عنوان الموضوع : زوجي يعذبني لتربية طفلك
مقدم من طرف منتديات الضمير العربي

السلام عليكم و ورحمة الله وبركاته

مرحبا الجميع انا بدخل في الموضوع عندي صديقتي عزيزة على نفسي وااااااايد وهي من يوم ما تزوجت وما شافت يوم حلومع زوجها حرام كل اشوفها مهمومة ومب سعيدة مع انها صار لها ستة اشهر متزوجة من واحد متزوج وعنده عيال واصغر منها تقريبا بعشر سنوات بس لأنه يشتغل في امارة ثانية وتزوج صديقتي وهي في نفس امارة شغله وهي رضت فيه لأنها كبيرة وتريد تجيب عيال وتلحق عمرها والله انها بتموت على العيال المهم ان زوجها دوامه يومين وينزل يومين لزوجته وعياله واهله وربعه بس يوم يكون عند الاولى ينسى انه متزوج وحدة ثانية ولا يسأل عنها ولا يعبرها ولا بعد قاعدة في بيت ابوها عشان امها . فوق هذا ما يصرف عليها كله يتعلث انه مديون فوق هذا كله رضت فيه قالت المهم تبا عيال الحين اللي طالع في رأس الريال انه ما يبا عيال الحين قال نأجل شوي طبعا لانه هو عنده خمس ماشاء الله ولكن ما يحس بزوجته ابدا والله احس انها بتموت من القهر وقالها لاتخبرين احد من اهلج ويبا يعاشرها (بالواقي ) بس هي رافضة وهو ما يهمه لانه عنده وحدة ثانية تشبعه بس شو هالزواج اللي ما في رحمة ولا احساس بالطرف الثاني والله دوم اقولها تصبري يمكن الله يهديه المهم يا بنات ما اريد رد تجريح اللي عندها رد حلو ونصايح مفيدة تدخل والباقين عن التجريح لأن الوحدة اللي تحط موضوعها مب ناقصة حد يغلط عليها .

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يكووون فعونها

ما عندي شي اقوله

__________________________________________________ __________

>>>> الرد الثاني :
الله يعينها إن شاء الله ... لازم اختي اتصارحه و ما اتخلي هاا الشيء في خاطرهـــا .. و كل شيء بالهداوه بيستوي بإذن الله .. اللي بيتزوج زوجه ثانيه لازم يعدل امبينهن .. مب يركز اهتمامه في وحده و الثانيه يلبسهااا بغض النظر إذا كان الإهتمام للثانيه أو الأولى ..

الله يسخرلها زوجهـــا إن شاء الله ويرزقها الذرية الصالحــه

__________________________________________________ __________

>>>> الرد الثالث :
هلا حبيبتي
اسمحيلي يا اختي
هذي أكيد ماخذنها بالسر .. وما يبي حد يعرف
خصوصا زوجته الاولى
وماخذنها الظاهر لسبب واحد .. لأنه بعيد عن حرمته
يبي يشبع نفسه طول ما هو موجود في إمارة شغله
وقت اجازته يروح عند الاولى

من غير انه ما يصرف عليها خير شر
فوق كل ها يبي يعاشرها بالواقي

ليش ؟؟؟؟
ترى آخر شي لو حملت ربيعتج .. هي اللي بتربي ولدها مب حرمته الاولى

بصراحه انا اتمنى تشوف لها حل وتفرض نفسها عليه ..
يا إنه يعاشرها صح .. ويعطيها حقها مثل ما يعطي الاولى
ويصرف عليها حالها من حال الاخرى

يعنى يعدل في بينهم في كل شي ..

يا إنه دخل حد من اهلها كبير في الموضوع .. وتشرح لهم كل شي ولا تستحي
بصراحه الواحد ما يضمن عمره مع هالفئة من الازواج

__________________________________________________ __________

>>>> الرد الرابع :
زوجة ثانيه

الله يعينج على الردود الاعصاريه الي بتييج

الي يقول تستاهل

والي بيقول محد قالها تاخذ واحد من حرمته وعياله

وغير وغير

الله يعيينج

بس هي ما طلبت تبا عيال من حقها صراحة

__________________________________________________ __________

>>>> الرد الخامس :
انا اقول اختي ,,

لازم تتفاهم معاه باي طريقه وتحاول تتسعده وتكلمة ,,, لازم البنت او الحرمة تفرض نفسها على زوجها مهما صار ,, سبحان الله ,, البنات عندهن سحر جذاب وغريب على الرجال ,,
مهما سوا لازم تفكر وتدور حل ,,

نحن مهما تكلمنا هنا ,, محد بيحس بالي هي عايشتنها الا هي ,,,

واذا مصخها لا تطولها معها ,, تبعد عنه ,, وخلي اخوانها يوقفوا معها وتخبر اخوانها على الي يسويه ,,
الوحده بتعيش كم مره بحياتها ,, مره وحده ولازم تستانس فيها ,,

وتسلمي واسفه ع القصور ,,,