عنوان الموضوع : انتي ياحلووه تعالي وجاوووبي @_____@ المومة و الطفل
مقدم من طرف منتديات الضمير العربي
اااااااااالسلام عليكم ورحمه الله وبركاته-
شحالكن بنات ؟عسى ربكن بخير؟؟
ان اليوم يايبه لكن موضووع للمناقشه وهوه عباره عن مجموعه اسالئه اتمنى ان الكل يجوب عنها
هل توايدين ان الحرمه تتطلع وياريلها بيت روحهم؟؟؟؟؟
هل انتي تعيشين ويا ريلج روحكم ولاويا اهلها؟؟؟؟؟
شو الاسباب اللي خلتكم تسكنون في بيت روحكم ؟؟؟؟
شو احساسج وانتي عايشه ويا اهل ريلج يعني مرتاحه متضايقه في مراقبه عليج ؟؟
شو رده فعل ام ريلج لم طلعتوووو في بيت روحكم؟؟؟
شو المسوليات اللي طااحت عليج وحسيتي فيها لم طلعتو في بيت روحكم؟؟
وفي بداايه الزوااج هل تفضلين تسكنين في شقه ولافي بيت كبير ؟؟؟
والسموووحه على المغثه خواااتي بس حبيت اني اعرف رايكم
خويتكـــــــــــــــــــــــــــــــــــــــــــــ ـ(قمر الجميرا)ــــــــــــــــــــــــــــــــــن
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي انا اشوف انه يعتمد على الوضع والضروف مب كل المعرسات نفس الشي فمثلا في ناس مرتاحين في بيت اهل الزوج خاصة اذا كان كبير وبيسدهم كلهم وعيالهم وتكون المصاريف فيه اقل اما اذا كان صغير الاحسن انهم ينتقلون و اكثر الحريم يفضلون يسكنون بيت روحهم عشان الاستقلاليه
معاملة اهل الزوج للزوجة ومعاملة الزوجه لهم تلعب دور كبير في هل الموضوع مب دوم اهل الزوج هم الاشرار مثل ما معظمنا متصور
__________________________________________________ __________
>>>> الرد الثاني :
-------مسكوره اختي على التعليق ------بس يليتج لو جاوبتي على الاسلئه جان احسن --------------
__________________________________________________ __________
>>>> الرد الثالث :
هل توايدين ان الحرمه تتطلع وياريلها بيت روحهم؟؟؟؟؟
أكيد أؤيد
هل انتي تعيشين ويا ريلج روحكم ولاويا اهلها؟؟؟؟؟
الحمدالله نعيش بروحنا
شو الاسباب اللي خلتكم تسكنون في بيت روحكم ؟؟؟؟
الصراحه الوحده ماتاخذ راحتها الا في بيتها اما في بيت اهل الزوج اتحس انها مقيده ومراقبه و ماتقدر تتصرف بحريه
شو احساسج وانتي عايشه ويا اهل ريلج يعني مرتاحه متضايقه في مراقبه عليج ؟؟
أول ماتزوجت عشت تقريبا بس ثلاث شهور بيت اهل ريلي وطبعا ما كنت مرتاحه لاني طول الوقت كنت احس اني مراقبه في كل تصرفاتي
شو رده فعل ام ريلج لم طلعتوووو في بيت روحكم؟؟؟
عادي مازعلت
شو المسوليات اللي طااحت عليج وحسيتي فيها لم طلعتو في بيت روحكم؟؟
طبعا صرت مسؤوله عن توفير الراحه لزوجي مثلا أكله شربه وكل شي يخصه ويخص البيت بس مهما كثرت ها المسؤليات الوحده ماتحسبها مدامها في بيت مستقل بالعكس اتحس انها ملكت الدنيا ^_^
وفي بداايه الزوااج هل تفضلين تسكنين في شقه ولافي بيت كبير ؟؟؟
الحمدالله انا عايشه مع زوجي في بيت كبير لاني ماحب الشقه وزوجي نفس الشي مايحب الشقق
مشكووووووووووره الغاليه على الموضوع ^_^
__________________________________________________ __________
>>>> الرد الرابع :
هل توايدين ان الحرمه تتطلع وياريلها بيت روحهم؟؟؟؟؟
طبعا هذا من حقها
هل انتي تعيشين ويا ريلج روحكم ولاويا اهلها؟؟؟؟؟
انا ساكنه بيت اهل ريلي الحمد لله انا مرتاحه بس ها 60% بس طبعا ابا استقر واخذ راحتي واعيش حياتي مثل ما ابا
شو الاسباب اللي خلتكم تسكنون في بيت روحكم ؟؟؟؟
الاسباب اللي بتخلينا انعيش في بيت بروحنا اول شي عشان الواحد يكون عايله لازم يكون في بيت صراحه انا افضل اني ايب عيال يوم بسكن بروحي ان شا الله وبعد عشان كل وحده في هالدنيا تحب ايكون عندها بيت مملكتها تعيش فيه مرتاحه وستقره
شو احساسج وانتي عايشه ويا اهل ريلج يعني مرتاحه متضايقه في مراقبه عليج ؟؟
طبعا مب مرتاحه لا اكل على راحتي ولا اطبخ على راحتي ولا البس على راحتي حتى باب غرفتنا في الصاله يعني ما اقدر اتكلم على راحتي يعني عايشه شو اقولج بحذر شديد عشان ما يزعلون ولا يضايجون وادعي ليل نهار ان الله يرزقنا بيت قولي آمين
شو رده فعل ام ريلج لم طلعتوووو في بيت روحكم؟؟؟
عادي ما فيها شي يعني لين متى بنتم عندهم اكيد بنطلع في يوم من الايام انا ساكنه الحين عندهم 5 سنين
شو المسوليات اللي طااحت عليج وحسيتي فيها لم طلعتو في بيت روحكم؟؟
طبعا احنا اللي بنتحمل مسؤولية كل شي وهذا هو حال الدنيا ما في شي ببلاش
وفي بداايه الزوااج هل تفضلين تسكنين في شقه ولافي بيت كبير ؟؟؟
حسب الظروف
والسموووحه على المغثه خواااتي بس حبيت اني اعرف رايكم
خويتكـــــــــــــــــــــــــــــــــــــــــــــ ـ(قمر الجميرا)ــــــــــــــــــــــــــــــــــن[/QUOTE]
__________________________________________________ __________
>>>> الرد الخامس :
هل توايدين ان الحرمه تتطلع وياريلها بيت روحهم؟؟؟؟؟
أكيد خاصه اذا فيه شباب غيره في البيت ..اما اذا وحيد اهله لا افضل فيلا خاصة احذالهم او عالاقل ملحق
هل انتي تعيشين ويا ريلج روحكم ولاويا اهلها؟؟؟؟؟
قبل وياهم عقب الطاخ طييييخ..في ملحق خاص بمدخل خاص في بيتهم
شو الاسباب اللي خلتكم تسكنون في بيت روحكم ؟؟؟؟
التدخلات والمراقبه والقيل والقال..لدرجة حدوث معركه كادت أن تؤدي إلى الطلاق خخخخخخخ
شو احساسج وانتي عايشه ويا اهل ريلج يعني مرتاحه متضايقه في مراقبه عليج ؟؟
في وضعي انا حلو لانه مايعرفون عني صح معاهم ومب معاهم ..اذا احتجت شي نقزت لهم وهم بعد..واذا بغيت مساعده في عيالي نفس الشي وعيالي يتونسون عندهم العصر..
شو رده فعل ام ريلج لم طلعتوووو في بيت روحكم؟؟؟
اخو ريلي يوم طلع اتخبلت عليهم مع ابوه اللي قالهم البيت ضيج ولازم يطلعون..وانا يوم بغيت اطلع وشافوا ريلي اقتنع ..عدلوا الملحق ورضوا اني اقعد فيه(حرام عيالها ولها حق تباهم حولها وقريب منها)
شو المسوليات اللي طااحت عليج وحسيتي فيها لم طلعتو في بيت روحكم؟؟
الطبيخ والتنظيف وتربية اليهال
وفي بداايه الزوااج هل تفضلين تسكنين في شقه ولافي بيت كبير ؟؟؟
لا في شقه..عشان تعرف تتحكم بالتنظيف وغيره لاني ضد وجود الشغاله في بداية الزواج..البيت العود معناته شغاله وشغل زياده وصعب الوحده تتحكم
ويعطيج العافية
رد مع اقتباس
