عنوان الموضوع : ممكن تشورون عليه بكلمة الله ييسر اموركم لتربية الطفل
مقدم من طرف منتديات الضمير العربي

السلام عليكم ..
يمكن كتبت موضوع قبل عن معاناتي مع زوجي..
اتصل زوجي باخوي وقاله لازم نيلس ونتفاهم على موضوع الطلاق.. باقرب فرصه البارحه..
الموضوع اختلفنا علىالسفر والمصروف.. نقاش عادي يستوي بين اي زوجين هو له راي وانا لي راي .. المشكلة انه يعترف اني صح بس بقول انتي صح ب انا ماقدر او بالاحرى ما يبى وبس.. يعني الزبده كلامه هو الي بيمشي بالنهاية .. ومع هذا نش اتصل باخوي وبيطلق!!!
قلبي تعب لانه مايمر شهر من غير ما اعيش تفاصيل الطلاق ويلعب باعصابي صح يكلمني عن مصروف الصغارية ومع منو بيعيشون وون وكيف يعين جاد مب تهديد تتخيلون اشكثر اموت انا والسالفه متكررة على اي نقاش او سالفة...
عقلي يقول لي وافقي المره هذي وتطلقي لانه لغى كرامتي على كل المستويات..
بس اشوف عيالي ويغمضوني فلبي يعورني على ولدي الي متعود ابةه ينومه وينتظر دخلته البيت كل يوم على احر من الجمر وبينتي ..شو بقول لهم صغارية ما يفهمون احس اني بموت الف مره لو شفت عيون عيالي البريئة والصغيرة الي ماكملوا سنتين مايفهمون الاساب والشرح يوم بيسألوني عنه شو بقول.. ويوم بتمر ايام واسابيع من غير شوفته شو بقول ...
يا رب ارحمني وساعدني لاني وايد خايفه مرعوبه من المصير المجهول الي معيشني ايه هالانسان ... نفسي احس بالامان واتطمن على نفسي وعيالي..

بنات.. انا تقدرون تشورون عليه بيزاكن الله خير او ادعوا لي بحياة مستقرة وبأن الله يهدي لي هالزوج... دعوة المؤمن لاخيه المؤمن بظهر الغيب مستجابة... لو ثلاث اربع منكم تذكروني بصلاتهم ودعوا لي بالاستقرار وهداية هالزوج الله يجزيها الخير ويفتح عليها من حيث لا تحتسب دنيا واخره يا رب..
والله تعباااانه من الهم الامراض بدت واحد ورا الثاني ... الله المستعان مالي غيرة وغير دعواتكم..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله المستعاان00الغااليه الصبر وبشر الصاابرين00والله بيعوضج ان ما كاان

في الدنياا فبالاخرة ان شاء الله

حبوبة حااولي ماا تخاالفين راي ريلج ما داام انه ماافيه معصيه لرب العالمين

واحتسبي اجر الصبر مثل ماقلتي لخاطر عياالج والله يكملج بعقلج ماشاء الله عليج

الله ايسر امورج وينولج الخير ويبعد عنكم العين والحسد ويسعدج ياارب

__________________________________________________ __________

>>>> الرد الثاني :
اللهم يا مسهل الشديد، ويا ملين الحديد، ويا منجز الوعيد، ويا من هو كل يوم في أمر جديد، أخرجني من حلق الضيق الى أوسع الطريق، بك أدفع ما لا أطيق ولا حول ولا قوة الا بالله العلي العظيم'


يااااااارب يفرجها عليج ويفتح لج أبواب رحمته يارب ويسخرلج زوجج ويحنن قلبه عليج

__________________________________________________ __________

>>>> الرد الثالث :
الله يهديه لج ويسخر قلبه عليكم ويحننه عليكم ياااارب


والله ماعرف شو اقولج مابا ا قولج تطلقي وافتكي منه

انتي متعلقه فيه وشاريتنه بس هو بايعنج

وهالشي ماترضى فيه اي وحده على نفسها حتى ولو عنده عشر بذرات من ريلها


الله يصلحكم لبعض وترجع اموركم لسابق عهدها ان شاءالله


وماراح انساج من دعواتي باذن الله ^_^

__________________________________________________ __________

>>>> الرد الرابع :
اللهم يا مسهل الشديد، ويا ملين الحديد، ويا منجز الوعيد، ويا من هو كل يوم في أمر جديد، أخرجني من حلق الضيق الى أوسع الطريق، بك أدفع ما لا أطيق ولا حول ولا قوة الا بالله العلي العظيم'


يااااااارب يفرجها عليج ويفتح لج أبواب رحمته يارب ويسخرلج زوجج ويحنن قلبه عليج

__________________________________________________ __________

>>>> الرد الخامس :
لاحول ولاقوة الابالله.......عسى الله يفرجها عليج ويهدي زوجج ويجعلج قرة عين له ويجعله قرة عين له....ان شاءالله