عنوان الموضوع : معجنات سجودي بالصور ...تفضلوا ... طبق جديد
مقدم من طرف منتديات الضمير العربي

معجنات سجودي بالصور ...تفضلوا ...
السلام عليكم ورحمة الله وبركاته
بنات جبت لكم اليوم معجناتي المشهورة في دول الخليج العربي وبلاد فارس وما بين النهرين >>>>>واثقة حدي
معجناتي لذيذة جدا _تقدرين تجمدينها وتستخدمينها وقت الحاجة وما تتغير _تقدرين تسوين فيها أي شي تحبينه (بيتزا_فطاير _كرواسان_عش النحل...........)
المقادير: 6 كاس طحين-كاس حليب –ثلاثة ارباع كاس زيت – نص ملعقة صغيرة ملح -3 ملعقة كبيرة سكر-ملعقة اكل خميرة مذوبة في كاس ماء فاتر
الطريقة :تخلط المكونات الجافة مع بعض – الطحين والملح والسكر-
تضاف السوائل مع مراعاة نوعية الطحين (اذا كان من النوع اللي يشرب سوائل اولا)اذا احتجتي سوائل زيادة زيدي الحليب
تعجنينهم مع بعض الين تصير عندك عجينة ناعمة تفك بسهولة من اليد واذا عندك عجانة يكون احسن
دهنيها بزيت حتى لاتجف وغطيها وحطيها في مكان دافئ الى ان تتخمر وتنتفخ بعدين فرديها على لوح مرشوش بالطحين واحشيها حسب الرغبة
هذا الصور قبل ادخلها الفرن





حشوة المثلثات :حمست بصل الين صار ذهبي وحطيت عليه دجاج مفروم وبهارات وملح وبعد ما استوى الدجاج خلطت معه جبن شدر مبشور



الكرواسان : جبن مالح بشرته وخلطت معه زعتر



النص دائرة : جبن سائل حسب رغبتكم



المناقيش:زعتر وزيت زيتون



وهذا بعد ما استوت





ملاحظة صغيرة انا ادهن وجهها ببيض وارش عليه سمسم وحبة البركة بس ما عندي بيض سويتها بدون


اما هذي فطيرة ابو العيال المفضلة الله يخليني له ولا يحرمه مني




تفردين قطعة دائرية من العجين بعدين تلفين اطرافها لداخل شوي حتى لا تسيح الحشوة –انا كسرت بيضة وخلطتها مع ملح وحطيتها على العجينة ورشيت فوقها جبن بيتزا كثير ورشيت فوقه شوي فلفل احمر

وهذا بعد ما استوت



وتفضلوا حياكم ترى يكفي للكل......


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
المهم حبيباتي لاتنسون بس تطلعونها من الفرن غطوها بفوطة نظيفة
وبعدها الف عافية على قلوبكم

__________________________________________________ __________

>>>> الرد الثاني :
شكلها مرة حلوة ورووعة أنا عشقي المعجنات ( =
بجربها ان شاء الله يالغلا ..

يتثبت من روعته

يعطيك الف العافية ربـي

__________________________________________________ __________

>>>> الرد الثالث :


ماااشااء اللهــ..

ويستحق التثبيت بلاا شك..

الله يسعددكــ ياررب..

__________________________________________________ __________

>>>> الرد الرابع :
ماشاءالله عليك

روعاآت ومرتب شغلك تسلم يدينك والله يسعدك


دمتي بود.,




__________________________________________________ __________

>>>> الرد الخامس :
المشاركة الأصلية كتبت بواسطة Raghad شكلها مرة حلوة ورووعة أنا عشقي المعجنات ( =
بجربها ان شاء الله يالغلا ..

يتثبت من روعته

يعطيك الف العافية ربـي



بالعافية رغودتي على قلبك
وفديت اللي يقدرووووون والله
انتي الروعة مشكووووووورة على التثبيت
الله يعافيك يالغالية