عنوان الموضوع : زوجي قرر يطلقني خلاص... رعاية الاطفال
مقدم من طرف منتديات الضمير العربي

سلام عليكم بنات...
ابي منكن دعوة بظهر الغيب مب اكقر لاني خلاص بموت من الهم.. ريلي دوم يهدد يالطلاق من تزوجنا لاتفه الاسباب.. وانا لاني مابى الطلاق واعرف شو يعني مطلقه لانه امي تطلقت من ابوي وعشنا معاها وتعبنا مابى اتطلق وريلي ماسكني من الايد الي تعورني .. دوم كنت اراضيه واهديه واذل عمري واقول ماشي فرق بين الريال وزوجته برايه يا فلانه عشان بيتج واولادج دوسي علي كرامتج وراضيه انتي.. بس عشان ماخسر ابو عيالي.. ماتخيل ولدي وبنتي يسألوني عنه وينه ولهنا عليه شو برد؟؟
اليوم صارت مشكله صغيره بالنسبة له كبيره وااايد قلت له بسير بيت امي ولهانه علي عيالي وسرت وهناك طلعت مع امي واختي سرنا بيت مرت اخوي وماقلت له عن الطلعه هذي سرت اسلم بسرعه واطلع ماتوقعت انه بيسويها سالفه لاني متعوده اطلع ساعات مشاوير سريعه وماخبر ويتصل فيني اقوله هي انا فالمكان الفلاني.. المهم انا معترفه اني غلطت ومن حقه يعرف كل تحركاتي والله معترفه بس مايستاهل الموضوع يطلقني عشانه.. انا ماطلعت روحي والله العظيم مع امي واختي وسرنا عند حريم.. وحلفت له وقلت له رمس امي واختي تأكد ابدا.. ليش جذبتي عليه بطلقج.. بشوف اليوم او باجر وقت اسير ايلس فيه مع امج واخوج لاني ماشفت منهم الا كل خير فاحتراما لهم بيلس وياهم وبتفق علي تفاصيل الطلاق...
بنات الله يخلي لكم ازواجكم واهلكم وعيالكم ادعوا لي بظهر الغيب انه الله يهدي غضبه عليه ويغيره قراره بطلاقي ويسامحني ومايدمر بيتي وبيت عيالي الي مالهم ذنب.. الله يسخره لي لاني والله احبه وايد رغم تقصيره معايه ورغم قسوته هليه لا انه يتم اسمه زوج ساترني واب لعيالي يحبهم ويسأل عنهم ويحن عليهم.. طلاقي ويلستي عند اهلي مابتنفعني ولا زواجي من غيره بعدين بينفع عيالي.. بنتبهدل واذا ذايقه بهدلة الطلاق.. الله يحنن قلبه عليه ويرحمني ويسامحني قول اكين بنات.. دخيلكن دعوه بموت من الخوف علي عيالي والله اكثر عن نفسي.. لا تقولون كرامتج وغيره عيالي اهم عني وعن كل شي بالدنيا المهم يعيشون مع ام واب لو معذبني بتحمل عشانهم...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ياااااااااااارب ما يطلقج


والله يعينج

__________________________________________________ __________

>>>> الرد الثاني :
الله يفرج همج بس حبيبتي انتي لج كرامة صح غلطتي بس ما يستاهل ان يطلقج انا من رايي كلمي اهلج او ريال كبير يتفاهم معاه ويبين له ان كلمة الطلاق مب مصخرة كل يوم يهددج فيها...هو يشوفج ضعيفة ويستقوى عليج....صلي على النبي وارقدي وباجر كلمي حد من اهلج يشوفون شو موضوعه وليش يهددج بالطلاق..لان العذر سخيف هذا اكيد شال في خاطره من شي ثاني او في راسه شي ولقى له الحجة...وربي يهديه يا رب

__________________________________________________ __________

>>>> الرد الثالث :
الله يحنن قلبه عليج .. ويخليه لج ولعياآلج .. وان شالله تكونون مثل السمن على العسل ..



يااارب سخره لها وحنن قلبه عليـهآ .. عسى الله يوفقج ويهديه .. ويخلي لكم عيالكم ..



امين يارب

__________________________________________________ __________

>>>> الرد الرابع :
الله يعينك ويحقق اللي في بالك

__________________________________________________ __________

>>>> الرد الخامس :

المشاركة الأصلية كتبت بواسطة لمعة خرز
الله يفرج همج بس حبيبتي انتي لج كرامة صح غلطتي بس ما يستاهل ان يطلقج انا من رايي كلمي اهلج او ريال كبير يتفاهم معاه ويبين له ان كلمة الطلاق مب مصخرة كل يوم يهددج فيها...هو يشوفج ضعيفة ويستقوى عليج....صلي على النبي وارقدي وباجر كلمي حد من اهلج يشوفون شو موضوعه وليش يهددج بالطلاق..لان العذر سخيف هذا اكيد شال في خاطره من شي ثاني او في راسه شي ولقى له الحجة...وربي يهديه يا رب