عنوان الموضوع : انتي مريضه فيج حمى بارده وريلج كبلج ماي بارد شو يكون شعورج؟ عالم الامومة
مقدم من طرف منتديات الضمير العربي

هلا خواتي كيف الحال
بسم الله عليكن وعلى عيالكن
تخيلن عندي الموقف وكتبن الرأي بصراحه شو بتسوي

من يومين عيالج مريضين فيهم حمى ومن اللإجهاد ومهام البيت من الطبخ والتنظيف والسهر والعناية باليهال ومراقض المستشفيات تعبتي ومرضتي مع العيال
قاومتي وحاولتي تمسكي نفسج لين ما يرقدوا العيال ومتأكده أن ما فيهم حمى وسرتي تحطي كم بطانية فوقج ادفي نفسج بسبب الحمى البارده
وريلج دخل ولقاج نايمة ويزاقرج وانتي من التعب ما انتبهتي عليه إلا وغرشة ماي بارده مكبوبه عليج وريلج ينازعج لانج راقده وواحد من العيال يهاذي من الحمى وانتي ما انتبهتي ذيك الساعه شو بتسوي؟

مع مراعاة
أنج عاطية العيال الدواء قبل ما يرقدوا بعشر دقايق ورقدتي فقط ساعة!!!

شعورج من ناحية ريلج شو اتكون ؟
مريضه وفيج حمى بارده وفجأة تلقي ماي بارد فوجهج؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ما فهمت شي ؟؟؟؟؟
يعني تقصدين لو انا مريضة و ريلي يرش ع ويهي ماي بارد ؟؟

اكيد بعصب و بتضارب وياه .. شي طبيعي

__________________________________________________ __________

>>>> الرد الثاني :
اسمحيله اختي
احتمال ما كان يعرف انج تعبانه يتحرااج مهمله العيال
الله يوفقج دنيا واخره
وسلامتج انت وعيالج

__________________________________________________ __________

>>>> الرد الثالث :

المشاركة الأصلية كتبت بواسطة بطة بيضاء
ما فهمت شي ؟؟؟؟؟
يعني تقصدين لو انا مريضة و ريلي يرش ع ويهي ماي بارد ؟؟

اكيد بعصب و بتضارب وياه .. شي طبيعي



أيوه الغالية
مريضة وريلج كب عليج ماي بارد



لو قالج مش على بالي انج مريضة؟؟؟

__________________________________________________ __________

>>>> الرد الرابع :

المشاركة الأصلية كتبت بواسطة البدوااوية
اسمحيله اختي
احتمال ما كان يعرف انج تعبانه يتحرااج مهمله العيال
الله يوفقج دنيا واخره
وسلامتج انت وعيالج



هلا الغالية
اكيد ما يعرف اني مريضه بس قلت شعورج وانتي مريضه وغرشه ماي بارده مكبوبه عليج شو اتكون ردت فعلج

__________________________________________________ __________

>>>> الرد الخامس :
بصيح

وبقول له اني تعبانة من المراكض والسهر

وليش ما انتبه اني متلحفة بوايد بطانيات


يوم شاف العيال تعبانيين ليش ما سار وعطاهم الدوا

ليش كل ع راس الام !!!!!!!!!1






و بكمل صياااااااااااااااااااااااح