عنوان الموضوع : مشكله بنت معانا.. ريلي كان يواعد بنات و الحيـــــــــــــــــــــــن... 16 عالم الامومة
مقدم من طرف منتديات الضمير العربي

حبايب قلبي

مشكله يديدة تنتظر منكم حل

بس هاااااااااااااا فكروا بنفسيه الاخت و مب كل الردود تكون :

اصبري و ادعي الله يهديه ترى الحريم لما يشتكون من رياييلهم بالخيانات الزوجيه

يبون حد يبرد قلبهم و مب تطيحون فيها

كل وحدة تحط عمرها مكانها بعيد الشر و ترد

ردي بالرد اللي تحبين تسمعينه لنفسج

اليوم شويه معصبه لا تعصبوني زياده هههههه

باااااااااااااااااااي




مرحبا الغالية الله يجعل هاللي تسوينه في ميزان حسناتج





مشكلتي هي ريلي انا من النوع اللي اغااااار وااااااايد واشك وااااااايد

فيه لاني كم مرة كشفته يكلم بنات ويواعدهن آخر مرة قبل 3 شهور الحين اشوفه اوك بس انا مااقدر امسك عمري يوم يطلع اتم كل شوي ادقله وغذا ماارد علي اتم أساله ليش ماترد اكيد شي عندك واصااارخ واعصب واصيح وهو يعصب ويبند في ويهي ويوم يرد البيت ماارمسه اتم مبوزة نتم جي كم يوم وعقب نتراضى كم ونرد نفس قبل وأنا اعرف انه ماشي فايده من هالحركات بس هو اللي وصلني لهالمرحلة


انا مليت من هالحالة ابا اتغير اباه هو اللي يتصل مب انا احس وااايد عاقه عمري عليه لدرجة انه يوم يطلع اهمل عيالي واتم بس ماسكه التيلفون واتصل عليه .. خاطري أثقل بس مااعرف كيف





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ادعيله بالهداية

ما في انسان ما يغلط

انصحيه طرشي له ايميلات دعوية

قوليله انا اقدر انصحك دام اشوووفك على غلط بس عقب حسابك عند ربك .. بتتعذب فالقبر


,, واخرتها .. انت بتتعذب وبتتحاسب ,, لا تنسى انه وراك حساب وعقاب ..

__________________________________________________ __________

>>>> الرد الثاني :
اختي لا تحرقين دمج عليه وتدهوري صحتج عليه اهتمي بنفسج خلي لنفسج الاولويه حبي عمرج دلعي عمرج يبا يغازل يب يسوي الي يبا يسويه ما يايه تردينه ولو فرشتيله الارض ورد دامه ما خاف من به بيخاف منج ولا تيلسين تدقدقين كل ساعه وتحشرينه يعني انتي بهي الطريقه بتردينه ما بيكلم بالعكس تفتحين له المجال وخاصه انج تقولين تتمون متزاعلين ايام ما اوصيج ادعيله بصلاتج ان ربج يهديه والثلث الاخير ويوم يطلع ادعي ربج انه ما يشوم ولا يكلم اي حد من جنس الحريم غيرج

__________________________________________________ __________

>>>> الرد الثالث :
اختي كل ما بيطلع قولي ها الدعاء
(اللهم اني استودعك الله التي لا تضيع ودائعه)
و غلط يا اختي 24 ساعه ادقين له ..
اثجلي و غيري من حيااتج ..
يعني خليه يوم ايي البيت يترقب مفاجأه تنتظره ..
لا تشكين بدون دليل تراج انتي تخربين ع عمرج و تكرهين الريال فيج ..
كل مره خفي بمكالمااتج شوي شوي ..

__________________________________________________ __________

>>>> الرد الرابع :
ماعندي الحل لاني انا نفس الشي ريلي

بس فرق بسيط مايواعد لا بس يرمس شو الحل معاه ماعرف ابدن اهمال هيه نعم في اهمال منه مش مني موفرتله كل شي بس الله يهديه ويعقله

__________________________________________________ __________

>>>> الرد الخامس :
اللهم يا مسخرالريح لسليمان سخر لي زوجي وإهده وأبعد عنه النساء