خطبة خالي لتربية الطفل

[aksachli]

عنوان الموضوع : خطبة خالي لتربية الطفل
مقدم من طرف منتديات الضمير العربي

السلام عليكم

شحالكم


انا ما استغنا عن رايكم بليز فيدوني في هالسالفه ،،،،،،

خالي عمره في 30 يبا يكمل نص دينه و يتزوج خالاتي شاوروني انهم يخطبون اخت ريلي هي حليوه و مافيها شي غير انه شوي بس وزنها زايد و على ظن خالتي انها بتضعف اكيد قبل العرس المشكله انه البنت هذي صح مؤدبه و شاله البيت على راسه بس وايد تحب تطلع

يعني تروح لمطاعم لستاربكس السوبرماركت (محد يشتري اغراض البيت غيرها) مرات تطلع مع بنات عمومتها او خوالها و مرات بروحه.... انا مش حابه هذا الوضع كيف تطلع و تسير بدون محمرم!!!!

لما قلت لريلي ما علق على الموضوع بالمره!!! شو رايكم اخبر خالاتي و لا حرام اقطع نصيب البنت؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حبيبتي عاادي ترى البنت بعد ما تملج يكون عليها ولي اللي هو ريلها وهي ما بتطلع بدون ما تشاور خالج اللي بيكون ريلها كلنا كنا بناات ونطلع لكن من ملجنا استوينا ما نطلع الا بشور رياييلنا فانا اقول دام البنت مؤدبه وحلوة وداشه خاطركم اخطبوها لخالج وموضوع الطلعة هي وريلها بيتفاهمون عليه او انتي اسألي خالج قوليله ترى هي اللي تشتري اغراض البيت وشاله البيت ع راسها وتطلع واايد شو رايك فيها اذا قال عادي اتوكلوا ع الله


^_^

__________________________________________________ __________

>>>> الرد الثاني :

المشاركة الأصلية كتبت بواسطة يدتي حياتي
حبيبتي عاادي ترى البنت بعد ما تملج يكون عليها ولي اللي هو ريلها وهي ما بتطلع بدون ما تشاور خالج اللي بيكون ريلها كلنا كنا بناات ونطلع لكن من ملجنا استوينا ما نطلع الا بشور رياييلنا فانا اقول دام البنت مؤدبه وحلوة وداشه خاطركم اخطبوها لخالج وموضوع الطلعة هي وريلها بيتفاهمون عليه او انتي اسألي خالج قوليله ترى هي اللي تشتري اغراض البيت وشاله البيت ع راسها وتطلع واايد شو رايك فيها اذا قال عادي اتوكلوا ع الله


^_^



نفس رآيهـآ .. ودام انهآ خلوقه ومؤدبهـ .. وانتي عارفه طبعهآ .. اخطبيهآ لخالج .. ترا نادر ماتحصلين بهالزمن ..~

__________________________________________________ __________

>>>> الرد الثالث :

غاليتي

أول شي أنا أقول الصراحــة قبل الزواج زينــة

ومن حق الريال يعرف هذا الشي ويكلمهــأ

يمكن بعد الزواج اذا قالها لا تطلعين ما ترضى وتستوي بينهم مشاكل لإنها متعودة على هذا الشي

كلنا نعرف ان الخروج بدون محرم ما يجوز إلأا للضرورة

فخالج لازم يعرف هذا الشي عسب يشرطــه قبل الزواج

بالنسبـة للوزن غاليتي كل انسان وله ذوقـــه

في الي يحب الضعاف , والي يحب المتان , والي ما يحب شي ^_^ !

الشكل عمره ما كان نقطـة الحكم على الناس

أهم شي الاخلاق والالتزام

الباقي يتصلح ^_*

وربي يقدم لهم الي فيه الخير

__________________________________________________ __________

>>>> الرد الرابع :

نفـــــــــــــــــــس راي الاخوات...
اسالي خالج اول شي...

__________________________________________________ __________

>>>> الرد الخامس :

مثل ما قالوا العضوات ما بزيد عليهم بشي

رمسي خالج قبل لا يتقدملها رسمي

وعن الوزن ها شي عادي .. وهم بنفسهم بيتفاهمون على هالامور

واحس انها اشياء مب رئيسيه في الزواج دام انه في مجال انه يتغير

لو تشوفين انهم يصلحون لبعض .. من بعد ما ترمسين خالج

وفقي من بينهم بالحلال ولج الاجر فديتج

وربي يوفق الجميع يا رب

^^