عنوان الموضوع : مشكله اختي متزوجه من شهرين لكـــن ..؟!
مقدم من طرف منتديات الضمير العربي


السلام عليكم ورحمه الله

خواتي حبيت اعرض لكم مشكله اختي لاني بصراحه ما اعرف وش انصحهآ ..

اختي وايد وايد مضايجه وكله تصيح وتفكر وتحاتي .. وصارحتني باللي فخاطرهآ بس ما عرفت وش ارد عليها لاني ما مريت ولله الحمد بمثل هالمواقف ..

اختي متزوجه من شهرين وريلهآ يرمس بنآت ...؟!!! حلصت فون ثاني فالسياره وقرت جم مسج منه .. دايما فونه رقم سري وكله يقول لها روحي ايلسي مع اهلي ويحب يتم وايد فالغرفه بروحه ..!

بخيــل وما يحب يطلع ويصرف عليهآ وحتى المصروف الشهري يدوب يعطيهآ .. مع العلم حاله الاجتمآعيه مره اوكي ..

وايد يعايرهآ بضعفهآ .. واخر مره قال لهآ بتزوج عليج لو ما متنتي .. وللعلم اختي من النوع الاكول بس الضعف وراثي عندنآ .. بس الشي اللي يقهر ليش ما رفضهآ من البدايه لانه اهو شافهآ وشافته فالخطبه ..

كل شي يصير بينهم يخبر اخته .. واخته تقول لاختي انه ريلج قالي جي وجي .. هو وايد مع اخته بس المفروض اللي من بينهم تكون اسرار ...

مدري بنآت انا كتبت باختصار .. وانتوآ وش رايكم بشو تنصحوهآ ..

لا تقولون طلاق .. لان ابوووي ما يرضى حد من بناته يطلقن .. وحتى لو ظهر فالريال مليون عله ما راح يرضى ..

عسب جي نحن نبا منكن حلول اشياء تقربه من اختي .. وكيف تمتن عشان ما يتم يعايرهآ ..؟!

وعن السالفه المصروف كيف ..؟!

وبصراحه اختي طيبه زياده عن اللزوم كيف اتقوي شخصيتهآ ..؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
..

الله يكون في عونها يارب و يسخرلها زوجها ..

..

__________________________________________________ __________

>>>> الرد الثاني :

بخيــل وما يحب يطلع ويصرف عليهآ وحتى المصروف الشهري يدوب يعطيهآ .. مع العلم حاله الاجتمآعيه مره اوكي ..


يرمس بنات برايه ع عمره

لكن بخيل الصراحة لالالالالا يطاق الانسان البخيل
الله يعينها

__________________________________________________ __________

>>>> الرد الثالث :

الله ييسر لاختج امرها ويسخر زوجها لها يارب
ياختيه من شهرين معناته توهم باديين حياتهم وترا حتى على الريال صعبه اول الايام يحس عمره مقيد ومسؤول ووايد اشياء لازم يودرها

انا من رأي تتقرب له وتحاول تقضي اوقاته وياه بالتدريج وماتحسسه انها فارضه نفسها عليه وشوي شوي بيتعود عليها وتطلب ربها يبعده عن الحرام
العشره بين الزوجين والمحبه والود اييوون بالوقت

اما بالنسبه للمصروف عادي خلها تقوله يفتحلها حساب ويحطلها مبلغ كل شهر على حسب مقدرته بس يكون ثابت

وبالنسبه للجسم خلها تستشير اخصائيه تغذيه وماشي هالايام صعب الضعيفه تقدر تمتن والمتينه تضعف كله مووووجوووووود

الله يسعدها ويهنيها ياااااااااارب

__________________________________________________ __________

>>>> الرد الرابع :
لا حول ولا قوة الا بالله
الله يعينها بالنسبة للمتانة خليها تشرب وتاكل تمر منقوع في حليب يوميا كوب او اثنان في شهر بتمتن ان شاء الله
وعادي مادام زوجها مايملي عينه الا المتن اكيد يحب الدلع خليها تدلعه خاصة هي في الشهر الثاني من الزواج يعني في وايد اشياء في المنتدي للدلع حق الايام الاولي من الزواج خليها تدلع نفسها وتدلعه
وبالنسبة لأخته لا تعطيها اهتمام ولا ترد عليها تتجاهلها تماما
ويارب يصلح بينهم

__________________________________________________ __________

>>>> الرد الخامس :
والله الريايل لاعانه ما اعرف ليش يتزوجون ..... قوليلها ما تسويله سالفه واي شي تحصله تواجهه ولا تسكت حتى لو دخلت اهلج من البديه ولا راح اتم طول عمرها جي وعن الضعف خليها تاخذ حبوب اسمها بريكتين في الصيدليه وايد اوكي وتزيد الوزن انا جسمي ضعيف وكنت اكل وايد بس ماشي فايده لين ما خذت هالحبوب ... وكل ما قالها سيري يلسي عن اهلي خليها تقوله تعبانه او ابا ايلس معاك واذا اصر خليها تدخل عليه الغرفه كل شوي هالي ناقص بعد واذا تطلع بسكن روحها احسن بعد ...... الله يعينها ويصبرها بس والله لا تسكت من البدايه وتحرق اعصابها ولا تيب عيال لين ما يتغير ولا راح تندم ندم عمرها اسئليني انا ....الله يوفقها ويهديه