عنوان الموضوع : } مشكلتيــ اختيـــ { عالم الامومة
مقدم من طرف منتديات الضمير العربي
السلام عليكم ورحمة الله وبركاته شحااالكم خواتي عساكم بخييير ,,
كنت اقرأ في القسسسم وااايد مشاكل بس ماتوقعت في يوم بيي وبكتب فيه مشكلتي
مشكلتي بكل بسااطة اختي ,, هي اختي ,, تعبنااا ويااها والله تعبنااا محد يعرف يتعامل وياها
عصبية , نكدية , مزاجية , متقلبه , بعض الاحيان تحسونها متكبره ماتعرفيين شو شخصيتها عمرها 18 سنة بس لين الحينه والله مانعرف شو هي شو شخصيتها مانعرف شو تحب وشو تكره ,, تضن انه الكل يكرهااا الكل مايحبها,,
تغار بطريقة غريبه نحن 6 بنات وهي الوسط ,, عقلها مرات تحسونه كبير ومرات احسه شرات اليهال
عندها سوالف حب ويه البنات في المدرسة ,, كلمتها امي مع انه امي والله والله عندهاا اسلوووب راقي
في التعامل ويه عيالها بس ماشي فايده هاوشناها ماشي فايده ضربها ابويه تخيلو لاي درجه بعد ماشي
فايده ,, المشكلة الشي الي يقهر انه هي دلوعة ابويه وامي يعني اي شي تباه والله يلبونه لها حتى
لو كان يخالف عاداتنا مثلا عندنا التيلفون ممنوع ليييين نخلص الثانوية هي لا قبل لاتخلص التيلفون
عندهاا !! انا وخواتي والله يابنات نلبس اي شي يعني مرات نشتري الغالي ومرات الرخيص على حسب
الغرض نفسه يعني الي يعيبنا ناخذه هي لا لازم غالي ولا ماترضا تشتري ,, خواتي كلهم قنوعات بس
هي لا ,, احبهااا والله احبها ومابا اخسرها وماباها تستوي غير عنا ابا اخلاقها دوم عالية
مابا حد في يوم ايي يقول فلانه سوت ماتحمل اسمع اي رمسه من الناس فييييهااا
المشكلة الي مغصصه فيني هو ابويه عاطنها تيلفون الحينه في فتره امتحانات والاعظم من جي
انه انا ماااااااااااا اثق فيها يابنات ما اثق فييييييهااا .. لاتقولون كيف ماتثقين فيها وهاي اختج !!
مابا ادخل في تفاصيل وايد المهم انه انا شفت منها مواقف وايد ماتخليني اثق فيها ,, يوم نبا مصلحتها تتحرا انه نحن مانحبهاا !! لدرجة انه مره فكرت تنتحر!!!!!!! والله يابنات ماقص عليكم ولو مب مكانة ابوية جان حولوها الشرطة تخيلو !! شو بيكون موقفنا هييج الساعة جدام الناس وكل هذا لانه نصحناها
ماتقدر امي ولا تقدر ابوية ولا تقدر احوالنا وضروفنا الي تمر علينا بس اهم شي انسوي الي هي تباه
ساعدوني يا بنات الي لها اخت شرات اختي تقولي كيف تعاملو وياها لان هالشي وايد مأثر في نفسيتي والله وانا على ويه امتحانات ومب ناااقصة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يعينكم اتصدقين اكتشفت اني يالسه اقرى شخصيتي؟؟!!
شخصية اختج شراتي بالضبط؟!!! بس للاسف فاقد الشي لا يعطيه انا شراتها
امممممم الصراحه يمكن لانها مراهقه اممم ماعرف ماعرف بس اللي اعرفه
ان انا هذا طبعي واتصدقين اميه وكل حد يتشكى مني؟؟؟
ان شاء الله البنات يساعدنج وسوووووري
__________________________________________________ __________
>>>> الرد الثاني :
الغاليه
اعرف وحده ختها شرات ختج ,, حب بنات وسوالف وتتحسب ان هلها ما يحبونها بس للاسف اخر شي انجرت لين استغفر الله ,,,
مره كانوا يشوفون شو تدخل في النت اشيا فضيييييييعه استغفر الله ,,,, ما اعرف شوه يسمونه بس يكون بنت مع بنت ,,, من العنوان هم عرفوا السالفه
اهتمي فيها ختيه ,,, اهم شي خليها تتقرب من الله شوفيها كيف في الصلاه ,,, ان ظهرتوا ولا تكشتوا خليها معاكم ,,ولا تغفلين عنها وانا ختج
خص انها 18 فتره مراهقه وينقص عليها بسرعه
ديري بالج عليها ,,, والله هناك ربيعات ما يخافون صدق ويخربون البنت حبه حبه
خليها تتقرب من الله وكل هالخرابيط بتزول بإذن الله
الله المستعان
__________________________________________________ __________
>>>> الرد الثالث :
الله يعينا ع سوالف المراهقات
بس احس ان اهلج دلوعها زيادة عنكم
وكل طلباتها مجابة فلازم بيكبر راسها وتتكبر وتتدلع عليكم
وهالدلع --لاسمح الله بيوصلها لبعيد --
وما ينفع الضرب في سنها
صدق هالمرحلة من حياة البنات والا ولاد صعبة
شوفي لج اخصائي مثل الدكتور احمد النجار وعرضيه عليه مشكلة اختج
وان شاء الله يفيدج
خذي رقمه من تلفزيون دبي
صدقيني هو يفهم النفسيات وبيعطيج حلول
يتنا في المدرسة اخصائية من مركز رعاية الفتيات
وهالفتيات وصلن لمرحلة صعبة اللي عندها مشاكل واكثرها اخلاقية والله وصلت فيهم الين الزنا وهم ما كملوا ال 15 سنة !!!!!!
طبعا هاييل يكونون شرات الاحداث ينحبسون في الدار او يودونهم اهلهم وييبونهم
اتصلي الاستعلامات وخذي رقم دار الشارقة لرعاية الفتيات وطلبي الاخصائية عواطف او اي وحدة منهن وان شاء الله يفيدونج
لان عندها خبرة في التعامل مع البنات من كثر ما مجابلة مشاكلهم
للاسف كان عندي الرقم وضيعته
__________________________________________________ __________
>>>> الرد الرابع :
مرحباااااااااااااااا يالغالية...........
تصدقين واللهـ وأناااااااا أقراااا موضوووعج أقول ليكوووووون هذي أنا وأناااا ماردي خخخخخخخخخ الصرااحه طبااااااااااااع اختج شراااااات طباااااااعي في بعض الأشياااااء بس أناااا مب عصبيه لااا بالعكس حبوووبه ودلوووعت أمي والحمدلله كل شي أباااااااه أحصله وماا أحب أشتري الاا الغاااااااااالي طبع عندي وما أقدر ااغيره حتى أحيانا يكون الشي الغالي اللي اريده مب حلووو والارخص حلوو لكني أريد الغالي بس خلاااص صااار طبع عندي....وبعد بعض الاشياااااء تكون ممنوعه بالبيت لكني أنااا اللي أخليها مسمووحه لي بالبيت...بس سواااااالف حب البنااااااات هاااااي أبداً ماا أحبهااااااااااااو الله... والله أقززززز منهاااا أحسه شذوووذ اذاا زااااد عن حد الصدااقه....
المهم...........
حبيبتي يمكن هذااا من جراااء ربعها اللي ترابعهم... يمكن عااادات ربعها جي والصاحب سااحب صدقيني على قولتج انتي ماتثقين بها لأنج شفتي لها مواقف عدمت الثقه بج من جهتهاااا....هذااا من مصاحبتها لرفقت السوووء...وعن طاري الانتحار والسالفه كانت شوي وتوصل للشرطه ترااا اعرفي هذااا مب هدفهااا انها تنتحر صج لاااء ...هدفها من سالفه الانتحااااااار انكم تشوفون ثمرت نصايحكم لها ومن بعدها مااااااااااااااااتتجرأون انكم تنصحونها يعني تفتك من النصايح وويع القلب....واذاا انتي رمستوها وامج بعد رمستهااااا...وبعد ماشي فايده بهاااا...واللي براسها بتسويه ومحد قادر انه يغير من طبعها شي....قولي لأمج انها تخفف شوي من دلعها لبنتها تراا احيانا الدلع والله مب زين وخاااصه اذاا زااااد عن حده يستوي خراااااااااااب.....وتعاملي معاها بحسن وطيب نيه وصفاء قلب...واذا حبيتي تنصحينهاااا بشي غلط شفتيه منها نصحيها باسلوووب حلوووو وحنون ويميل قلبها لج لاتيلسين تصرخين ولاترفعين صوتج وانتي تنصحينهاااا...خليها تحس انج صج تحبينها وتبين لها الخير...واهي بعد مب اصغيره ماشاء اله عمرها 18 يعني بالغ راشد عاااااااااااقل....... ويالغاليه صدقيني اللي وده ينصلح حاله بتكون له نيه الصلح والهدااايه من نفسه محد يجبره((((انك لاتهدي من أحببت ولكن الله يهدي من يشاء)))) وبيوم بتي بروحها تعتذر لكم كلكم وترااا حبيبتي الدنيا تعلم اللي مايبا يتعلم بيمر بها موقف وبتعرف به جييمتكم وبتهدتهي وبتمشي على الصراط المستقيم بس انتي عليج بالدعااااااااااء لها بصلاتج ان الله يبعد عنها رفجة السوء ويقرب لهااااا الرفقه الصالحه يااااارب.....
__________________________________________________ __________
>>>> الرد الخامس :
اتصلي الاستعلامات وخذي رقم دار الشارقة لرعاية الفتيات وطلبي الاخصائية عواطف او اي وحدة منهن وان شاء الله يفيدونج
لان عندها خبرة في التعامل مع البنات من كثر ما مجابلة مشاكلهم
للاسف كان عندي الرقم وضيعته
رد مع اقتباس
