عنوان الموضوع : تعالو شوفو شو سويت وزعلته مني ( يامعرسات ساعدوني )
مقدم من طرف منتديات الضمير العربي

السلام عليكم ورحمه الله وبركاته شحالكن وشو اخباركن ؟ وشو رمضان وياكن

المهم خلوني اقول سالفتي

الله يسلمك انا امس كان عندي يوم اجازة من الجامعه ، بعد ماقمت نشيت ارتب وادخن وبعدين يلست اقرا شويت قراء وعقب رحت للتلفزيون ،وبعدها بشوي اسمع صوت الباب وشوف زوجي فديته واصل من الدوام يلس حذالي ويمسح ع راسي يقولي شو سويتي اليوم ويلست اسولف وياه شويه وعقب نشيت المطبخ عشان اجهز الفطور ، وكل شوي حضرته يزقرني تعال ويوم اروحله اونه تولهت عليج بشوفج وعلى هالحاله وبعدين يالمطبخ وحليله يسااعدني اونه عطيته يقطع السلطه يلس عليها سنه خخخخخخخخخخخخخخخخخ ، اووه نسيت اقولكم انا مبايلي كان مغلق والجراجه خربانه . ويلسنا مع بعض وكانت يلسه وايد حلوة يتغزل ويمدح فيني ويحضني وانا متشققه من الوناسه. المهم يا وقت صلاة العشا وراح هو يصلي وانا قعد في الشقه لاني ماعليه صلاة . وشو قلت بش مبايله بطرش مسج حق اختيه لاني اعرف امي بتم اتحاتي ليش مبايلي مغلق و من هالسوالف ويوم افتح صوب كتابه المسجات اشوف مسج بعده مب ممسوح ( يعني مب مسج واصل لالا مسج هو مطرشه وباقي صوب كتابه المسجات ) ومكتوب في المسج صباح العسل والقشطه ماي لوف ) المهم طبعا انا عصبت وتميت اصيح حق منو مطرش المسج وتميت اظرب اخماس في اسداس وحالتي حاله المهم اول ما وصل الشقه كان ياي وشارلي حلاوة من الي انا احبها وقالي خذي قلته مشكور مابا وهو طبعا مستغرب شكلي لانه عيوني محمره من الصايح وشكلي كان تعبان يطالعني يقولي شو بلاج ، جان ايود مبايله واراويه المسج اقوله هذا واروح صوب الحجره واصيح ( فلم هندي خخخخخخ ) المهم يا عندي وقالي شوفي ويوم راواني صوب التقارير طلع مطرش المسج تدرون حق منو ؟؟؟؟؟؟؟؟؟؟؟؟؟؟؟؟؟؟؟؟؟

حق هالهبله الي تصيح وذابحه عمرها ، ظلمته كان مطرش المسج حق وقالي ماشفتيه لانه مبايلج مغلق ولو مب مصدقه بروح اشتريلج جرج عشان تفتحين مبايلج وتتاكيد انه المسج حقج ، اقولكم قفط ما عرفت شو اقول خاصه عقب الدلع الي مدلعني اياه وللحين هو زعلان مني ( غبيه انا )

خبروني كيف ارضيه حتى اليوم الصبح لابسني مارمسني

ساعدوووووووووووووووووووووووووووووووووني

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ياربي شفتي الشيطان كيف شاطر !

روحي بسرعه راضيه ..... بكل الطرق الرومانسية

__________________________________________________ __________

>>>> الرد الثاني :
يسلمو مس يو اي ايه على المرور

__________________________________________________ __________

>>>> الرد الثالث :
سيري فديتج وراضيه بكل الطرق...ولا تخلينه اليوم في حاله الين تراضينه..

وانتي استسمحي منه وقوليله انج اليوم مب طالعه عنه ولا بتهنالج عيشه الين ترضى..وشوي شوي وبحركاتج الحلوه ان شاء الله بيرضى..

__________________________________________________ __________

>>>> الرد الرابع :
بكل بساطه فديتج استسمحي منه وقوليله الشيطان شاطر ووسوس لي يبغي يخرب امبينا ولازم ما نعطيه فرصه

وإذا عندج الدوره خبريه بأن هرمونات الدوره هي إللي مخلتنج عصبيه وحساسه بزياده

طلعيله أعذار بس تكون مقنعه وراضيه بالأشياء إللي يحبها وان شاءالله يرضى

__________________________________________________ __________

>>>> الرد الخامس :
بس صدق حركتج مب حلوة

يعني ماشفتي الرقم اللي مطرشنه المسج


عالعموم تعذري منه ومن حقه يزعل بصراحة