عنوان الموضوع : طريقة التعامل مع الزوج الحديث المومة و الطفل
مقدم من طرف منتديات الضمير العربي

السلام عليكم..

شخباركم صبايا شو مسوين...

عاد يا اصحاب الخبره للمزوجات والصبايا إلي عندهم خلفيه ...

ابغي اعرف او مواضيع او حتى لو كتب عن الحياه الزوجيه..

بما اني يديد علي الحياه الزوجه ان شاءالله ...

ابغي اعرف كيف اقدر اكسب زوجي وكيف اتعامل وياه .. وشو الي مفروض اسويه..

وكيف اخليه ايحبني وهذا اهم شي عندى ^^

وبس

يحفظكم الرحمان صبايا واتمنى احصل حد ايقولي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اول شي مبروك وبعدين حبيبتي الحياة الزوجية يبالها سلاسة في المعاملة يعني احترمي ريلك وشوفي شو طلباته ولاتجصرين عليه وخليه يحس انك مهتمه فية في همومه وشاركيه في فرحة واذا عصب خذيه بالتفاهم ولاتعلين صوتك عليه بس حاولي تفهمينه الموضوع بالاكلام الهادي والرزانه لان الريال مايحب الزوجه المتهوره الي ترد عليه بصوت عالي و نصيحة من اخت لاتخبرين أسراركم حد وخليك سياسية معاه ومع اهله حتى لو ضايجوك لان الريال يحب اهلة ومايحب يفترج عنهم علشان زوجة وخليك انتي العاقلة علشان زوجك وفي بعض الامور الي مايحبه منك سوينها حاولي تعودينها عليه بالتدريج يعني مثلا مايحب يطلع وايد حاولي معاه بكل حب والله يوفجك اتريا منك دعوة حلوة

__________________________________________________ __________

>>>> الرد الثاني :
ربي يتمم لكم على خير اختي الغاليـة

أهم شي تقعــدون وتتفقـــون على الاشيـــاء الي تسهل عليكم حياتكــم الزوجيــة

قولي له شو الشي الي تحبه والي ما تحبه ^_^

وانتي خبريه شو الي تحبيه والي ما تحبيه ^_*

وحاولوا تسوون حق عمركم قواعد في زواجكم عســـب الاحترام يكون متبادل ,, وبالتالي الالفــة بينكم تم بهســولة

دوم اعتني بنفسج بدون مبالغـــة

النظافة والمنظر الائق ,, والكلمـة الطيبــة صدقـة لج وجذب لريلج

اهتمي بأهله ولا تقصرين معاهم في شي

ثقفي عمرج وايد في الاشياء الي يحبها ريلج ,, شرات الكورة أو البليستيشن أو القراءة على حسب ريلج ^_*

عسب دوم يوم تقعدون مع بعض تبهرينه بمستواج الثقافي ^_^

نقطــة ثانيـة انه يكون اهتمامج بنفسج لنفسج أول شي ,, لإن اذا كان لريلج بس ,, بعد مدة بتملين هذا الشي ^_^


لكــــــــــن أهم شي وأوصيج فيه اختي الغالية لإني أحب لج الخير شرات ما أحبه لنفسي

مرضاة رب العالمين

لا تبخلين على الله سبحانه وتعالى بالفروض والنوافل ,, قيام الليل ولو ركعتين

وكثرة الاستغفـــأر صدقيني لها أثر عجيب على الحياة الزوجيــــة


وربي يسخركم لبعض غاليتي

ومبروك ^_^

__________________________________________________ __________

>>>> الرد الثالث :
ما قصروا العضوات
انا بعد كنت محتاجه مثل هالنصايح

يزاكم الله خير
^^

__________________________________________________ __________

>>>> الرد الرابع :
يزااكم الله الف خير وما قصرتوو والله..

وربي يوفقكم ان شاءالله بحياتكم ويوفقني وياااكم ويكتب لنا السعااده اللهم امين..

وبنات إلي عندها بعد نصايح لا تبخل علينا...

وخلونا نستفيد..

بحفظ الرحمان

__________________________________________________ __________

>>>> الرد الخامس :