عنوان الموضوع : يحب ربعه شو الحل؟؟؟؟ لتربية طفلك
مقدم من طرف منتديات الضمير العربي

أنا عندي مشكله وهي إن زوجي يحب ربعه وطول الأيام يطلع وياهم, وأنا ما يطلعني الا اذا طلبت هالشي ونادر ما يسمعني دوم يقولي مشغول ويا ربعي... كرهت ربعه كرررررررره

حتى لدرجة انهم يتصلون فيه اي وقت لو كان الفجر عادي ما يراعون انه انسان متزوج, وايد ماخذين راحتهم وياااه... أنا تعبت نفسيا وانفجرت


ومن كم من يوم يقولي لو يانا ولد انا ابا اسمه على اربيعي!!!!!!!!! رفعلي الضغط!!!!!!!!!

لو ربعه طلبوا منه شي ركض بيسيرلهم بيسوي نفسه الخدوم ولو أنا حرمته بغيت شي ما يسويلي سالفه!!!!!!!!


شو الحل تعبتتتتتتتتتتتتتتتتتتتتت!!! ما خليت اسلوب حلو ما تعاملت فيه وياه

ووااااااااااااايد اشيا مقصر فيها ومب رايمه أقول شي

يقولون الحرمه تختار الزوج لصفات وانا مب لاقيه اشيا

لا دين كامل لا أخلاق لا شهاده مثل الناس لا جمال ولا مال!!!


انا يالسه اقول اللي في قلبي لأنه ما عندي حد أشكيله.. هلي ما أباهم يحسون في شي وهله مستحيل أشكيلهم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يسعدك اختي و افضل شيء ادعيله في صلاتك ربنا يقربكم لبعض و اصبري ممكن تكون فترة و تعدي .

__________________________________________________ __________

>>>> الرد الثاني :
الله يكون فعونج يا الغالية ولا تتضايقين ان شاء الله الامور بتتعدل للاحسن

__________________________________________________ __________

>>>> الرد الثالث :
اختي نزلي موضوع في قسم ( العلاقات العائليه )
والبنات ما بيقصروون وياج هناك . . لانه هنيه ما بتستفيدين شي
القسم مختص بأشياء ثانيه

__________________________________________________ __________

>>>> الرد الرابع :
اختي ماترومين تلومين ربعه لانه هو اللي لازم يحط لهم حد
لو هو محسسهم انه هو انسان متزوج كانوا مااتصلوا الفجر
المهم
قولي له انتي احق بوقته منهم صح انه من حقه يرفه عن نفسه
بس في نفس الوقت مايظلمج
خيركم خيركم لاهله
يعني اذا شي قاصرنج لازم يوفيه
ويطلعج يمشيج بين فترة والثانية
وبرايه يروح ويا ربعه

ياختي كل الرياييل يظهرون ماينلامون انا الصراحة لو ريال مابيلس في البيت خخخخخ
بس بعد انتي لج حقوق عليه

بس الضرابه ماشي منها فايده
كلميه بالهداوه وقولي له خاف الله فيني

واستغفري والله الاستغفار مفتاح كل الابواب

__________________________________________________ __________

>>>> الرد الخامس :
اقري سورة البقره انا يوم اقراها يظهرني

ورددي هالايه عقب كل صلاة حتى ١٠٠ مره وبتشوفين الفرق وبتدعيلي

{وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاماً} [الفرقان: 74]

وشوفيها في القرآن وشوفي الايه اللي عقبها شو بتحصلين لما اتقولينها