عنوان الموضوع : بنتي ... للسياحة
مقدم من طرف منتديات الضمير العربي
السلام عليكم
خواتي بنتي عمرها سنتين ..الله يحفظها من اسبوع تقوم فاليل من النوم وتصارخ صراخ فضيع وتصيح بص ت عالي والله أقوم مفزوعة من رقادي وتضارب وتدقدق فايدها وريلها ع الارض وكل أتقرب منها احضنها ابا او ابوسها تدفرني وتقولي خوزي ومادري شو موووول ماتباني واتم مدة ع هالحال بتقولون زيران اعوذ بالله ماعرف كيف اتصرف وياااها..
للعلم قبل لاترقد ارقيها وأقري المعوذات فوقها كل يوم واعشيها اشبعها ..ومأاخليها تجوف كرتوون وايد بس مال طيور بيبي وجيه د.
والله خيفانة منها الحال فالليل
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي عدلي نومها
عدلي اكلها ، عطيها اكل صحي
لو ماتطلع وايد طلعيها خذيها حدايق العاب اطفال
لو ف اطفال بعد بعائلتج او ربيعاتج وديها تلعب وياهم تغير جو عشان تنسي
يوم بتنام خليها تنام ف حضنج .. وان شاءالله بتتحسن فديتج
__________________________________________________ __________
>>>> الرد الثاني :
ويوم بتنام شغلي قران سوره البقره بغرفتها
__________________________________________________ __________
>>>> الرد الثالث :
تسلمين اختي مايار ع الرد
المشكلة انا ساكنة فشقة وماعندي حد تلعب وياه ..والشقة حبسة وتمل مسكينة ماتحصل حد تلعب معاه ..يمكن هذا سبب بعد
__________________________________________________ __________
>>>> الرد الرابع :
وعليكم السلام
يمكن حد ضاربنها او مصارخ عليها في النهار
شغلي سورة البقرة في غرفتها يومياً
ومن تصارخ بالليل كلميها وطمنيها بصوتج (ماما حبيبتي انا هني ) وانتي تحاولين تهدينها بيدينج، لاتشدينها عشان ماتقاوم بس حطي يديج عليه تطمن ولو قاومت مسحي على راسها على كتفها وانتي تكلمينها بصوت واضح ومطمئن واذكري الله وانتي تكلمينها
بعد حاولي تعشينها من الساعة 6 او 7 بالكثير مب زين تنام وبطنها مليانة عن الكوابيس،، وخلي عدالكم ماي اي وقت تقوم بالليل شربيها شوية ماي يساعد
__________________________________________________ __________
>>>> الرد الخامس :
بسم الله عليها الله يحفظها ..
رد مع اقتباس
