عنوان الموضوع : جامعية + متزوجه = ربه بيت... (للنقاش وتجديد الذكريات) لتربية طفلك
مقدم من طرف منتديات الضمير العربي

السلام عليكم ورحمه الله وبركاته


كلنا كان لنا طموح ايام الجامعه...خاصه الي كانت مجتهده في دراستها وحابه تخصصها بشكل كبير...انا خريجه جامعه زايد تخصص اعلام واتصال جماهيري...واتخرجت بتقدير جيد جدا مرتفع...

كان طموحي اشتغل واصمم اعلانات وبوسترات...او اكون مخرجه برامج...او صحفيه...

كل يوم طموحي كان ايزيد عن اليوم الثاني...وكنت متحمسه اخلص الجامعه بسرعه عشان ابتدي حياتي العمليه...

لان بتكون حياه جديده...بنتعامل مع الناس والخ...

اذكر مره في الجامعه سوينا معرض كبير...معرض ايخص تخصصي وكنت احدى المشاركات في المعرض...

كنت ابذلت فيه جهد جدا كبير...وحصلت في هالماده على الامتياز بسبب مجهودي الكبير في هذا المعرض...

وماشاءالله المعرض كان مليان صحفيات من مجلات وجرائد مختلفه...وانا كل شوي اسوي مقابله مع جريده او مجله مختلفه...كانوا يسالوني عن طموحي في المستقبل وكيف اكمل حياتي...كنت ارد ار عليهم طموحي ان اعمل في ظيفه غير عاديه...فانا لا احب ان اجلس على المكاتب بس احب الحركه من مكان الى اخر...والخ...


شو الي خلاني اكتب هالكلام اليوم...

انا بقولكم ليش...

ريلي امسافر (هو من اماره وانا من اماره اخرى) ...فقلتله انا بروح عند اهلي لان لهم وحشه ومن زمان مارحت...

فكنت البارحه في غرفتي الي في بيت اهلي ارتب اغراضي...والا عيوني اتطيح على المجلات الي كانوا امسويلي فيها مقابلات ايام الجامعه (مقابلات الي كانت اتخص المعرض) ...

قريت المقابلات من اول ويديد...ونزلت دمعه حاره من عيوني لان اشتقت لها الايام وان احلام المستقبل ماقدرت احققها...

بتسالون ليش ما حققت احلامي (ولله الحمد مش ندمانه) ...بس الواحد لما يتذكر الماضي ايحن...

اول ماخلصت الجامعه رحت قدمت على كم من وظيفه...وفجأه تقدملي المارد (ريلي) وخطبني من اهلي...وشرطه الاساسي ما اشتغل... (اتعرفون الرياييل كل واحد وتفكيره) ...

رضيت بشروطه...واتزوجنا ويبنا احلى ولد...بس حنيت للماضي والذكريات...



اذا عندكم قصه شرات قصتي...وذكرى شرات ذكرياتي...

ياليت اتشاركوني...

عسب انواسي بعض...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا ما بوااسيج انا بزييدج لووووول

بما اني جامعيه عندي طمووحاات كبيره ومب معرسه ( بس انا الحين صاير حااظر مب ماضي )^ـ^اممممممممم ماابا ريال يقول ما عندي حريم يشتغلن ، لان نحن ما نباا فلووس من ورا شغلنا ولا نربع ورااهن شكل ما يتحرى الاغلبيه نحن نبا نحقق استقلاليتنا وذاتناا ونتحرر شويه من البيت ، حتى الحرمه الي تشتغل احسها غيير منفتحه تجاابل ناس يدااد كل يوم وتتعامل وياهم باسلوب راقي ، احسها متاابعه العصر

مااا اعرف كيف اشرح، وانا قايله بحط من شروط زواجي ( الشغل + السواقه ) وانا ابا ريال بعد منفتح ع شغل الحرمه d

__________________________________________________ __________

>>>> الرد الثاني :
يا الله
ذكرتيني بايام العزوبية والطموح والاندفاع
اذكر اول ما دخلت الجامعة كان هدفي اني اتخرج
وما اظهر من الجامعة الا والشهادة بديني
واشتغل واستوي مديرة
هيه مديرة مره وحده
بتقولولي مديرة شو ؟؟
بقوللكم ما اعرف بس مديرة والسلام
ويكون عندي سلطة
واساعد الناس
واكون مرنة وايد ويا الموظفين
وووووو
ولكن في منتصف حياتي الجامعية تزوجت
وحملت
والحمد لله اني تخرجت
ولين هني مشواري وقف
ولين الحين فكرة الشغل مترددة فيها
واحلام المديرة تبخرت
والحمد لله مستانسة على عمري كزوجة وام

__________________________________________________ __________

>>>> الرد الثالث :
شي حلو انه الوحده تشتغل وتعدم على نفسها ويكون لها دخلها الخاص بس شو بتسوين
احمدي ربج انه الله رزقج بالريل وبالذريه ^_^ والله انه احلا الشغل لول

انا كانت شروطي انه اشتغل واخذ الليسن
والحمدالله خذت الليسن بس الشغل مابا الحيين لاني توني عروووس وثاني سنه سنه جامعه اهئ اهئ يعني بعدني
واحمد ربي وشكره انه ريلي متفتح ... ههه بس بحدود =)

__________________________________________________ __________

>>>> الرد الرابع :
أنآ طمووحي اني أول مآ أخلص الجآمعة اييني وآآحد يقوول مابا حرمتي تشتغل ..

وتحقق هالشــي .. لأني مآحب الشــغل الحمدلله .. ^^

__________________________________________________ __________

>>>> الرد الخامس :
فتحتي المواجع بس ادعـــولي اني اقدر اكمل لو حتى دبلووووووووووووم ..لأنه امنية حياتي اصير مدرسه ما اعرف مدرسه شوووووووو بس اريد اصير مدرسه..^^..امممممممم يمكن مدرسه ابتدائي او احياء او فيزياء لاني اعشق هالموااااااااااااااااااااااااااااااااااااااااااد وعشقهم يسري في دمي بس ليتني اقدر اكمل ..لأنه احس صعبه بالنسبه لوحده معرسه وعندها عيال؟؟ولا شو رايكم ..؟؟..