عنوان الموضوع : حركة حلوة للزوج ((عن تجربة)) لتربية الطفل
مقدم من طرف منتديات الضمير العربي

السلام عليكم يا حلوات جيف حالكم خواتي العزيزات ابا اطرح عليكم موضوع واتمنى انا الجميع يشاركني بليز وبعد عشان انساعد البنات الي يبون يغيرون بحياتهم ومب عارفين اشجايل......

بنات الموضوع (( بليز ابا من كل وحده اتخبرنا عن تجربة قامت ابها في حركه سوتها لزوجها :22 (18): او اسلوب اتعامل به زوجها او هدية قدمتها لزوجها:22 (28): اهم شي ركزوا على الحركات والمفاجئات بليز في وايد محتاجين المساعدة )) الكل يشارك

يزاكم الله خير ساعدو خواتكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يزاج الله خير..

وين المعرسات؟؟

__________________________________________________ __________

>>>> الرد الثاني :
مالجة انا طولي بعمرج

بس اعرس بخبرج بمناجري


يلا خبرونا

__________________________________________________ __________

>>>> الرد الثالث :
هلا خواتي بما أني أول وحده يرد على موضوعج من فئة المعرسات...خخخخخخخخخخخ
بما أني متزوجه من 6 أشهر سويت له كذا حركه ...
مثلا مره في عيد ميلاده خذت سيارته وقلت له أن أخوي يبا يستعملها علشان سيارته خربانه وطبعا أن متفقة ويأخوي أن ياخذ سيارة ريلي ويوديها المغسلة وينظفها مره وأنا عقب سرت بيت أبوي وأخوي ياب لي السياره اهناك وطبعا دخنت السياره وترستها نفافيخ ومن هاك العطر وركبت له جهاز السي دي وحطيت له باقة ورد على المقعد الأمامي +هديه..وكانت في السياره بطاقه كتبت عليها تعال نكمل الحفله في البيت وطبعا أنا كنت لابسه ومغيره قصة شعري وسويت ميك أب غير عن الي كنت أسويه وصبغت شعري وغيرت الشرشف والكفر وترست البانيو بالماي والرغوة وترست الحمام شموع والغرفه شموع وورد طبيعي ويبت طاوله صغيره وحطيت عليه مفرش وكيكه بصورته يوم كان عمره سنه ..وعصير فراوله والغرفه كلها بالونات ...الصراااااااااااحه ريلي استانس وطبعا كانت هذي الحركه من رابع شهر من عرست لأنه كان عيد ميلاده شهر 2

__________________________________________________ __________

>>>> الرد الرابع :
ماشاء الله عليييج هنوودة امبين عليج شاطرة وعندج افكاار حلوة.......

والله يا اخت خيماوية انا من فئة العازبات يعني ما مني فايدة

__________________________________________________ __________

>>>> الرد الخامس :
انا من عرست على طول سافرت بريطانيا :1 (9): .. و عاد صادف يوم ميلاد ريلي و انا هناك ..

همممم .. بما اني كنت مغتربه فما كان عندي وايد خيارات .. المهم .. سرت و خذت ورد جوري و قطعته و فرشته من اول باب الشقه لين باب الحجره .. و كتبت على باب الحجره ( افرش بدربك ورد يا رودة حياتي ) << و طبعا خذت شموع و حطيت عالممر و طلع واااااايد حلو ...

وداخل الحجره سويت قلب عووود بالورد عالشبريه .. و كتبت حرفه على الارض بعد بالورد و حطيت شموووع و حركات ...

و فالصاله .. على طاولة الطعام .. خذت كيكه و سويت عشا خفيف .. و كتبت عالارض بالورد (احبك )بخط كبييييييييير .. و حطيت شموع عدال الكلمه .. و ف كل بقعه شموع .. و كتبت عالطوف اشعار و لصقتها << فديتني ماعرفت شو اسوي خخخخخخ

و قبل ما ايي شغلت كل الشموع و شغلت عالكمبيوتر موسيقى مال ال happy birthday

و كاانت ليله وااااااااايد حلوه .. و طبعا اخر شي عطيته هديته ... :1 (55):


بس الحين مقهووره .. بعد بيصادف يوم زواجنا و يوم ميلاده و نحن برع البلاد .. الله يصبرنا :1 (9):