عنوان الموضوع : مب حاسه اني عروس !..~ لتربية طفلك
مقدم من طرف منتديات الضمير العربي

السلام عليكم ورحمة الله وبركاته...
شخباركم خواتي العزيزات؟؟ .....
بختصرعليكم الموضووع وابي ارائكم ومشورتكم...لاني واااايد مقهووووووره ومصدووومه من اللي يسمونه ريلي!
علما بأني صغيره وحلوه و100 واحد يتمناني +.+
القصه وما فيها اني ابد مب حاااسه اني عرووووس ولا 1%
والسبب ان صارلي 3 شهور مالجه وعريس الغفله ما سأل عني....
فالبدايه انا كنت متوقعه هالشي لاني ابوي اشترط عليه انه ما يرمسني في فترة امتحاناتي لان الملجه كانت فترة الامتحانات وهو كان مستعجل عالملجه فسوينا ملجة صغيره بيتوتيه بين اهلي واهله وشفته وشافني وطبعا كنت اجنن... على اساس الحفلة الكبيره بعد الامتحانات .....
خلصت الامتحانات......ومادق ..ولا سأل ......ولااااااا احد من اهله سأل عني؟!!!!!!
ترييت شهر ........
شهرييييييييين.........
ثلااااث ولا لهم حس ....
دقت اماية عليهم وقالت لهم انا مسافرين وهم كانو متوقعين حفلة في هالفتره (بس انا بصراحة انسدت نفسي عالحفله) وامي عاتبتهم انهم ما يسئلون..
ردينا من السفر......ولا سئل حضرة جنابه....
اللي يقهر ان ربيعاتي دوم يسئلوني عنه وانا حتى شكله ما اعرفه..
وانا قلت انه ما بيرمسني على اساس بيكون على قد كلمته انه وعد ابوي, بس انا اشوف هذا ما يمنعه انه يسأل عني او يطمن علي لو بمسج ,لاني انا الحين زوجتة..

الحين قولولي شو الحل لان المفروض الحين اسوي حفله بس انا كنسلتها لان صدق انسدت نفسي..
فأنتو قولولي شو رايكم ولو انتو في مكاني شو بتسون..؟!

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حاولي اتسوين حفله ملجه بسيطه عائليه يعني يلبسج فيها الذهب وفرصه تتصورون وتتبادلون الارقام وينكسر هالحاجز ،، أكيد هو يستحي يتصل عشان أبوج مثل ما قلتي ..

__________________________________________________ __________

>>>> الرد الثاني :
لا تظلمينه حبووبه .. يمكن استحى انه يتصل فيج عسب ابووج ..
ليش ماتتصلين انتي على امه ولا اخته العوده عسب تتفاهموون

__________________________________________________ __________

>>>> الرد الثالث :
احسج وايد مكبره الموضوع ...

__________________________________________________ __________

>>>> الرد الرابع :

المشاركة الأصلية كتبت بواسطة أم عزه
حاولي اتسوين حفله ملجه بسيطه عائليه يعني يلبسج فيها الذهب وفرصه تتصورون وتتبادلون الارقام وينكسر هالحاجز ،، أكيد هو يستحي يتصل عشان أبوج مثل ما قلتي ..




__________________________________________________ __________

>>>> الرد الخامس :
صراحه 3 شهور ولا هو ولا أهله يتصلون! لازم أبوكي يشوف شو الموضوع.