أحبه و امووت فيه بس مادري إذا هو يحبني و لا لا ؟ عالم الامومة

[chahinez]

عنوان الموضوع : أحبه و امووت فيه بس مادري إذا هو يحبني و لا لا ؟ عالم الامومة
مقدم من طرف منتديات الضمير العربي

السلام عليكم
انا وحده على قولت ربعي بريئه و طفولية و ما افهم في السوالف و قبل ست سنين عرس واحد من اهلنا و خذا بنت خاله و بنت خاله تقرب لي و انا اساسا من قبل لا ياخذها هالشخص اعرفها و لأنه هيه اساسا تقرب لنا و هيه عندها اخوان وااايد بس سبحان الله من يوم ما خذها هالشخص و انا افكر بس في واحد من اخوانها خلوني اسميه (فلان ) و هو تقريبا كبري يعني انا و هو من نفس السنه بس انا احبه لكن عمري ما نطقت و قلت حق حد عن هالحب و كان مجرد حب في قلبي و كان يوم فلان ايي بيتنا اكون عااااديه عشان اهلي ما يحسون بالموضوع لكن قلبي يدق يدق السما بساعه و عقب كم سنه انا تعرفت على وحده تقرب حق فلان الي انا احبه و هم بطبيعتهم دايمن العايله تتجمع عندهم فعادي ايلسون ويا بعض و عاادي مثل أخوان و عندها إيميله و عندها رقم تيلفونه و عاادي مثل أخوان و انا مره كنت سايره عند هاي البنت الي تقرب له و جيه يعني يلسنا نسولف ويا بعض و آخر شي عطيتها إيميلي و مرة انا كنت اسولف وياها على المسنجر و هيه سالتني شو اسم عايلتنا فقلت لها شو هو اسم العايله و عقب قلت لها ليش تسالين قالت لا بس فلان يسالني منو تكلمين في المسن فقلت له اسمج و ماعرف فحبيت اقوله اسم العايله عشان يعرف ما تتصوروون شقد قلبي كان يدق و كنت فرحاانه ساعتها و بعدين فلان طلب إيميلي فقلت لها عااادي عطيه لأنه هو اساسا يقرب لي و ماشي عقب كنت اكلمة على المسن و عاادي بس و الله انه اموووت من الفرح يوم يدخل المسن و يتم قلبي يدق بس انا استحي ابدا انه ارمسه في المسن اتريا لين ما هو يرمسني و هو عمري ما دخل و ظهر من غير ما يرمسني لازم يوم يدخل يرمسني سوالف جيه يعني مال 10 دقايق او ربع ساعه و خلاص نظهر و بعدين عقبها بفترة قلت له انه انا احبه بس بطريقة غير مباشرة و بس فالنهاية قلت له انه انا احبه و هو كان الوضع عااادي عنده بس على ما اظن انه كان متانس بس يوم كان ايي بيتنا و كنت انا ايلس في الصاله وياه ما كان يصد يجوفني و لا عينه تي في عيني و كنت انا امووت من الصياح و اقول ليش ما يجوفني و الله كنت اتعذب و بعدين يته فترة كان يغايضني في المسن طبعا انا عمري ما كلمته في التيلفون كلة في المسن و لامرة في حياتي استوت عندي مجرد كلام في المسن و بعدين هو كان يكلمني في المسن و يغايضني بانه في بنات يغازلونه و يفروون ارقام عليه و انا كنت ابين له انه الموضوع عااادي بس انا في داخلي احترق و اموووت من الصايح و بس بعدين استوا الموضوع عاااادي عندي و قمت اطنش لأنه الموضوع استوا ممل و عقب انا قررت انا اطنشه شوية و ابعد عن المسن فترة طويله و اخليه يوم يدخل المسن ما يلقاني فيه و يمكن استمرينا لمدة شهرين بدون ما ادخل المسن و هو سال هاي البنت الي تقرب له و قالت لها ليش ما تدخل المسن فهي قالت له امبلا تدخل كيف ما تدخل انا امس مكلمتنها فقال كيف جيه إذا انا من شهرين ما اجوفها تدخل هاي البنت على طول خبرتني و قالت ليه ترى فلان يسال عليج انا ما قدرت اقاوم انه هو يسال عليه على طولت قمت و رمسته في المسن بس هو الظاهر يوم جافني ما قدرت اقاوم كبر راسه عليه و بطر اكثر من قبل و االله العظيم اني احبه و اتمنى انه الله يجمعني وياه اليوم قبل باجر بس شو اسوى ترى هو يقرب ليه و ابا تنصحوني شو اسوي عشان اخليه يحس بجيمتي و يحس انه هو كان غلطان يوم رفس النعمة بريوله و انه المفروض يحمد ربه انه انا احبه و امووت فيه و هو عارف أخلاق و عارف انه انا مربايه و بنت ناس و خصوصا انه انا اقرب له بس انا حاليا ما اكلمة و لا شي بس ابا يحس انه هو يفتقدني شو اسوي ؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختى ابتعدي عنه وخلي المسن يولي لي ماوراه الا الدمااااااار والريال لو صدق يبااج بيي لج لين البيت مب مابيسال عنج عن طريق مسن وخربطااان وعلى فكره مب زين ترمسن ريال مب محرم لج!!!

كبري رووحج اختى الريال مايحب البنت لي تكوون فريسه سهله يحب الرزينه لي تصده مليووووون مرررره جفتي كيف يوم بعدتي تخبل هذيل هم الريايل كلما قربتي ابتعدوحس انج سهله المناااال

ابتدي لاتحطينه في باااالج واذا جفتييه انهي كل شي قوولي له يافلان اذا تباني تقدم البيت بالحلال ولا خلااص مابجوووفني ف المسن ولا لي رمسه ويااااك مهما كان الثمن

وها العلااقااتلي من طرف وااحد محد ينصح بهاااا واذكري الله يا اختى وابتعدي عن هالسوالف

__________________________________________________ __________

>>>> الرد الثاني :

أنتوا وين عايشين كل شيء عااادي عندكم

الله يهديكم ويهدي سركم الغاليه
خلاص اهو عرف طبيعة علاقتج فيه وحقيقة مشاعرج
إذا جاد ويرغب فيج بيخطبج
خلاص لاترمسيه لا في المسن ولا تجابليه في الصاله

__________________________________________________ __________

>>>> الرد الثالث :

الثقل زين .. مابلومج ع غلطج لانج ضيفتيه ورمستيه بس طنشيه خليه يولي..

واذا يباج يدل البيت .. لا تبينين انج تحبينه ولاشي كبري عقلج .. وربي يرزقج بالزوج الصالح

__________________________________________________ __________

>>>> الرد الرابع :

أختي أم ود!د لا تستغربين من انه انا اجوفه في الصاله ترى هو يقرب لي و يقرب ليه وااايد وااايد بعد من صوب اميه و من صوب ابويه و يقرب لي واايد واايد بس انا ما اقدر اقول هو شو يقرب لي بالضبط بس يعني عاادي هو مب طول الوقت في بيتنا نادر ما ايي في بيتنا و يوم ايي يكون ويا اهله ما يكون بروحه يعني عااادي انا و قوم اميه و اختي و اهلي كلهم نكون يالسين في الصاله يعني مب روحنا لا يروووح تفكيركم بعيد

__________________________________________________ __________

>>>> الرد الخامس :

و بعدين المكشلة انه هو ما يقدر يخطبني الحينه و لا يقدر يتقدم لي لأنه انا قلت لكم انا و هو كبر بعض و نحن ندرس بعدني ما خلص دراسه و هو بما انه كبري يعني بعده يدرس فكيف بيخطبني بس انا اباه يبيني حبه ليه انا مادري إذا هو يحبني بس من اسلوبه يوم كان يرمسني يدل انه هو يحبني و على فكرة ترى العايله كلها تدري انه انا ارمسه او كنت ارمسه و كنت فعل ماضي و انتهى من زمااان خلاص انا حاليا ما لي اي صله بيني و بينه لا ارمسه و لا يرمسني خلاص ما عندي إيميله بس انا احبه و بعد كنت احبه و كنت فعل ماضي بس مازال موجود في قلبي يوم اجوفه اذكر يوم كنت اجوفه كيف كان يدق قلبي و يوم كنت اعرف انه هو بيي بيتنا كنت اسير و اغير ثيابي و البس مخورة و احط دهن عود و احط بودرة و اجحل و بس بعد فوق كل هذا انا ملتزمة بالحجاب جدامه صحيح انه هو يقرب لي و يقرب لي وااايد بس بعد انا ملتزمة بالحجاب جدامه