عنوان الموضوع : تأنيب الضمير ...^_^ لتربية طفلك
مقدم من طرف منتديات الضمير العربي

السلام عليكم ورحمة الله وبركاته

شحالكم خاوتي...!؟

امممممم

ما اعرف شو اقول بس تأنيب الضمير ذابحني مادري ليش...!؟

بقولكم مواقف مرت علي خلتني احس بتأنيب الضمير

مثلاً يوم يعبني شي ويكون شوي غالي وابي اشتريه بعد ما اقول لريلي


واشتريه ايلس الوم نفسي انا ليش شريته وهو غالي ومادري شووو

ودوووم هالشي يصير لي واحينه كل مااريد اشتري شي ويعيبني

يوم اوصل للمكان يقول لي ريلي يله بشتريه لج اقول لا خلاص ما ابيه

هالشي يصير لي يوم اشتري شي غالي بس

ايلس اقول حرام ليش جيه اشتري وخساير على ريلي مسكين واتم جيه

على طوووووول الصراحه مليت من هالحاله

مادري ليش انا مضايقه من هالشي منو منكم يصير لها

نفس الشي...!؟

ياليت بنات اشوف رايكم في الموضوع مادري هل يعتبر مشكله

ولا شي عااادي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الغاليه مب لازم كل مره تاخذين شي غالي خفي على الريل شوي هو طبعا مابيقولج لا لاتاخذينه عشان غالي
يعني نوعي في الاسعار شي غالي وشي رخيص..
والسموحه

__________________________________________________ __________

>>>> الرد الثاني :
انا يصير ويااي بس انا مب متزوجـه

تصير ويااي يوم تكون عندي الوالدة ..

اقول لها وديني المكان الفلااااااني ..وامبين عليها ما تبغي ترووح ..

بس تجبر نفسها وترووح ويااي مع اني اعرفها متى اي على مزاجها بتروح ويااي ..

والله مره سويتها سرت الفستيفل ستي ولا رجعت إلا بغرشــة ماااااااااااااي ..

وحسيت بتأنيب الظمير لاني تعبت امي ولا اشتريت شي >> ما عجبني شي <

بس اذا ريلج مقتدر وعنده الخير الحمدلله ..ما فيها شي اذا بين فتره وفتره تاخذين شي غالي ..

واذا ما بيشتريه لج من بيشتريه ؟!!

بس نصيحتــي ..اذا صدق الشي الي بتشترينه له فائده وغالي خذيه ..ولكن ماله فائده وغالي احسن تصرفين بيزات ريلج في شي انتي وهو تستفيدون منه وحزتها ما بتحسين بتأنيب الظمير ..

والله يوفقج

__________________________________________________ __________

>>>> الرد الثالث :
هلا بكم خواتي وتسلمن على المرور

الاميره تدرين انه من عرست للحين ماخذت لا خاتم ولا ساعه ولا قلاده ولاشي غالي

عشان جيه وانا عمري ما ثقلت على ريلي بالطلبات ولا طلبت شي مستحيل...

وتسلمين على رايج

مس uae

هي نفس الشي يستوي معاااي ريلي يصرف علي انا بس يعني الحمدالله ماشي حالنا

والشي الي في خاطري وابي اخذه هي ساعه وابي افصل فستان حق عرس بنت خالي

بس هالاشياء الي ابيها

انا مب من النوع الي يشتري اشياء واااايده وغاليه بدون فايده حليلي مقتصده

وتسلمين والله

__________________________________________________ __________

>>>> الرد الرابع :
انا بعد مثلج كم مناسبة تييني وابي اشتري شي وارد اقول لاحرام وعرف شو حتى لو فستا ن ب300 و500 وااايد احس بتانيب الضمير ووالاكسسورات من سنتين ماشتريت ابى افرفش نفسي لو خبرته مابيرفض لي بس مرات اقول مب لازم ويوم يكون حزتها الاقيه مشغول اويقولي ليش ماقلتيلي من اول وانا مب من النوع اللي كل يوم عباية وشيله وجلابيات والله اتم في السنة بعبايتين بس بس الشيل عادي اربع عسب ننوع في المناسبات اما النعال عادي اقعد سنه بنعال 2او3احس اني بخيلة مرات على عمري...مع ان زوجي مابيقصر

__________________________________________________ __________

>>>> الرد الخامس :
انا مثلج بالضبط


بس مب بس في الشرى في كل شيء

عادي لان فيه اشياء تستاهل ان يحس بتأنيب الضمير وهذا يخليج تراعين اللي حواليج
و تسامحين الناس واشياء واشياء وااايده