عنوان الموضوع : ماتوقعته يخوني!!!!!!ساعدوني.. رعاية الاطفال
مقدم من طرف منتديات الضمير العربي




انا ماكتبت موضوعي اهنه الا لني محتاجه لمساعدكم..
انا متزوجه من اكثر عن سنتين وواثق من ريلي ثقه عمياء,,
مادي شوصار البارحه فتحت تيلفونه وهو راقد لانه شارنه يديد قلت اشوف ميزاته
فجأء اشوف مسجات حب وشوق ومسجات في الرسايل المرسله((فديتج.. يا عسل...الخ))والله ماتوقعته يسويها مووووووووووووول..
انصدمت وماياني النووووم وهاي السالفه من 3 ايام بس,, ومنها وانا اميوده عمري خاطري اتصل على رقم هالخايسه واهزبها بس اخاف من عقبها ياخذ حذره زياده ,, لين الحين مافتحت الموضوع وياه بس يوم يرقد افتش تيلفونه احصل اتصالات على هالرقم والمسجات ممسوحه للاسف!!!!
شو تنصحوني اسوي احس اني بنفجر من كثر ما اميوده عمري,, ماابغي اتضارب وياه لانه حزتها بيقول خلاص وبيعيدها من وراي وبياخذ حذره زياده..
قولولي شو اسوي عشان اقطع هالعلاقه اللي ما ادري من متى؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
نصيحتي لج وباختصار لااااتقووولييله انج عرفتي لانه عقب مابيكوون عنده شئ يخاف منه..على قوولتهم المستخبي بااان ...حاولي تردعينه عن هالشئ بطريقه غير مبااشره....الخوات مابيقصرن وياج بالنصاايح والله يعينج

__________________________________________________ __________

>>>> الرد الثاني :
الله يهديه ان شاءالله

وان شاءالله الحريم يفيدوونج

__________________________________________________ __________

>>>> الرد الثالث :
الله يهديه ..

والله هذا يعتمد على علاقتج معاه اذا كنتي وايد وياااه صارحيه على طول .. اذا متوسطه ..اخترعيله قصه في بالج اتخليه يفكر بلي يسويييه ... لانه اهم شي يكون هو مقتنع يترك هالسوالف ..

__________________________________________________ __________

>>>> الرد الرابع :
والله ما اعرف مثل ماقلتي لازم يقتنع,,
والله مااعرف شو اسوي!!! خاطري اوصل لين بيتها وافضحها جدام اهلها احس ان هذا هو الحل بس اعرف ان هالشي صعب..

__________________________________________________ __________

>>>> الرد الخامس :
الله يهديه
.......
قوليله بطريقه حلوه
بوفلان انا مقصره وياك بشيء؟؟
طبعا بيسألج ليش؟
قولي بس سؤال ف بالي
ساعتها بيحس على دمه
.....
وإلا قولي
ييبيها بطريقة سوالف
تعرف الريال اللي يخون مرته
الله يجازيه بالعكس ((حرمته بتخونه)) او ف بناته
بيخاف على سمعته ساعتها
.......
والسموحه منج
وجهة نظر