عنوان الموضوع : زوجي امخاصمني صار لــــــــــــه اسبوع
مقدم من طرف منتديات الضمير العربي
السلام عليكم ورحمة الله وبركاته
كيف حالكم يبنات
حبيت اعرض عليكم مشكلة اربيعتي في الدوام يالسة وقابضتنها الغبنة وامويمة ....سرت لها الا دمعتها طاحت ...واقولها بلاج
اتقولي ريلي صار له من يوم الخميس ما يكلمني ولا يقعد وياي هو بصوب وانا بصوب...هو يالس طول اليوم امجابل التلفزيون ولا طالع وانا يالسة فالحجرة وامجابلة التلفزيون عنادا فيه...
قلت لها ليش
قالت ماشي كان عنده زام يوم الخميس سرت بيت اهلي وصبغت وقصيت شعري وحفيت فرحانه فيه وبالخميس روحت البيت واكلمه طول الدرب وصلت وهو ما كان موجود اشوي دخل وقالي قومي بنسير عرس فلان ولا بيزعل علي وانا ذيج الساعه كاشخه له قمت لبست عباتي وسرت ..وكان بااااارد وياي طول الخط ما يرمس وانا قلبي مشتاق له ..الموهيم اونه وهم رادين كانت ناسية اغراض فبيت اهلها فنزلت اتييبهم ويوم ردت شافته فالسيارة قاعد يطالع تلفونها ضحكت وهو ما منتبه قالت له ووووووين تلفونك وكانت تتمصخر اونه جااان يعصب منها وما قال شي وتم ساكت وهي طول الدرب ساكتة ومستغربة لحد اليوم ...وهو كله ضام تلفونه وهي ما همها التلفون لانها عارفة انه في بلاوي صور وجي وهو عارف
بس مستغربة ليش هاجرنها طول هالمدة وهم فبيت وااااااااااحد وبينهم عيال وحيااااتهم حلوة وطيبة
يعني يبنات في ريال يهجر حرمته كل هالمدة بدووون سبب جايد ولا مقنع
وهي حلفت ما اتكلمه ولا تساله لوووووشوووو ...لانها اخي اونه ما غلطت بشي...
شو رايكم بمشكلتها ابا اهون عليها....بس ما تبا تتاسف له او اتكلمه لان فنظرها اونه هو الي لابسنها...
وهي على فكرة ...ريلها وااايد يحبها بس يوم يخاصم عزة نفسة تكوووووووون عودة وما يحب ...حتى لو تمو شهر على هالحال عادي ...بس هي محترق يوفها وحليلها
((بنات تراها حلت المشكلة وانا حطيت التكملة بالصفحة الثانية للي حابة ))
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يهديهم ويجمع بينكهم على خير ماعرف وين المشكله ريلها فراسه شي مغيره أهم شي لا تعانده وتاخذها وحده بوحده تتصرف عادي وتكلمه عادي خليه يحس بالذنب ماقلت تعتذر لأن ماشوف في مشكله من الاساس نصيحتي لها الاستغفار والقرآن وتكثر فالدعاء وقيام الليل خصوصا في هالايام المباركه
__________________________________________________ __________
>>>> الرد الثاني :
هلا اختي العزيزه
اممم
شاف تلفونها ..؟؟؟
ليش زعل اصلن؟؟
مافي سبب
انا اقول أحسن انها تككلمه وتتفاهم معاه وتشووف السالفه وسبب زعله
__________________________________________________ __________
>>>> الرد الثالث :
هلا حبيبتي
الأمر جداً طبيعي
يمكن ريلها تحسس يوم هيه سألته عن تلفونه .. ادري هي ما كانت تقصد شي ولا حاطه ببالها
بس هو أساء فهمها وأساء التصرف ^_^
تقول .. ريلها وااايد يحبها
في أحلى من هالشي ^_^
بس يوم يخاصم عزة نفسة تكوووووووون عودة وما يحب يعتذر
وهذا مربط الفرس .. ^.^
الرياييل بشكل عام .. كبريائهم ما يسمح انهم يعتذرون من المرأة حتى لو هم غلطانين من ساسهم لراسهم
عسب جيه هو مطنش وعادي عنده لو طاف شهر وما رمسها
الحل يالغالية .. ما تترك الامر بينها وبين ريلها يطول .. وكلما زاد الامر زاد الجفا
يوم بي البيت .. خلها تركسه ولا كأنه صار شي بينهم .. وتضحك وتسولف .. وأكدي هو بيستغرب من تصرفاتها .. بس لا تفتحله الموضوع إلا اذا هو رمس فيه
وهيه ادري بشخصية ريلها .. اذا تقدر عقب تناقشة في الموضوع او لأ
اذا نقاشها للموضوع بسبب زعل مرة ثانية فالأفضل تسكت .. واذا بيسمع لها وما بيزعل فترمسها بس يوم الامور بتهدأ وتشوف الوقت المناسب ^_^
الله يصلحهم ويسعدهم
__________________________________________________ __________
>>>> الرد الرابع :
اصصلآ تصرفه سسخيف !
شو آلسبب آصلآ .؟
الحمدلله والششكر
آلله يعينهآ ع جي ريل !
__________________________________________________ __________
>>>> الرد الخامس :
خلها تساله شو بلاه
كثره المباعد تبعد الحبايب
رد مع اقتباس
