للمتزوجات والمطلقات ......مواقف ندمتوا عليها !!

[mira]

عنوان الموضوع : للمتزوجات والمطلقات ......مواقف ندمتوا عليها !!
مقدم من طرف منتديات الضمير العربي

الموضوع احسه وايد مهم للجميع

للمتزوجات حاليا

والمالجات واللي بعدهم يتريون نصيبهم

والمطلقات والله يعوضهني ربي كل خير

ياليت كل وحده تذكر موقف استوالها مع زوجها او اهله وندمت على ردة فعلها وجتها مشاكل و عوار راس من وراه او تطلقت بسببه

او شي تظن انها كانت ممكن تكون اسعد لو سوته

وتتمنى لو يرد الزمن وتكون ردة فعلها مختلفه ويمكن هالشي كان ممكن يغير علاقتها بزوجها واهله للافضل

الموضوع فقط حتى يستفيد الكل من هالتجارب بس ولااكثر

عن نفسي كمتزوجه من عدة سنوات اتمنى لو ان فترة ملجتي كانت اطول لانها بس كانت 3 شهور

واني انتبهت على نفسي ولاحملت من اول شهر للاسف ضاعت شهور العسل كلها بالوحام

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله يتيييين على الوتر الحساس ...............ندمت لما سمحت لي خالتي ( إم طليقي ) تدخل إبحياتي وأنا كان القصد
مني أعتبرها مثل الوالده .............لما إكتشف إنه ليه علاقات ............ سيرت خبرت خالتي على أساس إنها تنصحني ... وهي ماشاء الله عليها عصبيييييييييييييييه وايد ..... وراحت هزبته مايسوي بييييييزه .......ويمكن هذا خير لي ........... لأني فعلا إتبهدلت واياه ......أحياناً أقول لو ماخبرت خالتي أحسن وأحل الخلاف بيني وبينه ....... بس عقب ماإطلقت راح وإزوج إلي كان يعرفها قبل مايخطبني ........! ! ! ! ويمكن كان يدور سبب عشان يطلقني ... والله كريم

__________________________________________________ __________

>>>> الرد الثاني :

والله اعتقد تصرفج كان زين لانج لو سكتتي كان يمكن تمر سنين وانتي ماتدرين شصاير من وراج وتضيع ايامج

وصدقيني من تجربتي ومن اللي اسمعه الريال اللي يبدا حياته بهالنوع من المشاكل نادر يتعدل

والله يعوضج خير عنه يارب ومشكوره على المشاركه

__________________________________________________ __________

>>>> الرد الثالث :

.
.


up

بعدني عزابيه

بس منكم نستفيد


.
.

__________________________________________________ __________

>>>> الرد الرابع :

الحمدلله الحمدلله الحمدلله لي الحينه وكل شي تمااام ..

انشااءالله دووم جيه ..

آآآمين ..

__________________________________________________ __________

>>>> الرد الخامس :

انا ايام الملجة قلت شي بعفوية و ياليتني ما قلت: اوني اباه يغار و قلت له انا كنت احب واحد قبلك...... و قصدي اخوي الصغير، الريال خذته الافكار يمين و شمال و انا احلف له اني اقص عليه و سكر عني، بالباكر قالي انه صدقني بس انا عورت براسه و خربت مزاجه و قال لي لا تكرريها حتى لو مزح.