عنوان الموضوع : ساااعدووني ما اعرف كيف اتصرف .. عالم الامومة
مقدم من طرف منتديات الضمير العربي

السلام عليكم والرحمه...
اشحاالكم ؟؟
انا عندي مشكلة واريد الحل المناااسب واتمنى انكم تساااعدووني..
انا اعرف كل رياال يكوون عندة سوااابق بس بعد ما يملج او يعرس ينسى كل شي ..
المهم انا ماالجة وجريب بعرس ..
والله وانا اكتب لكم وعيوون كلهاا دموووع وقلبي يعورني وكلة متضااايقة ..
انا اكتشفت انه ريلي يكلم بناات على البلاك بيري او المسن ..
انا مرة خذيت البااس مالة ومسحت كلة البناات الي عندة وخليت كم بنت الي هيه اناا بس ريلي ما يعرف اني اناااا .. لاني كنت اختبرة قبل ما املج عليه يعني ضايفته قبل لانه هو ولد عمي وانا اخته وياا بعض واايد وكل هذااا وخذيته ..
والحمد الله انا احبه اايد وايد مرتااحة له بس هاذي هيه المشكلة ..
انا اكلمة واسوولف وياااه على اسااس اني هب انااا وهوو مندمج في كلاامي ومستاانس ويقووولي اسراارة وصح وما يجذب علي ..

ابااا مسااعتكم واريد الحل وما اريد اي وحدة تعكر مزااجي والله هب نااقصة واريد اعرف كيف اتصرف ويااه هل اناااقشة ولا طاااف واقووله عرفت عن طريق حد للعلم هو قالي لاتدخلين المسن واناا ما ادخلة من فترة وودرت كل ربيعااتي الي على المسن والله يشهد اني ما اكلم غيرة ادش بس عسب اختبره ..

ان شااء الله تفيدووني ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
لا تخبرينه بشئ وقطعي علاقتج بالمسن نهائي لو عرف انه انت اللي ترمسينه اكيد بيطلقج ادعي ربي يهديه

__________________________________________________ __________

>>>> الرد الثاني :
الله يعينج صراحه

اترك النصيحه لاهلها

__________________________________________________ __________

>>>> الرد الثالث :
وعليكم السلام ورحمة الله وبركاته الحمدلله اختيه من صوبجكم
شوفي اختيه غلط لي سويتيه بصراحه حاولي تبعدين عنج الاختبارات لنها بتعور راسج وببيزيد شكج
صح هو غلطان بس يمكن لنكم توكم مالجين وما مداه يحبج ولو انه ولد عمج يعني انتي قلته احبه واماقتلي شعور متبادل ‏
انا رايي حاولي تجذبينه لج بأسلوبج الحلو ولبسج وهدايجاج ترا تهادوا تحابوا وهذا كلام رسولنا ‏..
وطرشيله مسجات حلووو هروومانسيه مثلا قولي اشتقت لك..
‏ ومن هذا القبيل ‏
طرشيله ورد اطبخيله لو يظركم البسي اشيا مغريه بحدج عادتكم ‏
ابدي من هاللحظه اتصلي وسمعيه كلاه الحب
ولااااتنسييين نقطه مهمه وااااااايد ادعيييييله الله يصلح امره وااايد الحي ف الدعااء والله يستر عليي
استري عليه عطيه فرصه لاتخبرين حد ‏‏

__________________________________________________ __________

>>>> الرد الرابع :
الصراحة اللي سويتيه غلط واذا عرف مشكله

__________________________________________________ __________

>>>> الرد الخامس :
اكبر مشكلة انج كلمتية و الصراااااحة بتشكين فيه دايما حاااولي تنسية النت و تشغلية باي شي ثاني طبعا باسلوبج و لا تخبرينة تري بتصير لج مشاااااااكل