عنوان الموضوع : بعدني ماخلصت الاربعين وريلي...يبا يسافر عالم الامومة
مقدم من طرف منتديات الضمير العربي

مرحبا خواتي...

حبيت ابشركم اني ربيت بخير وسلامه وربي رزقني ولد مثل القمر ربي يخليه ويحفظه لي ياااارب امييين

المهم طبعا لما طلعت من المستشفى يرت ع طوووول بيت اهلي فديتها امي ماقصرت وياي ولا حتى

خواتي ..المشكله عندي في ريلي يبا يسافر لمدة 10 ايام لتايلند والصين...وان اتحرقص ما اريده يسير

قلبي مش مرتاح بهالروحه والمشكله الثانية انه بيسافر ويا اخواني وهذا اللي مشجعنه ومخلنه مصر

ع الموضوع وااايد ..بصراحه اريده يكون وياي صحيح انه يمر علي كل يوم واشوفه بس ما اعرف

ما اريده يروح ما اريده يتعود انه يسافر من دوني...

يمكن اكون حساسه واايد عقب ما ربيت بس هو وعدني لما كنت حامل انه يكون وياي ومايفارقني

بس ماوفى بوعده ويبا يسافر...اليوم يلست وياه وكنت بصراحه زعلانه وماده البوز..وهو خبر خير

متشجع واايد انه يروح ويقول انه بيعوضني لما يكبر ولدنا ع الاقل ويصير عمره 5 شهور و وين ما

اريد بيوديني...انصحوني دخيلكم شو اسوي؟؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أنا أقول إنج تسوين عمرج زعلانه وسوي مسرحية وصيحي سوي المستحيل عشان ما يسير

وعن الياهل المفروض يكون مسئول من اليوم الأول ولا طول عمره بيتم مب قد المسئوليه

يعني تمي عشرة أيام بيت أهلج وعقب على طول ردي وسوي عمرج ما تعرفين تسوين شئ وتبين مساعدته لازم تسوين جي ولا دوم بيعتمد عليج وحاول تبعدينه عن خوانج لآنهم يربشونه وخاصه إذا كانوا مب معرسين


وتقبلي مني مروري

__________________________________________________ __________

>>>> الرد الثاني :
لا اتخلينه يروح لا تسمعين كلام الي بعدي بيون ههههههه والله نصيحه..

__________________________________________________ __________

>>>> الرد الثالث :
حبوبه .. هوو مب ساااير برووحه ؟ مع خوااااانج شوو فيها ؟؟

الا هي عشرة اياااااام بس ؟

وبخصوص.. انه وعدج انه ما يفاارقج .. ومن هالكلاااام .. اكيييد كان يسوولف

__________________________________________________ __________

>>>> الرد الرابع :
ليش مش واثقه فيه ولا فخوانج ؟

اذا الله راد يسير بيسير

والله يعينج ان شاء الله

__________________________________________________ __________

>>>> الرد الخامس :
ههههههههههههه اختي مريم اشدراج اني بقولها خليه يرووووح

خليه اختي شو بيصير يعني تراج بيت اهلج يالسه بعيد عنه حاليا

تعودي من الشيطان دام عنده خوانج مافيها شي انصحج لا تيلسين تتضايقين وجي مب زين حق حليب الياهل بييه مغص

بعدين مابيفيد زعلج بشي لان هو شكله خلاص مقرر فخليه يسير وهي راضي احسن من تكونون زعلانين لان ماشي فايده اصلا من الزعل لازم عقب بتردون ترضون ههههه

وانتي اهتمي بنفسج وولدج الحينه كلها 10 ايام تطير بسرعه