عنوان الموضوع : يا بتات لو كنتن بمكاني شو بتسون رعاية الاطفال
مقدم من طرف منتديات الضمير العربي

اخواتي العزيزات
بغيت النصيحة منكن لانه مالي حد بعد الله غيركن يالغاليات
وكل وحده تحطي نفسها بمكاني وتتصور شو ممكن تسوي
المهم يالغاليات انا متزوجة صار لي 10 سنين وكنت انسانه مأمنة انه زوجي مش ممكن يفكر يوم بالزواج او انه يفكر يلعب نظرا للعادات اللي ربوه اهله عليها ولاني كنت اشوفه ملاك ما كنت اصدق لو حد قال لي انه يخونني
بس للاسف طلعت غلطانه واكتشفت انه يفكر يتزوج علي وحده متعرف عليها عن طريق ربيعه .
ويوم واجهته بالموضوع اعترف لي وقال انه شال الفكره من راسه
المشكله يا اخواتي اني مش مطمنة لاني انا اعيش فاماره وهو عايش بامارة ثانية بسبب ظروف العمل .
وانا الحين افكر انتقل واعيش معاه قريب شغله ............ لكن المشكله اني احاتي عيالي واحس انهم ما بيتأقلموا مع الوضع الجديد وخاصة انهم تعودوا على مدارسهم وربعهم ........
ارجوكن خواتي انا بحيره من امري .......... انصحوني شو اسوي ولو كنتن بمكاني شو بتختارن .
..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الحقي ريلج وين كان وعيالج بيتأقلمون غصبن عنهم مب على كيفهم ..

الحرمة ماتكون ولا تعيش الا عند ريلها وصدقيني ان تميتي بعيد عنه اكيد بيتزوج عليج لان باختصار الريال ما يصبر عن حرمته ولو يوم وين وانتي تقولين عايش بعيد عنج .. قوليله انا بيي ورتب امورك لاستقبالنا انا وعيالي اما بالنسبة للمدارس فبيتعودون واما بالنسبة للربع ان شاء الله بيحصلون احسن عن ربعهم ...
ولا تأخرين عشان المدارس للسنه اليديده جان ترومين انتقلاي اليوم وخلي على ربج الباقي والله يهديج ويهديه ويسخره لج ان شاء الله

__________________________________________________ __________

>>>> الرد الثاني :
معنى الحلا فديت قلبج
مشكوره الغاليه على ردج الطيب
بس انا مشكلتي اني انولدت وتربيت وعشت فالمناطق الشمالية وما اعرف شي فابوظبي
وعيالي متعودين على عدد الطلاب قالصف ما يتجاوز العشرين .
واحسن انه مدارس ابوظبي كلها مشاكل
والله ما ادري شو اسوي انا بين نارين .........

__________________________________________________ __________

>>>> الرد الثالث :
الغاليه
أهم شيء فكرتج تواجدج مع ريليج
وعن سالفة تعودج على بوظبي وتعود على عيالج على المدارس والربع
ما اشوف انها مشكله ولو انها مشكله ثانويه بسيطه لانها مع الايام راح تتعودين انتي وعيالج
لكن لو سمح الله عرس عليج ريلج شو بيفيدج هالشيء
نصيحه ضحي بنفسج وسيري سكني مع ريليج عسب مايطالع حد غيرج

__________________________________________________ __________

>>>> الرد الرابع :
الغاليه,, اهم شي وجودج مع ريلج واليهال مصيرهم يتأقلمون ...اعتقد هالشي مايباله تفكير منج ,,, لانه الي بيخسر في الاخير لسمح الله والله يبعد هالشي هو انتي.. واقولج لحقي ريلج وعيالج بيتاقلمون غصبن عنهم ,,,

__________________________________________________ __________

>>>> الرد الخامس :
روحــــــــــــــي ويا ريلج ولو الصين خلج وياه .. حبيبتي الاهم من هذا كله كوني وياه نعم الزوجه يعني خليه يستانس بانتقالكم وياه مب يقول يا ليتني ما يبتهم وياي .. اكيد فاهمه علي حبيبتي ..

والله يجله قرة عين لج ويجعلج قرة عين له يا رب ..