عنوان الموضوع : اخاف اتطلق بسبة عمتي! عالم الامومة
مقدم من طرف منتديات الضمير العربي

حسبي الله ونعم الوكيل..

ريلي وايد يسمع ويتأثر برمسة امه وخواته... واذا صارت مشكله يسمع رمستهم وعاد هن مايقصرن بدال مايوصوونه علي يوصوونه ضدي..

شو اسوي قمت والله اخاف اتطلق والسبه عمتي.. هو وحيد امه وهي وايد تتكلم وبناتها نفس الشي.. اذا يييت بيت اهلي قمت اخاف لان فرصتهن في الرمسه تزيد ... وبحكم شغلي اضطر ايلس في بيت اهلي طول الاسبوع تقريبا وارجع في عطلة نهاية الاسبوع..

ولاتقولون تقربي منها ومن هالرمسه لاني ماقصرت مول واخر شي غدروا بي وجلبوا ريلي ضدي ..

شو اسوي .. والله 24 ساعه افكر واحاتي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يعيييييييييييينج

__________________________________________________ __________

>>>> الرد الثاني :
"تهادو تحابو" دوم اشتريلها هدايا واستمري ع معاملتج الطيبه وياها ... ومستحيل اتم جذي مع الوقت بتغير وبتستحي تطلع رمسه عنج.. ولاتبينين لريلج انج متضايقه منهاا .....وانتي جربي وبتشوفي النتيجه باذن الله ... الله يوفقج فحياتج وييسر امورج

__________________________________________________ __________

>>>> الرد الثالث :
حلوة فكرة عاشقة المك .. جربيها .. وانت لاتياسين .. خلج احسن عنهم .. والتبينين انج تعرفين شي .. واتقربي لزوجج .. خليه مايستغني عنج ^.*



والله يوفقج ..

__________________________________________________ __________

>>>> الرد الرابع :
حاولي انج ماتتكلمين بالسوء عن امه وخواته لان الريال ما يحب احد يغلط على اهله وحاولي تطلعين ايجابياتج اكثر من سلبياتج انا وايد عانيت من ها النقطة من البداية حتى ريلي يصدقهم ويكذبني لين الله كشفهم واكتشف انهم يسوون وااايد اشياء من وراه صار ما يصدقهم والدليل اني طلعت بشقة بروحي وارتحت والله وكل ما اروح بيتهم يحطوني فوق راسهم الحل الوحيد انج تواجيهم وتقولي لهم اذا مو مرتاحين بوجودي بطلع بيت بروحي واذا مو عاجبه ريلج خلي احد من الاهل يتدخل والله يعينج حبيبتي

__________________________________________________ __________

>>>> الرد الخامس :
الله يهدي الجميع