عنوان الموضوع : هل تقبلين بهذا الزوج ..!!! لتربية طفلك
مقدم من طرف منتديات الضمير العربي

السلام عليكم ورحمة الله وبركاته

كيف حالكمـ خواتي

عندي زميلة وياي بالجامعه وعندها سالفه شاورتني فيها وحبيت اخذ رايكمـ

هي عمرها 20 سنه وحلوه وكل شي فيها حلو ماشاء الله عليها وتقدم لها واحد عمره 39 سنة مو متزووج وعنده ماجستير ودكتوراه ومن قبيله ممتازة جدا ... واخلاقه عاليه

وطيب جدا ... بس المشكله انه اكبر منها بـ 19 سنه ... وايد صح ؟؟؟

وهو والله لما تشوفونه تعطونه 26 سنه او 28 سنه مو اكثر

حتى انصعقت يوم قالت لي انه عمره كذا ...

انا كان رايي لها قلت لها استخيري ربج ... وبعدين السالفه مب على العمر
يمكن يكون احسن من غيره ... واذا هو نصيبج بتاخذينه

قامت تقول اخاف عقب الناس يعايروني فيه يقولون لي ماخذه شايب

المسكينه جالسه تفكر ولا هي مركزه بالامتحان واهلها مايبون يجبرونها على شي

يعني ماعطينها على كيفها قالوا لها فكري زين ... وهذه موصفات الرجال

وماعندنا اي زياده ... واحنا سالنا عنا وطلع خووش ورجال بس انه كبير وايد

بنات بليز عطوني رايكمـ عشان ارسله لها وتقتنع بالكلام

يعني والله حاسه بشعورها الواحد بهالمواقف يبي له حد يشاوره ويسمع رايه

اتمنى انكم اتفيدوني واتفيدونها

يعطيكم العافية

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أحسن شي انها تستخير.. بس بعد مانصحها تاخذ واحد هالكبر.. مابتعرف تتفاهم وياه.. و الي ايطولون مايعرسون ايروعوني.. أحس شي تحت راسهم هههههههههههه

الله ايسرلها الي فيه الخير^_^

__________________________________________________ __________

>>>> الرد الثاني :
عليها انها تستخير واذا الله كاتب لها هالريال بتتيسر امورها

واذا الله ما كتب لها هالريال بتشوف عمرها تلقائيا مب اموافقة عليه


مع ان رايي انه وايد كبير بس عليها بالاستخارة احسن

__________________________________________________ __________

>>>> الرد الثالث :
خليها تستخير قبل ..

ووايد بنات رياييلهم اكبر عنهم ..

ربيعتي كان عمرها 16 سنة واتزوجت واحد عمره 29 ... وانا فرق بيني وبين ريلي 8 سنوات ومب حاسه بالفرق ..

أهم شي الريال زين وسمعته طيبه .. والله هالايام المحظوظة اللي تلقالها من يقدرها ...

والله يسهل عليها ان شاء الله ..

__________________________________________________ __________

>>>> الرد الرابع :

المشاركة الأصلية كتبت بواسطة o0المها0o
أحسن شي انها تستخير.. بس بعد مانصحها تاخذ واحد هالكبر.. مابتعرف تتفاهم وياه.. و الي ايطولون مايعرسون ايروعوني.. أحس شي تحت راسهم هههههههههههه

الله ايسرلها الي فيه الخير^_^




تسلمين حبوبه ع المرور واسعدني رايج ... ان شاء الله بنسخ لها كل الردود وبعطيها ع المسنجر ^_^

__________________________________________________ __________

>>>> الرد الخامس :

المشاركة الأصلية كتبت بواسطة بنوتة80
عليها انها تستخير واذا الله كاتب لها هالريال بتتيسر امورها

واذا الله ما كتب لها هالريال بتشوف عمرها تلقائيا مب اموافقة عليه


مع ان رايي انه وايد كبير بس عليها بالاستخارة احسن



صح هو وايد كبير ... بس الغريب صراحه انه شكله وايد صغير ماشاء الله تبارك الرحمن

حتى قمت اقول لها خلي ابوج يتاكد انه صج من مواليد 1969 .. لاني مب مصدقه