حبايبيالله يبعد المشاكل عن كل البيوت يااا رب
مثل ما تعرفون انا انشر مواضيع الاخوات اللي ما يقدرون يكتبون بروحهم بسبب معرفه الاهل
لنيك نيماتهم و ما ابغي الا الدعاء الصادق الطالع من القلب
طبعا اسم صاحبه المشكله سر بيني و بينها و رب العالمين
يعني المشاكل مشاكل البنات و مب مشاكلي
و اللي يراسلوني على الخاص لحل المشاكل الرجاء قبل ما تراسلوني
تقرؤون هالموضوع 
اتمنى من كل اخت مشكلتها تنحل تراسلني على الخاص عشان عقب ايمع الرسائل و احطهم بموضوع ان شاءالله و طبعا بدون ذكر الاسامي
عندج مشكله ما تقدرين تكتبيه على العام و تخافين اهلج يعرفونج؟مالج الا تدشين هني ..
حبايبي الرجااااااااااااااء شوي شوي على البنت
كل وحده تحط مكانها مكان الاخت و ترد بدون تجريييح بليييز
شحالج حبيبتي ..
.. ويزاج الله خير على اللي تسوينه..
قبل لا ابتدي اطرح مشكلتي.. بقولكم شويه عني عشان تفهمون المشكله عدل.. انا بنت في
اواخر العشرين من عمري.. مهندسه ومتخرجه من برع.. طويله وما شالله مربربه وبيضا واجتماعيه
جدا ومحبوبه من الكل.. وكشخه لابعد الحدود.. لدرجه ينضرب فيني المثل في كشختي واناقتي
و.. الحمد الله..
مشكلتي بدت قبل 3 سنوات.. كنت في المستشفى.. وتنومت عندنا حرمه عيوز .. وكانوا
ما شالله اهلها كلها يزورونها.. ومنهم حفيدها.. الصراحه حفيدها لفت انتباهي من اول مره لانه
طويل واسمر شويه.. وانا يجذبني الطول والسمار.. وبعد لانه ما شالله كان دوووم ايي يزور يدته
وهالشي نادر هالايام انه نشوف واحد باار جيه باهله.. مع الايام لاحظت الريال يطالعني وهله
يرمسوني دوم ويسالوني عن نفسي وجيه.. وانا حسيت انه الريال يباني.. وفعلا بعد فتره طلب
رقمي ورقم الوالده .. وامه في هالفتره كانت مسافره فكنت ارمسه بالتلفون بدرايه امي جيه
اسبوعين قبل
لا ترد امه واتيي بيتنا.. وعرفته عدل في هالفتره وما شالله طلع ريال ما عليه زود.. خلوق
ومؤدب .. امه ردت من السفر ويت بيتنا وخطبتني.. الوالده سالت امه عنه.. وقالت لها انه عنده
ثانويه عامه و شغلته زينه وجيه.. بعد ما روحوا حسيت الوالده مب راضيه وايد.. تقولي شقايل
ازوجج من واحد عنده ثانويه عامه وانتي مهندسه ؟فيه فرق شاسع في المستوى الثقافي ومن
هالكلام.. وانا سكت لانها طبعا ما تعرف اني ارمسه وانا من رمستي معاه شفت واايد اتفاق
بيننا في التفكير..
امي تمت تفكر فتره وحسيت فيها وايد متردده ومب راضيه .. بس خلاص قررت توافق لما
شافتني موافقه.. في اليوم اللي قررت تخبر فيه امه انه موافقه ( اذكر هاليوم كانه امس.. كان
يوم الاثنين).. امي كانت في الدوام.. واتصلت عليها حرمه وقالت لها" بنتج خاطبها فلان؟ لا
تزوجينها اياه.. هالريال مو زين ومسوي بلااااوي وفيه عرج عبيد!!!".. امي يتها صدمه حياتها..
هالحرمه تعرفنا من بعيد وتصير حق هالريال من بعيييد.. المهم امي تمت تتسال مني ومناك
ومالقت جواب شافي..بس كلهم قالو لها انه ريال مااا عليه كلام..
لما رديت البيت من الدوام امي نادتني وقالت لي انها مب موافقه وانه الحرمه قالت جيه وجيه..
تتخيلون صدمتي حزتها.. من وين طلعت لي هالحرمه و شو تبا وشو هالكلام؟؟؟
صارت بعدها مشاكل وااااااااااايده مع امي... لانها طبعا رفضت رفض تاااااام الريال .. وحاولت
اقنعها بس ماشي فايده.. وخبرت الريال باللي قالته امي والحرمه.. واهو انصدم .. بس قال
بعدني اباج ومالي خص باللي يقولون ..
تمينا ع هالحال سنتين ونص..والريال حاول اكثر عن 6 مرات .. بس الوالده راااااااافضه رفض
تااااااام.. وانا صليت الاستخاره اكثر عن 100 مره.. والله خواتي صليت استخاره كل ليله من
رمضان.. وكنت احس الدنيا تتسكر في ويهي.. امي معصبه من سالفه هالريال وهو يباني وانا اباه..
من سنه تقريبا.. يلست مع نفسي يلسه صراحه وفكرت في سالفتي معاه.. قلت هل هو فعلا
الريال اللي يصلح لي كزوج ؟ والا حبي له خلاني ما افكر بعقلانيه ؟ هو ريال زين وانا اشهد..
بس الفرق بيننا بعد الزواج ما بياثر؟ واذا طلع الكلام اللي انقال صح انه فيه عرج عبيد كيف
بيطلعون عيالي؟
قبل فتره .. امه خلااص طفح فيها الكيل من كثر ما ولدها اتراياني.. وقالت له خلاص ودرها وانا
بزوجك وحده ثانيه..وهو تم يحن عليه عشان ارمس امي مره ثانيه.. بس بصراحه حسيت اني
احبه صح.. بس مب مقتنعه من داخل اني بكون مرتاحه معاه .. وما بتم اقارن بينه وبين رياييل
ربيعاتي اللي كل واحد ماسك منصب وعنده شهادات .. وبعد تعبت من الضرابه مع امي
والعصبيه والمشاكل.. فما فتحت معاها الموضوع مره ثانيه..
لين اخر شي امه قالت له لاااااااااااازم تهدها.. وهو قالي ما اروم اعصي امي خلاص.. وافترقنا..
من يوم ما افترقنا.. والتفكير ذااااااااابحني.. التفكير ياكلني من داخل.. هل اللي سويته صح؟
لما افكر بعقلي احس انه اللي سويته صح ولما اسال قلبي اتقطع.. هل
تفكيري يخليني انسانه سطحيه لاني رفضت ريال زين عشان ما اسوي مشاكل مع امي
وعشان مستواه الدراسي و سالفه العرج اللي فيه؟ التفكيربانه عيالي احتمال يطلع فيهم
هالعرج يذبحنيييييييي.. اقول في خاطري هل بروم اتقبل هالشي والا بعيش طول عمري ندمانه؟
3 سنين من عمري احس طافوا وانا عايشه في توتر وخوف من رده فعل امي وشو بتقول وشو
بيصير .. ..
اااااااااااااه.. محد حاس باللي يصير داخلي.. احس هالثلاث سنين مروا
عليه كانهم 30 سنه من كثر الهم والتفكير..
هل تحسون اللي سويته صح؟ هل قراري كان غلط؟
رد مع اقتباس
