بنات ابغي رايكن ولو بكلمه

[salima]

عنوان الموضوع : بنات ابغي رايكن ولو بكلمه
مقدم من طرف منتديات الضمير العربي

السلام عليكم ورحمة الله وبركاته شخباركم بنات ان شاء الله اموركم طيبه بدش في الموضوع بنات انا الحين كملت سنتين متزوجه واحد من الاهل اكبر مني بثمان سنوات يعني عمره 32 ونا عمري 24الله يسلمكم ريلي احسه يحبني ومهتم فيني وفي عيالي عندي ولدين الله يحفظهم بس مشكتله همه راحته وبس ونا الحين متضايقه منه من اربعة ايام وما اكلمه ولا اخلي اييي صوبي ومب قادره اسامحه بنات تدرون عمره ما ياب لي شيء من نفسه ولا عبرني بهديه ولا كلمه حلوه بس يوم هو يباني لو فيني ما فيني اخليه بصراحه مليت وهو مو مقصر ويايه يعني لو اطلب الف يعطيني الفين ومو مقصر وياعيالي اييب لهم العاب وملابس واغراض وفاتح لهم حساب خاص يوفر لهم بس انا لا ولا يوم ياب شيء حتى يوم اسير السوق امل وما اعرف شو اختار لي ملابس واغراض لان هو ما يقول رايه بشيء يخصني بس يوم احط مكياج واتعتدل في البيت يقول انتي ويهج طبيعي احلى قولوا لي لانه من الظهر وهو وراي يباني اسامحه ونا مب قادره حتى اطالع بويهه بنات ارجوا تنصحوني لاني ما اقدر اكلم اي حد بالموضوع اخاف حد يحس اني مضايقه ونا من شهر خسرت جنيني واحس ريلي كان السبب بسرعه اتريه ردودكم والسموحه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الغاليه لازم تصارحين زوجج بمشاعرج واذا ماعندج الجرأة على مواجهته اكتبي اللي في خاطرج في ورقه وخليه يقراها...مب كل الرياييل واحد..بمعنى الريال مابيحس اللي بقلب حرمته اذا هي ما افصحت عنه..اللهم الا فيما ندر نلقى زوجين بينهم تفاهم وتواصل لدرجة ان الزوج يعرف اللي في خاطر حرمته قبل ماتقوله...المهم ان زوجج مب مقصر من جميع النواحي وباين عليه كريم ومسالم وطيب وهاي نقطه تحسب له..احتمال انه محتاج منج تلميح باللي في خاطرج...مثل انج تقولين له ياريت تعطيني رايك
في الاشياء اللي ناويه اشتريها...أحب رايك لأنه مهم بالنسبه لي....وهكذا..ولاتكبرين الموضوع وعيشي

حياتج بسلام.

موفقه الغاليه.

__________________________________________________ __________

>>>> الرد الثاني :

والله انج عايشه مأساتي


وانا كنت ازعل وااايد ويي وراضيني


بس بعد كم يوم يرجع نفس ماكان

والله اني تعقدت منه

والحين مطنشه كل شي

يعني المكياج مايحبه ملابس النوم مايحبها


ولو تعدلت ولا لبس ملابس النوم مستحيل يجامل ومرات ماينتبه اصلن


ماقول غير الله يعينج وصبري وارضي عليه مادامه مامقصر معاج علشان عيالج تحملي كل شي

__________________________________________________ __________

>>>> الرد الثالث :

بقولج الغاليه شي .. ترى ما في انسان كامل وكل وحده ريلها في عيوب او عيب يضايجها .. وانتي دامج اتقولين ان ما يقصر عنج مووول وزين وياج الحمدلله ... فهذا شي زين ... واذا عن الهدايا فانتي عوديه لان الريال على ما تعودينه يعني علميه انه فالمناسبات لازم اييبلج هديه ولا تزعلين وكيف تعلمينه؟ لازم انتي تبتدين اتييبينله هدايا مثلا فعيد زواجكم لازم تاخذيله هديه وتخلين هاليوم مميز وتحتفلون فيه كل سنه عشان يحس انه هاليوم مهم ولازم يشتريلج هديه مثل ما انتي اتسوين ..

وبعدين ماشي احلى عن الصراحه لازم الحينه تسامحينه وتقوليله اذا تباني اسامحك سولي الاشيا اللي احبها وتفرحني اذا كنت اتحبني ..

واذا قالج شو الاشيا اللي اتحبينها .. قوليله اني احب انك تهديني بين فتره والثانيه شي حلو لان الهديه وايد اتفرحني ...

بس لا اتطولين الزعل هذا مهما كان ريلج واي شي فخاطرج قوليله واكيد هو ما بيقصر ..

والله يسعدكم

__________________________________________________ __________

>>>> الرد الرابع :

الحل الوحيد انج تصارحينه وتخبرينه وتفهمينه ..
قوليله انت ما تعطيني رايك بثيابي ولا بكشختي
مثل ما تهتم بنفسك اهتم فيه ....

وبالنسبة اذا دعاج للفراش .... ما لج اي حق انج ترفضين
وانت عارفة هالشي .. لأن الملائكة اتم تلعنج لين ما تصبحين

اختي استهدي بالله .. وكلمي ريلج وفهميه انه ما يهتم فيج
وقوليله كل شي .. يمكن هو ملتهي مع اليهال ويمكن ويمكن ...


صارحيه وش في النتايج ....هن تجربة

__________________________________________________ __________

>>>> الرد الخامس :

يااااااااااا حريــــــــــــــــم العالم
معلومة مهمة جــــــدا لاتغيب عن بالكم

الرياييل أكثرهم ما يعبرون عن مشاعرهم وهذي طبيعتهم..

وما دام إنه كريم وما مقصر فهذا دليل على حبه

كل ريال يعبرعن حبه بطريقته الخاصة

ومادام يحاول يراضيج .. أكيد يحبج

والله غيرج عايشات في جحيم البخل والنكد

والحندلله على كل حال