عنوان الموضوع : شورا عليه... لتربية طفلك
مقدم من طرف منتديات الضمير العربي

السلام عليكم ورحمه الله وبركاته...

خواتي مب عارفه شو اكتب او شو اقول...

من مده في موضوع شاغل بالي ولدرجه اني نزلت 5 كيلو منه... (من كثر ما افكر فيه)

مابذكر الموضوع...

ابى افتح الموضوع مع بو الشباب...بس مش عارفه كيف...

لان الموضوع شوي كبير...وهو كل ما افتحله هالموضوع عادي يزعل مني اسبوع...

هو وايد عصبي وخاصه اذا كان الموضوع مش في صالحه اتزيد عصبيته ويزعج وايعق اللوم عليه...او بالاصح ايهب فيني...

ابى ارتاح من هالموضوع...

شوروا عليه كيف افاتحه بالموضوع...

هل ابوز فتره وابين اني متضايقه وخلاف اذا سالني شو فيج اصيح واقوله؟؟؟...

او سيده اسيرله اقوله الموضوع من غير مقدمات؟؟؟...

او اكلمه في التلفون؟؟؟... (بس عادي ايسكر الخط)...

او في طريقه ثانيه؟؟؟...

لو في ادعيه ادعيها قبل لا افتح الموضوع ياليت اتخبروني...

صرت فتره ما ارقد...

تعبت من التفكير...

انا ماكنت جذي مادري شو استوابي...



بقولكم شوي عن شخصيتي عسب اتعلموني كيف اقدر اتعامل معاه...

انا جدا هاديه وابدا ما احب اسوي مشاكل...حتى اذا استوت مشكله بيني وبينه انا احتوي المشكله...

اذا هو الغلطان انا اراضيه بس عسب الموضوع ما يكبر...

الحمدالله حياتنا مافيها مشاكل واطنش وايد اذا شفت اشياء ما اتعجبني...

ما اواجهه بشي...حتى اذا كنت مضايقه من شي معين ما اقوله...

اسكت...بالعربي ابلعها...



بانتظراكم...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
فديتج والله كنت حاسه ان فيج شي قلبي كان حاس

مممم ع حسب الموضوع والله دامج تقولين انه يعصب منه لاتفتحين الموضوع معاه بس اذا مصره شرايج تعزمينه ع عشاء في مكان هادي او سيرو مكان هادي مثل البحر بروحكم وسوالفو واضحكو عادي ومن تشوفينه راااااايق استغفري بخاطرج وادعي ان الموضوع يكون خفيف عليه وفاتحيه ووضحي له شكثر الموضوع مهم بالنسبه لج وحركي ايدج ع رقبته وظهره (الحركه تهدي الاعصاب وايد)
بس نصيحه صلي ركعتين قبل الاذان الحين وادعي من قلب ان يتقبل الموضوع واستغفري لوقت الطلعه وان شاء الله خير

والسموحه بس ها اللي يا ع بالي فديتج

هونيها وتهوووووووون حبيبتي

__________________________________________________ __________

>>>> الرد الثاني :
قبل ماتكلمينا
ادعي يا ولي نعمتي وملاذي عند كربتي اجعل نقمة زوجي وغضبه وقوته بردا وسلاما عليه كما جعلت نار بردا وسلاما على سيدنا ابراهيم
دعواتج بان الله يجمع شملي

__________________________________________________ __________

>>>> الرد الثالث :
اذا ماترومين ترمسينه صارحيه بهالشي بمسج تطرشينه له وهو بعيد عنج،،
واقتراح نبضي استغفاري وايد عيبني جربيه

الله يوفجكم يارب

__________________________________________________ __________

>>>> الرد الرابع :
تسلمين حبيبتي...

بس ماعليه صلاه هالايام هو محد بعد...

__________________________________________________ __________

>>>> الرد الخامس :
عيل حبيبتي مالج غير الاستغفار فعلا انه سحر والله يا سحر