عنوان الموضوع : سمعوا سالفه وعطوني الحل لتربية طفلك
مقدم من طرف منتديات الضمير العربي

شخباركم يا خواتي الغاليات ادخل في الموضوع على طول
صديقتي عندها مشكله انها قبل 4 سنوات كانت مخطوبه وملجة يعني كتب كتابها وكانت تطلع مع خطيبها دايما مرات يكون حد معاهم واحيانا ابروحم وتمت 3شهور وبعدين اكتشفت ان هو راعي بنات وعلاقات محرمه ويسافر وايد وصار ما يحترمها ويسبها لان هي تغيرت عليه بعد ما عرفت عنه كل شي بس كانت وايد متردده في الطلاق ونفس الوقت عافته وسبب التردد هو انه عاشرها فترة الخطوبه وهي ما خبرت حد من اهلها عن السالفه وهي جميله وموظفه وطيبه ووايد يخطبونها وماتوافق وتتحجج حق اهلها وترفض وهي الحين عمرها في الثلاثين وحاليا خطبها واحد ومتمسك فيها ومعجب فيها وهي تبي وخاطرها توافق بس المشكله كيف اتقول لاهلها انها غير بكر وتخاف اذا الريال عرف يغير رايه ويرفضها وانا اقترحت عليها انها اتخبر حد من اخوانها يكون متفهم والشي الي صار معها غصب عنها وحلال لانها كانت زوجته بس المشكله نظرت الناس للموضوع ان غلط بس انا اقول لها اذا الريال يبيها ومتمسك فيها وينتظرها من 4شهور واذا هو يبيها بيتفهم الموضوع واذا ما عجبه بيغير رايه وما اظن انه يخبر حد بس هي تخاف من عتااب اهلها وبالاخص اخوانها وان يمكن يفهمومنها غلط ويتصرفون معاها تصرف ثاني
وانتوا خواتي شو رايكم ومقترحاتكم لها وادعولها ان يسهل عليها امورها

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا بنظري عادي تخبر الريال اللي بيخطبها او تخبر امها واكيد امها بتستر عليهاوبتكلم الريال بينها وبين نفسها والله يوفقهم يارب

__________________________________________________ __________

>>>> الرد الثاني :
غلط تسوي هالشي

صح هي زوجته بس الزواج

اشهار

__________________________________________________ __________

>>>> الرد الثالث :
من راي انه دامهم كانوا متزوجين.. فتخبر الريال احسن واذا خايفة من اهلها فبينها وبينه..وان شاء الله يتفهم واذا ما تفهم فهي فغنى عنه..
الله يسعدها ويسر لها امرها..

__________________________________________________ __________

>>>> الرد الرابع :
الصراحة يا اختي وبدون زعل صديقتج غلطانة انها سلمت نفسها لمجرد انها مالجة... المهم اذا انها تقدر اتكلم الريال اللي متمسك فيها ويحبها وتقوله اللي صارلها بس يكون الكلام بينه وبينها... اما اهلها اذا فيه واحد متفهم ومتسامح وعنده حكمة ويتصرف صح لان الموضوع صعب على اللي يسمعه... واسمحيلي اختي والله يكون في عونها...

__________________________________________________ __________

>>>> الرد الخامس :
هلا حبيبتي
انا انصحها اتكلم الريال و اذا كان متمسك فيها ما بيهدها و من غير لا يدرون الاهل احسن عشان ما اطيح من عينهم