عنوان الموضوع : تخطبين صديقتج لاخووج ولا لأ
مقدم من طرف منتديات الضمير العربي

أبصراحة عندي صديقة جدا مقربة لقلبي ونا ما أشوف منها إلا كل أدب وأخلاق طيبة واعرفها من سنيييين ... المهم إني حاابة أخطبها لأخوي الغالي اللي الحين والحمدلله أسس نفسه واستعد لان يكمل نصف دينه والحمدلله ما ينقصه شي وجاااهز من كل النواحي وهو طلب مني مساعدته في اختيار عروس المستقبل لأنه يثق تماما باختياري له وكذلك أمي عشان جذي فكرت بصديقتي المقربه المهم لما عرضت الفكرة على بعض المقربات من الاهل وبعض صديقات الدواام إتفاااااجأت بأن الكل يحذرني مب منها لا سمح الله ولكن كونها صدييقة مقربة لقلبي وقالوا لي إتحملي إذا هي اليووم وااااايد معاج ومع أمج باااااجر لما بتكون زوجة أخووج بتشوفين كييف بتقلبه عليكم و بتسوي لكم مشاكل من حيث ما لا تتوقعوون والصديقة بتنقلب عدوة وهذا الشي من واااقع تجاربهم الشخصية اتعلموه والايااام لقنتهم دروس و عبر .. انا فعلا محتاارة معقولة الكل يتفق على هذا الشي ونا اللي اطلع غلطانه أتمنى إتفيدوني يا الغاليااااات

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا لو ربيعتي تناسب اخويه عادي بخطبها
منو قال اذا ربيعتك بتسوي مشاكل
ممكن الغريبه بعد تسوي مشاكل
اذا اخلاقها عاليه وفيها المواصفات اللي يباها اخويه برشحها له
وكله نصيب

__________________________________________________ __________

>>>> الرد الثاني :
اممممممممممم ما اضن فيها شي بصراحه

انا ربيعتي المقربة لي خطبتني لاخوها وحاليا ماشين فالاجراءات

وناويه اخطب ربيعتي لأخوي بعد


فعادي يا الغلا لان البنات ادرى ابعضهن ويعرفن بعض اكثر فأنتي ادرى بربيعتج كيف


وعندي ربيعة بعد خذت ربيعتنا لاخوها وواااايد اتصير والحمد لله بالعكس مرتاحين وااايد


دعواتكم ربي يتمم لي ع خير خواتي

__________________________________________________ __________

>>>> الرد الثالث :
ختيه الغاليه
الدنيا مافيها ضمانات والناس تغيرت وعادات أحترام الزوجه لأهل زوجها صارت نادره لكن هناك بعض الزوجات أيضا سند في الحياه لزوجها وأهله وكلن في الدنيا ونصيبه يا عزيزتي
وأذا الله كاتب زوجه لأخيك بنت تعرف الأصول فأنتي لا تعرفينها هل من صديقه أو بعيده يعني الغريبه بتكون أرحم
أختي دام صديقتج تعرفينها وضامنه اخلاقها توكلي وطلبوها لاخوج علها تكون زوجه صالحه وربي يوفقه
وجربي صلي الأستخاره وربي يقدم اللي فيه الخير

__________________________________________________ __________

>>>> الرد الرابع :
انا خطبت ربيعتي لخالي واحنا للحين سمن على عسل

اتوكلي على الله ووفقي راسين بالحلال

__________________________________________________ __________

>>>> الرد الخامس :
الغالية ما اظن ان فيها مشكلة ان خطبتي ربيعتج لاخوج وااايد بنات يخطبون ربيعاتهم لاخوانهم
انا ربيعتي خطبتني حق اخوها بس سبحان الله ربيعتي قالت لي ارفضي اخوي
من كثر ما تحبني وتعزني وعلاقتي وااايد فيها نبهتني ع شغلة ف اخوها وسبحان الله ما صار نصيب
والله يوفق الجميع