عنوان الموضوع : ساعدوني تعبت من الهم !!!! لتربية الطفل
مقدم من طرف منتديات الضمير العربي
بنات ريلي يشتغل في امارة ثانيه واشوفه في الويك اند .. حصلت في شنطته اللي ياخذها معاه في الامارة الاخرى body oil !!!! برائحة عطره!!! للعلم ريلي ما يعاشرني صارله فتره بس انا اقول يمكن من تعب الدوام وظرب خطوط من دبي ل بوظبي ولكن شو سالفة زيت الجسم ؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
body oil مافي شي غريب زيت للجسم !!
انتي ماتزيتين جسمج و تحطين كريمات وووو !!
ولا اي شي الرياييل بيسوونه حتى لو زيت جسم يعني يخونكم !!
لاتحاتين و لا شي ..
اتعوذي من الشيطان هذا الشيطان الي يخليج تشكين بريلج و عقب تتظاربون و ووو
خلج عاديه و لاتقولين يخونني و يخونني نفسيتج بتتعب جي
__________________________________________________ __________
>>>> الرد الثاني :
ان شاء الله ما يطلع خاين ولا شي
عادي كل الناس تهتم بالزيوت العطرية ,,
__________________________________________________ __________
>>>> الرد الثالث :
الله يعينج حبيبتي بس لا تخلي الشك يطغي عليج
انتي اساليه بس ما تسليه بزعل
((شو هاذا حبيبي يا ويلي اونه BODY OIL حركااااااااااااااات
وانتي بطريقتج بتعرفين كل شي
__________________________________________________ __________
>>>> الرد الرابع :
زيت جسم ليش ؟
ليش بيروح البحر
__________________________________________________ __________
>>>> الرد الخامس :
الغالية لاتوسوسين وايد يمكن شارنه احسني الظن
وبعدين لو كنت مكانج جان سرت وسويتله مساج بالزيت يمكن الريال يبغي ينبهج لشي
نصيحة ابعدوا الظن والوسواس من حياتكم
واذا تبين ترتاحين اكثر قوليله حبيبي شفت زيت في جنطتك ممكن اعرف شو سالفته بس كوني هاديه
ولو ما اقتنعتي بالرد لاتثيرين اعصابج الريال يحب الحرمه اللي تثق فيه ولو كان خاين الله يبعد عنج خيانته
واوصيج بحسن المعامله ادخلي مواقع تفنني في نفسج وفي كيفية ارضاء زوجج لاتخربين حياتج بايدج
وترى بنات الحرام زايدات في الدنيا
كوني له العشيقه والزوجه والام والصديقه والحبيبه
ما بيشوف في الدنيا غيرج
رضاء الزوج من رضا الله
لاتخلون رياييلكم يشردون بالعسك خلوكم محور حياتهم
ولن شاء الله يكون خير غاليتي
ورددي هذا الدعاء دايما (اللهم اجعلني زوجته الوحيده في الدنيا والاخره اللهم اعمي عينه عن نساء العالمين وزيني فيها واعمي عين نساء العالمين عنه)
والدعاء في وجه الزوج يجلب الحب والخير والراحه للزوجين
جربي وبتدعيلي
الله يسعدج
رد مع اقتباس
