ممكن حد يساعدني

[hanan]

عنوان الموضوع : ممكن حد يساعدني
مقدم من طرف منتديات الضمير العربي

بنات انا من اسبوعين رجعت لزوجي و كنت زعلانه من و تركت البيت له من فترة و المهم نحن الحين اتصالحنا و رجعت له بس
من يوم رجعت و كان فالليل قال لي انتي ارقدي فالحجرة و انا برقد فالصاله انا استغربت من كلامه و سألته ليش رد علي بعصبيه تتحكمين فيني و لاشو انا سكت و ما تكلمت وردقدت انا فالغرفه و هو فالصاله و يوم الثاني الصبح هو سار الدوام و انا مأجزة و نشت الضحىو اتصلت له و سألته شو تباني اطبخ لك قال لي ولا شي مابي شي منج و سكت وسكرت و يومها ما رجع البيت انا خفت عليه وينه وين سار ما خبرني انه بيسير مكان و تليفونه مغلق و اتصلت في عمتي امه و سألتها عنه قالت لي هو راقد في حجرة الاولاد شو تبين فيه خليه يرتاح اشوي انا قلت لها عمر انا شو سويت و شو قلت له اصلا انا من الصبح ما شفته قالت لي كل اللي سويتيه فيه و بعدج تسألين
و انا ما كنت ابي اكبر السالفه و سكرت عنها و قعدت اترياه لين 4 الفير و الله اني رقدت فالصالة و يوم الثاني نفس الشي تليفونه مغلق و لين المغرب فتح تليفونه و رمس فيه و رد غلقه
انامليت و اتصلت لزوجت حميي و اشتكت لها الوضع و قالت
لي ان عمتي كانت تقول له ليش رجعتها و انت ما تبيها مب قلت انك عفتها ليش رجعتها تبي تذلها هذي السانها يلط اذانها شوتبابها طلقنا و ريح و ارتاح و تقول حميتي رد على عمتي وهو معصب محد له خص فيني و لا في زوجتج و انا قلت هاكلام و انا معصب و انا اصلا ابيها
و اانا اهني استغربت يبيني و هادني بروحي يومين فالبيت حميتي قالت لي اصبر لانه كان مريض لان هو عنده الربو و قلت لها اوكي
و طرشت له مسج
(انا اخاف اتم بروحي فالبيت ارجع و الله اخاف و انت تعرف جيرانه عزابيه فديتج خبرني ااذا ما بتي بتصل لخالي و ببات في بيته لين تخلص شغلك)
و الله على طوووووووووووووووووووووول يي البيت مو على طول يعني بعد نص ساعه
و كان ساكت و بعد تمت ساكته لان ما عندي كلام اقوله كنت متضايجة وكلام زوجت حميي ريحني
المهم ما نطقنا بكلمة وحده لين وقت الرقاد عاد انا قلت هو بيرقد فالصاله من هذاك اليوم حطيت وكنت ماشيه و شاله الفراش قال لي بنبرة حزينه عيبتج السالفه و انا ضحكت و قلت له لا برقد عندك قال لي ردي الفراش مكانه
و رديت الفراش مكانه
و قال لي تعالي اشوي و يلسنا نسولف اونه سوالف عادية و فجأة
سألني سؤال (انتي تحبيني!!!!!) و رديت عليه و(هي و الله احبك ليش) قال عيل ليش هديتيني و انا كنت محتاج لج
انا اهني صخخخخخخخخيت

(و عقب قلت له اقبح شي فالدنيا يوم الحرمه تعرف ان ريلها يرمس عنها من وراها و مع وحده هي ما ترتاح لها حتى لو كانت اخته و انت رمست و تأمرت بعد )
رد علي (انتي ما كنتي تعرفين شي انا طلعت معااها كم مره و كنت اسولف لها اوني ابي اسوي لج مفاجأه حلوة كنوع من التغير(لان كنا متزاعلين) و من بين السوالف اخته قالت له اذكر شينها بعد و هو قال لها السالفه و اهني هي جرجته عدل و هو كان حاط في باله انها توجهه و تنصحه و هو ما قصر طبق كل كلمه هي قالتها له )
انا اهني قاطعته و قلت له ( اللي فات مات و نحن معاريس اليوم و انا بنسى كل اللي صار و انت توعدني انك تنسسى اللي صار و ان ما نسمح لحد يتدخل من بينا حتى لو العموات يعني امي و امه
و هو تم يصييييييييييييييييييييييييييييييح و انا اول مره اشوفه بهالوضع و الله خفت عليه و منه
بنات اانا الحين عنده و اخته بعد تتصل وهو ما يكلمها يدامي خير شر بس اشوف مرات انه راد عليها و مكلمنها مره لمدة ربع ساعه و مره 9 دقايق
ساعدوني والله اخا حليمه رجعت لعادتها القديمة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يعينج ....... يا الغاليه لا تخلين حد يدخل في حياتج ... واذا هو من النوع الي يقول كل شي لاخته قوليله انت ما تقدر تحل مشاكاك بروحك .......قوليله انت ريال والريال يعرف يتصرف بس قوليله باسلوب هادي وحلو ..... ويا اختي دلعيه ولا تخلينه يستغنى عنج

__________________________________________________ __________

>>>> الرد الثاني :

حاولي تنسيه الدنيا وما فيها حاولي تطلعون تغيرون جو او تلعبون بس اهله لا تغلطين عنهم جدامه وتمي مدحي اخته اشتري لها هدية حتى اذا ما تستاهل اهديها علشان ريلج يكره كلام اخته ويقارنها فيج ويقولها انج طيبة وقلبج ابيض
مع انج ما تعرفين شو يدور بينهم صدقيني كسبي الاقرب لريلج علشان تكسبينه والله يهدي ريلج ويصلح باله

__________________________________________________ __________

>>>> الرد الثالث :

حااااولي تتقربين منه اكثر ولا تخلين لها فرصه انها تدخل بينكم


اختي تحملي ع ريلج والله يصلح مابين كل زوجييييين

__________________________________________________ __________

>>>> الرد الرابع :

يمكن الغاليه يكلمه اخته في اموار البيت او اشياء ثانيه
انتي ثقي في الريال
وشكله ريلج يحبج وايد الدليل ع هذا رجعت البيت بسرعة وبكاء جدامج
هالله هالله فيه عوضيه عن ايام الزعل
انا اعرف الحياة يوم سلام ويوم زعل بس الاهم من ذالك روح من داخل تقدر تسامح يلي فات


عيبني ردج ع ريلي يلي فات مات
وربي يسعدج يالغاليه

__________________________________________________ __________

>>>> الرد الخامس :

حولي تتقريبا من ريلج وتعرفين شو المشكله حولى تتقريب من اخته يمكن المشكله تخص اخته ويحاول يحلها يمكن
تحملى عسى خير