وايد هذا اللي يالسه افكر في وبغيت شوركم فيه




حتى زوجك ما بيرتاح بهذي الطريقه ..واختج مهما كان ما بتم اتحرسج انتي وعيالج .. ادري مابتم تحرسني حاليا هي تدرس مسائي ويالسه معاي من الملل وهي متزوجه اخو ريلي وبيتهم حذالنا وريلها اغلب الوقت في مهمات ومسافر وهي لها حياتها اكيد بتيب عيال وبتلتهي وياهم



وبخصوص الحليب طبيعي يتغير عليها من شهر لشهر والامساك أو الاسهال بعد طبيعي مع تغيير نوع الحليب لكن اذا استمر اكثر من اسبوع لازم تراجعين الطبيب ترا ذكرت اني راجعت الدكتورة وقلت لها الامساك تم وياها اكثر عن اسبوع بس قالت طبيعي هذا اللي استغربت منه وحاليا مفكرة اغير الحليب وازيد العصاير بس مب عارفه اي حليب



بالنسبة لي اشوف حليب نان أخف شي للاطفال وهو اللي اعطيه لعيالي .. مشكووورة على ردج


موفقه عزيزتي




__________________________________________________ __________

>>>> الرد الرابع :

المشاركة الأصلية كتبت بواسطة Ward-uae
الياهل لا تقولي انه تعود الا لما يكمل كم سنه لكن هي بالشهور تقدرين تعدلين نظامها من ترقد رديها السرير خفي الاضاءه حتى لو حاولت تطالع ودورج بتتعب
الشل لا تعوديها عليه اذا شبعانه ومغيره لها خلاص حطيلها العاب او اذا عندج احد عنده يهال بتستانس
يعني لو قمتي اختج صوبها او ريلج خلهم يمسكوا لعبه يلاهوها انها تطالعج بتنتبه انج محد لكن عادي بتكمل لعبها
السوق عوديها على العربه
الحليب كل ياهل غير جربي لين تعرفي اللي يناسبها



حاولت بنفس الطريقه اللي قلتي عنها بس اتصيح بعد مب صياح دلع حتى العربانه تمل منها بسرعه حاليا بجرب الحليب المخصص للامساك والله يكتب اللي فيه الخير ومشكورة فديتج على الرد

__________________________________________________ __________

>>>> الرد الخامس :

المشاركة الأصلية كتبت بواسطة جوريه حمرا 84
حاولت بنفس الطريقه اللي قلتي عنها بس اتصيح بعد مب صياح دلع حتى العربانه تمل منها بسرعه حاليا بجرب الحليب المخصص للامساك والله يكتب اللي فيه الخير ومشكورة فديتج على الرد



عادي اذا صاحت لا تحاتي هي الحمد الله مافيها الا العافيه لكن هالشكل انتي بتتعبي الياهل يفهم اهله عسب جيه تدلع عليج تدري انج بتشليها
حبيتي لما تعطي الياهل حليب صناعي شربيها ماي وايد لانه الصناعي فيه حديد وهو اللي يسوي الامساك