عنوان الموضوع : هل الفراغ العاطفي يولد خيانة الزوجه المومة و الطفل
مقدم من طرف منتديات الضمير العربي

السلام عليكم
//////////////



اكيد سمعتو او شفتو عن خيانة الزوجه لزوجها

انا شفت هاالحالات وانتو بعد

انا عندي مواضيع علميه كثيره توضح اسباب خيانة المرأه لزوجها

بس ما بغيت انقلهم

حبيت اعرف وجهة نظركم في الموضوع

والحالات اللي مرت عليكم

لو كانت صديقتج تخون زوجها حاولتي تصلحينها بكل الطرق دون ما يعرف

زوجها /// او قلتي انا ما يخصني

اذا عرفتي انه صديقتج في هالوضع تظلين معاها والا تبعدين عنها


//////////////

بالنسبه لي انا ما كانت لي صديقه خاينه لكن في الدوام شفت هالحلات

بس ما قدرت اتدخل لانهم مب جريبات مني

لكن لو صديقتي بمنعها بكل الطرق اكيد هالشي

... ... ... ... ...


في النهايه

تعتبرون الزوجه الخاينه مريضه نفسيه // او عندها فراغ عاطفي من جهة

زوجها // او الماده اغرتها // او البعد عن الدين // او او او ...

... ... ..

في انتظار رايكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اكيد اللي بتسوي هالشي عندها فرااااغ وفراااغ كبير ..بسسسسسسسسسسسسسسسس مب معناته انه الوحده تتجه لهذا الشي (( اعوذ بالله ) والصرااحه في نظري يعتمد ع التربيه من الاهل ولو الوحده مربااايه عدل ما بتسوي هالشي وهيه على ذمة إبوها فما بالج على ذمة ريلهاااا .....

الله المستعااان

__________________________________________________ __________

>>>> الرد الثاني :
هييييييييه ليش لااااااا
شوفي حبووبة اذا الريل مايحبهااااا مايسويلها سالفه ودوم منشغل عنهاااااا هيه بتخونه
واذا كان ريل اكبر عنها بوااااااااااايد ووو اذا بنت ريلها ضاغط عليهااا
بس في بنات ماشاء الله عليهم مايخونون رييايلهم عندهم طريقه ثانيه وهيه التقرب الى الله ويقضون وقت فراغهم بشي مفيد

__________________________________________________ __________

>>>> الرد الثالث :
بصراحة ناقصة دين والي تخون ريلها هذي تعتبر خاينة وعلى حسب تربيتها ما يعتمد اذا كان عندها فراغ ولا شي مب شرط وايد حريم اعرفهم حياتهم كلها فراغ ورياييلهم وايد يطلعون ويسهرون برع وحريمهم في البيت هذا مب معناته انها تروح تخونه أعوذ بالله

__________________________________________________ __________

>>>> الرد الرابع :
على حسب الزوجه هي شو ؟؟؟

يعني في حريم يتجهون الى الطريق الخطأ و........... و ............. و...............

وفي حريم تستر على بيتها وعيالها وتخاف ربها وتتقرب بالدعاء من الله



وبصراخه الفراغ يولد وايد اشياء


تحياتي

__________________________________________________ __________

>>>> الرد الخامس :
اعرف وحدة بعد جي .. كانت تخون زوجها وانا كم نصحتها ما فاد وطرشتلها بعد بنات ينصحونها بعد ما فاد لين ما كشفها زوجها .. تعرفين شو سوا؟؟
خلا كل شي وقالنا دام انتن تعرفن حق شو ما خبرتني ؟؟؟!!!
رديت عليه قلتله اسمحلي الواحد ينصح اول شي وبعدين لو مافاد بنلجالك .. ولا سوى في الحرمة شي اونه يحبها
بس زعل وعصب واحتشر علينا وعلى خواته كيف اونه ما تقولون .. انزين الحين انته عرفت شو سويت؟