عنوان الموضوع : المخطوبات و المآلجآت و المعـرسآت !
مقدم من طرف منتديات الضمير العربي

السلام عليكم و رحمة الله و بركاته ..
شحالكم خواتي؟؟؟
طبعا الموضوع للمخطوبات و المالجات والمعرسات و الملقوفات بعد و لا تزعلوو ههههه^^
يا بنات أبي أسألكـم من خلال خبرتكم عن مشاعركم خلال الخطبة .. يعني يوم شافج ريلج النظرة الشرعية و إنتي شفتيه و كان مقبول في نظرج .. و صليتي إستخارة و إرتحتي .. و أصلا أنا محطية في بالي إن الشكل مب مهم أهم شي الأخلاق و الدين و الأسلوب الحلو و هذا الي جذبني بريلي ..
و وافقتي عليه و هو وافق
بس سؤالـي هل كان إييج شعور التردد ؟؟ يعني إنج تحسين إنج مترددة من ناحية الريال أو أحيانا تحسين إنج ما تبينه ؟؟؟ و يوم تتقرب الخطبة تحسين بخوووووووف و تخافين تندمين ؟؟؟ و أحيانا تحسين براااااااحة تاااااااامــة و عاااادي و متى اتي الخطبة ؟؟؟ و تتريين هاليوم ؟؟
مآدري يا بنات أحس مشاعري إختلطت و راسي عورني من كثر التفكييير
فساعدووني بدعواتكم احلوة و نصايحكم الطيبة ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا فديتج


شي طبيعي تحسين بكل هالمشاعر فـ وقت واحد
وبتحسين بتناقض بعد تبين وماتبين
محتاره ومرتاحه
متوتره ومطمنه

ونصيحتي لج تتوكلين على الله .. وتستخيرين لين تحسين براحه تامه
وتسهل فالامور ..

ومن توكل على الله فهو حسبه " صدق الله العظيم
وربي يوفقج ويرزقج الخير فـ كل خطوه

__________________________________________________ __________

>>>> الرد الثاني :
اختي صلي الاستخارة وان شالله ترتاحيييين

__________________________________________________ __________

>>>> الرد الثالث :
طبيعي أختي

لأنج ما تعرفين الريااال بعدج وخاايفة من المستقبل

بالتووفيج حبووبة . .

__________________________________________________ __________

>>>> الرد الرابع :
عآدي الشيخه هالشعوور
لليله العرس وإنتي تحآتين هالخوف طبيعي
ومرآت يقولون لبعد الزوآج تجربه جديده وحيآه جديده أكييد بتحآتين توسوسين وترددين بس إنتي عيني من الله خييير
وإعقليهآ وتوكلي وإتركي الوسوآس
وربي يتمم لج على خييير
موفقه


__________________________________________________ __________

>>>> الرد الخامس :
اووووه ذكرتيني والله احيد اياام الزهبه كرهته مادري ليش معنه كان يدق ومامنه قصور بس مادري فجأه عووري تغير اتجاه قلت حق امي قالت عادي شعور عاادي اي وحده اييها بس قالت استغفري واايد بس تدرين مابينتله ها الشعور ابد بس الحين واااااايد احبه وهو يحبني متعلقين ف بعض...سوويت سالفه صح ههههه..المهم حبيبتي ها الشعوور اللي ييج عااادي مع الاياام بتعودين عليه وانتي توكلي ع ربج..السمووحه