عنوان الموضوع : ولدي صار شرير لعشاق السياحة
مقدم من طرف منتديات الضمير العربي


ولدي ما يحب يلعب مع العيال ولا مع احد من أهل البيت

و مع العلم انه كان حبوب و يستحي

بس الحين كله يضارب و يكسر الزجاج و يصيح يعني ممل بدرجه فيضعه و هوه عمره سنتين و نص

شو الحل معاه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا اختي..

هذا العمر الطبيعي اللي الولد يصير فيها شرير ع قولتج
بس حاةلي تكلمينه او حاولي ما تخلينه مع اطفال نفس صفاته وعلميه انه هذا غلط ومايصير تكسر وتصيح
وعلى كل شي ايجابي يسويه جازئيه بشي حلو لعبه او كاكاو مثلا او اي شي يحبه
هالعمر يحبون يقلدون وايد ويحبون يطلعون طاقتهم بس عطيه ورقة وقلم او دفتر رسم او لعبه ذكيه يتسلى فيهم
الولد ملان ويبا حد يلعب معاه ويقعد وياه وهو يسوي كل هذا بس عشان يلفت انظاركم
احتويه وعامليه بحب وحنيه والله يهديهم ويصبرج ولا تاخذين الامور بصعوبه لانه هذا شي طبيعي

__________________________________________________ __________

>>>> الرد الثاني :
الولد يبغي يسوي شي يحس فيه إنه كبير وفاهم... اشتريله مقص خاص بالاوراق من المكتبه وأوراق وألوان وصمغ .... شي في إيكيا ألوان وأوراق خاصه للاطفال أو من التعليم المبكر ... وافرشيله سماط الاكل عشان ما تحاتين يخيس الارض ولبسيه ملابس قديمه اشويه وخليه ع راحته يخبص ... يقص ويلون ويلصق وخذي رسوماته وعلقيها مكان واضح عشان الكل يمدحه وتزيد ثقته بنفسه.... خليه يدخل المطبخ وعطيه مبشره الخضار وعطيه جزر وخيار وخليه يبشر ويخبص ويخيس برايه المهم يطلع طاقته الشريرة ههههههه .... إفتحي كبته وخليه يربع ثيابه بروحه مب لازم بالشكل الصحيح خليه ع راحته يسوي اللي هو يشوفه صح بس إنتي علميه ونبهيه بطريقة رقيقه .....

الولد يحس نفسه كبير وما يتنزل يلعب مع الصغاريه.... إنتي عطيه الثقه وعامليه كأنه كبير وبترتاحين إن شاءالله...

__________________________________________________ __________

>>>> الرد الثالث :
حياااااااتي فديته الشرير
احس شي طبيعي من اللي شفته في عياال خواتي واخواني
تيهم فتره يستووون فضيعين بسم الله عليهم الله يحفظهم
بس يطلع هذا كله انهم يبون يلفتون الانتباه لاغير

الله يحفظلج ولدج وهو بصحه وعافيه ان شاء الله
والسموحه

__________________________________________________ __________

>>>> الرد الرابع :
انشاء الله تلقين الحل

__________________________________________________ __________

>>>> الرد الخامس :
الله يحفظه ويبارك فيه عادي شرير خخخخ

بس انتي حاولي تخلينه يتكلم في الغالب مايعرف يعبر شو يريد فيقوم يكسر ويتوحش

مسكيه وطالعي في عيونه وحاولي تطلعين منه الكلام وساعديه بالأسئلة لين تعرفين شو يريد

مرحلة وبتعدي ان شاء الله