عنوان الموضوع : الحريم الي عايشات في إمارة و أزواجهم في إمارة ثانية .. المومة و الطفل
مقدم من طرف منتديات الضمير العربي

السلام عليكم و رحمة الله و بركاته ..
هالموضوع في بالي من زمان .. و اعتقد انه طرحوه الخوات من قبل لكن ابغي اسوي ريفريش ..

الحريم الي عايشات في إمارة و أزواجهم في إمارة ثانية ..
هل تؤيدين هالشي ؟ يعني انتي مرتاحه من وضعج ؟
هل كان هالشي برضاج ولا ضدج ؟

انا مابا احطمكم بس بصراحه انا ضد و ضد و ضد انه الحرمه ترضى بهالشي ... لنه برايي الشخصي المتواضع انه الحرمه لازم تتبع ريلها وين ما سار .. مب هي اتم في مدينه و هو في مدينة ثانية و ما يتشاوفون الا يومين في الاسبوع لا و هاليومين مب كاملات يمكن اقل عن 24 ساعه لنه مب كل الوقت بيجابلها .. بيطلع ويا ربعه و بيسير الحلاق و بيخلص اموره الي ما قدر يخلصها طول الاسبوع ..

شو الاسباب الي تخلي الريال يخلي حرمته في اماره و هو يداوم في مكان ثاني ؟
انا من رايي انه ممكن الحرمه نفسها ما تبا تسير معاه .. لنه مب متعوده على مكان غير منطقتها .. و ممكن ما تبا تعيش بعيد عن اهلها ... و ممكن هو ما يقدر يأمن لهم بيت هناك .. و ممكن انه هو ما يحبها هاك الزوود يعني .. ... انا صح ما ابا اعيش بعيد عن اهلي بس بعد ماقدر اخلي ريلي يسير طول الاسبوع ماعرف شو ياكل وين يسير كيف يرقد.. يصلي ..مرتاح ...... لازم اكون معاه و يكون معايه .. هذا من واجب الزوجة على زوجها ..

و خلونا نفكر باليهال ....... انا عن نفسي حسيت باحساس انه ابويه كان بعيد عنا يوم كنا صغار لنه هو كان يداوم في امارة و احنا عايشين في امارتنا .. صح حاولنا ننتقل معاه لمدة لكن ما قدرنا و ردينا .. انا كان ودي لو تمينا معاه .. لنه هالفتره الي كان بعيد عنا حسيت انه ابتعد عنا عاطفيا .. و طبعا ما ابا اي طفل يحس بهالاحساس .. عشان جي مابا اخلي بو عيالي يكون بعيد عنهم ...

شو رايكم انتو ؟؟ ادري انه الموضوع حساس شوي .. بس خبرونا شو رايكم .. و اذا كنتوا من اصحاب هالمشكله خبرونا كيف تعايشتوا معاها ؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا معاج وكلامج صح
اذا الحرمه تقدر تروح ورا ريلها لازم تروح لانه من رايي الشخصي والي شفته من الحالات الي جدامي لما الريال في مكان وحرمته وعياله في مكان مايحس فيهم الصراحه ومايعيش معاهم كل تفاصيل حياتهم
مايدري عن المريض ولا يدري عن الدراسه ولا شي يعني يسمع بس مايتعايش ويحس
اما الحرمه الي تقول مااقدر اهد اهلي الصراحه تسمحلي هاذي وحده انانيه مافكرت في زوجها وعيالها بس فكرت في عمرها .... ويوم الريال يعرس عليهم يقولون ليش وليش

اما الي ظروفهم اتحدهم يعني الريال مايقدر يوفر لهم سكن فهذول الله يعينهم ويصبرهم

__________________________________________________ __________

>>>> الرد الثاني :
مشكووره اختي دريمه على مشاركتج .. و صح انا معاج في انه الريال يوم بعيد عن اسرته يكون بعيد عنهم عاطفيا.. و من يومين سمعت طبيب نفسي في الراديو يقول موول مب زين الشخص يسير يشتغل بعيد عن عياله حتى لو مضطر..عاد هو كان يرمس عن الناس الي يسافرون بالكم سنه عن اهلهم..بس انا احس نفس الشي...

__________________________________________________ __________

>>>> الرد الثالث :
ضربتيني على الوتر الحساس:
انا متزوجة وبمنطقة وزوجي بامارة ثانية يرجع لنا يومين بالاسبوع

اول ما تزوجت حاول فيني يلين راسي بياخذني معاه ما رضيت بكل الطرق!!!!!!!!!!!!!!
علشان انا وايد من النوع اللي متعلقة بأهلي واااااااااااااااااايد ولا زلت ولين اموت بظل احب اهلي
المهم ما رضيت
واول حمل لي اتفقنا خلاص بنروح بياخذني وخلاص حصلنا شقة بس ظهرت لنا سالفة البيت الملك واننا بنبنيه
فقلنا حرام نبني بيت هني وندفع اجار هناااااااااااك
قررنا بس نخلص بناية البيت نروح وانتقل معاه!!!!!!!!!
الحمد لله الحمد لله مليون مرة خلصنا بيت العمر وما باقي غير الانتقال وكللللللللللللللل شئ تمام بعدين
الحين في مرحلة بحث وحصلنا الحمد لله جم بيت يناسبونا بس يبالنا شوية وقت
انا ما خليت مكان ما اشتركت ما خليت مكان ما سألت وفديته بروحه يسأل
خلاص اقتنعنا اننا لا يمكن كل واحد يعيش بروحه ابداااااااااااااااااااا
وكل يوم يزيد نتعلق ببعض اكثر

اكيد زوجي واحبه وابيه يكون معاي باكلي بنومي بشربي وبطلعاتي وبكل شئ، ما اقدر ابدا على فراقه
واهو نفس الاحساس وازود
عيالنا : يظلون ارواحهم وانا معاهم يوم يروح الدوام عن جد تضربني ضيقة بصدري لما يروح من هني
بس اقول الرزق واصل باذن الله، واذا الله كاتب لنا بننتقل بثواني
والحمد لله البيت حصلناه بس باقي شوي اجراءات نسويها
وما خبرنا حد للحين

اختي توها متزوجة ، ريلها قعد يترجاها تعالي معاي لنفس مكان شغله والله ما رضتتتتتتتتت مولية
وقالت له تعال قريب
ما اقدر اخلي المدرسة اللي ادرس فيها من اول ما تخرجت، ولا اقدر افارق اخواتي واهلي هنيه وكل شئ هنيه..
وتصدقين والله انه انتقل علشانها والحين عايشة بعز وبخير ونعمة ما شاء الله عليها
اهي تشتغل واهو يشتغل وما عندهم عيال للحين واهي اصلا ما تبي بها الفترة
تشوفه كل يوم طلعاتهم سوى اكلهم شربهم كل شئ كل شئ


الحين مقتنعة انه انا وعيالي>>>> بدون ريلي ما اسوى شئ بالمرةحياتي كلها عيالي وريلي
واكيد هلي فديتهم بعد لهم دور كبير بحياتي
والله يوفقنا يا رب
وبس نحصل البيت ونستقر بدش اكتب لج اني خلاص لحقت ريلي
دعواتكم بس بها الايام القليلة نخلص اجراءاتنا يا رب


يا رب



يا رب

__________________________________________________ __________

>>>> الرد الرابع :
طبــــــــــــــــعا . . موافقة على كلامج بالحرف

__________________________________________________ __________

>>>> الرد الخامس :
انا ماتخيل ان ريلي يداوم بعييييييد عني...وخاصه انه شخصيا مش مقتنع بهالمسأله وحتى اقترحو عليه ان يداوم فمكان فبيكون فإمارة ثانيه..قال لو كان راتبهم دبل على راتبي ما بداوم....منو يودر الراحه وقرب الاهل...

بس لو من الاساس كان ريلي يداوم بعيد...اكييييد بكون وياه وخاصه اذا دوامه يسمح لهالشي....الحرمه تتبع ريلها مهما كااااااااااااان.....وانا جذه ولا جذه بعيده عن اهلي..وما شوفهم غير كل اسبوع او اسبوعين....والحين بسيرلهم لوووول....<==== مستانسه الاخت...