عنوان الموضوع : ساعدوني ولدي أول يوم حضانة، وانهار من الصياح.. فيدوني بخبارتكم
مقدم من طرف منتديات الضمير العربي

السلام عليكم خواتي


فيدوني بخبارتكم دخلت ولدي عمره سنتين حضانة
واليوم ثاني يوم

وصاح صياااااح قطع قلبي

دخلته حضانة الدانة
عشان يتعلم ويستفيد قبل الروضة

يعني قلت بيعلمونه وبيحفظونه الحروف والنطق الصحيح
والاذكار .. وهو من النوع اللي يلقط بسرعة ماشاءالله

اباه يتعود على هالجو قبل الروضة

بس يوم سمعت صياحه تنددددمت ااني دخلته

وقت عادي اسحبه ... اوردي التسجيل ب 4600 يعني
بيذيحني ريلي لو قلتله خلاص مابا الحضانة

احتتتترت

والله احترت

عطوني خبارتكم في اول اسبوع حضانة عند عيالكم

شو سويتوا ؟
وهم هل تأقلموا بسرعة والا خذوا وقت طويل ؟

أغير رائي واسحبه من الحضانة واتريا عليه يكمل 3 سنين وعقب ادخله ؟

ريحوووني الله يريحكم

وأرجوكم الي ترد .. ترد من واقع تجربة مب بس تكتب كلام ما يفيد

وغير ولدي ما يأكل وايد .. أكله معين وساعات يقعد يخبص في الاكل ويضيع الوقت واستغفر الله يعق نص الاكل

شو اعطيه وجبات يوم يسير الحضانة

وشو تنصحوني أأكله وجبات في البيت

ترااه ولدي البجر وماعندي خبرة بالمررره


واحسني تايهة ومهملتنه وابا اعطيه اهتمام اكبر


والسموووحه من الجميع طولت عليكم


وشكرا لحسن الاستماع

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أختي عادي كل العيال تصيح أول أسبوع لنه الجو غريب عليهم ويديد

لا تسحبيه خليه وايد يستفيد عن تجرية

__________________________________________________ __________

>>>> الرد الثاني :
نصيحه تمي خليه يداوم وحببيه فالحضانه
قوليله باجر بنسير نرسم وبنلعب ماتبا تلعب باللعبه الفلانيه؟؟
حلوووووووه اللعبه
شجعيه بكلامج ولا تبينين له من ويهج انج زعلانه ومضايقه يوم يصيح
اظحكي في ويهه وقوليله عاااااادي حبيبي بنلعب انا وانته ليش تصيح؟
وجي يعني

__________________________________________________ __________

>>>> الرد الثالث :
ذكرتيني ..
ولدي العام دخلته في الحضانه .. حضانة دوامنا وعمره كان سنة و5 شهور تقريبا .. والحضانة توها مفتتحينها .. يعني مافيها يهال .. ومافيها وايد اشياء ..
اول ما وديته عادي .. عقب ساعة ييت .. وشفته يصيح صيحه واحد منهد حيله من الصياح .. اول ما شفته جيه .. قلت شو سويتوا في ولدي .. ولدي يبا ينام ..
ولدي ماكل شي ولدي شو فيه .. قالوا اطلعي الله يرضى عليج .. خلينا انقوم ابشغلنا .. قلت ما اقدر والله .. وطلعت من مبنى الحضانه وصلت لمكتبي .. قمت اصيييييييييح
واصيح والبنات يهدوني هههههههههههههههههههههههههههههههههههههههههه.. هاليوم ما انساه طول عمري ..
تم فترة شوي طويلة لأن الحضانة توها يديده واحس ما عندهم خبرة ..
بس الحين مستانس ويحب الحضانه وااااااايد وعمر ولدي ماشالله الحين سنتين و5 شهور ..
ويتعلم ويتكلم ويلعب ومرح ...
عن الأكل احاول قد ما اقدر ابدع .. وعلى فكرة اول الأيام يمكن ما ياكل لأن يشوفهم غرباء وجي ..
لكن بعد فترة بياكل ..
على فكرة انا حاطة موضوع عن اكل الطفل ي الحضانة وافكار حلوة .. استفيدي منها

__________________________________________________ __________

>>>> الرد الرابع :
https://forum.uaewomen.net/showthread.php?t=1199441
هذا موضوعي مالأكل .. ماستمريت لأني ما حسيت بالتفاعل

__________________________________________________ __________

>>>> الرد الخامس :
يا جميلة ياعسل

قريت موضوعج البارحة عقب ما نزلت موضوعي

ورديت عليج

ويعطيج العافية
ومأجورة ان شاء الله على مشاركتنا الفائدة