عنوان الموضوع : يوم ميلاد ريلي جرييب رعاية الاطفال
مقدم من طرف منتديات الضمير العربي
السلام عليكم
اشحالكم بنات
بغيت منكم النصيحة واقتراحات
يوم ميلاد ريلي جريب يعني فمب عارفة شو اقدم له هدية
بيوم زواجنا قدمت له عطرين وبلوزتين وفلاش وبوك ( من عند تاجرة ويزاها الله خير) بس احسه ما يستخدمهم ..
فحبيت اقدمله شي يستفيد منه فكان يفكر يشتري navigator وانا ماعرف لهالشي فسألته وقلتله ابا ايييبه لك فقالي مب لازم وماعرف شو مع اني مقررة خلاص فالحين ماعرف اشتريه حقه ولا اغير رايي ( يعني مب حلوة تعشمين حد وبعدين تغيرين رايج)
شو اقتراحاتكم ؟؟؟؟؟؟؟؟؟؟؟؟؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
امممممممم اشرايج تاخذين ميداليه من الفضه او الذهب لسويج السياره .. وتنقشين صورته او اسمه ع الميداليه
هاي بتكون عمليه ودوم عنده .. او بدال الميداليه سلسله للسياره وتسوين نفس الشي يا صورته يا اسمه
__________________________________________________ __________
>>>> الرد الثاني :
ومنكم نستفيد ,,, انا بعد عيد ميلاد ريلي قرب وماعرف شو أخذله
__________________________________________________ __________
>>>> الرد الثالث :
حبوبه اشتريله navigator دام خاطره فيه .. وكل عام وأنتم حبايب..
__________________________________________________ __________
>>>> الرد الرابع :
شوفي ال Navigation واااااايد زين واغلبية الرياييل يحتاجونه لسياييرهم وريلي واحد منهم خخخخخخخخخخ
بس المشكله انج مابتعرفين شو نوعية ال Navigation الي يباه لسيارته وينخاف ينقص عليج <<< الا اذا عندج حد يفهم بهالسوالف وبييبلج اياه
عندج لج فكره ليش ما تجمعيله مبلغ حلو 5 او 10 او 15 الف وتسوينهم بطريقة حلوة + هدية بسيطة ورد مثلاً
لأن صدقيني اغلبية الرياييل يستفادون من الفلوس اكثر من الهدايا لأن ماتعرفين شو فبالهم
عندج انا مثلاً اول عيد زواج طاف علي كان على ريلي سلفية بالبنك بحدود ال 250 الف قمت كتبتله شيك وسويتله حركه عسبة اهديه هالمبلغ + رسالة حلوة اتبين له انه انا وانت واحد وبيزاتي هي بيزاتك واتمنى انك تقبل تسديد سلفيتك خخخخخخخخ
صح اول شي عصب بس لو اقولج شكثر ارتااااااااح واستانس لأن يا حد وشل هالدين من كتوفة
يعني خلج ذكيه بهداياج واعرفي ريلج شو يبه وشو ناقصنه
وطبعاً لاتنسي المقبلات الي ما يخلى عنها (من ترتيب ولبس كشخة وعشا .........الخ)
انشالله اكون افتدج ولو بشي بسيييييييييييييط
__________________________________________________ __________
>>>> الرد الخامس :
ممممممممممممممم
تعرفين شو تاخذيله
اذا هو من النوع اللي يلبس بزم اشتريله مثلا بزمتين
واشتريله قلم اذا كان من النوع اللي يحط قلم عالكندوره
اشتريله مجموعه من محل في الستي ماعرف شو اسمه بالظبط بس شرات بودي شوب
واسعاره وااااااااايد حلوه وكله مواد طبيعيه يعني انا خذت قوطي ب 120 فيه شمعه وفيه لوشن
وفيه سكراب للويهه وفيه عطر وعطوني قوطي ثاني في شغلات ثانيه
ممممممممممم
اطبعي صوره حلوه عنده على مخده ولا دبدوب
واخر شي ودي الهديه محل ورود وهم بيتفنتكون في التزين ^_*
ادعيلي
رد مع اقتباس
