عنوان الموضوع : بصبــــر .. لين ما الله يفرجها .. بس متـــــى ؟! المومة و الطفل
مقدم من طرف منتديات الضمير العربي

السلام عليكم ورحمة الله وبركاته ..

بدخل فالموضوع على طول و بدون مقدمات .،
ريلي يداوم فبوظبي من حوالي سنة و نص وقبل كان يسكن فبيت اخته و الحين انتقل لشقة و ساكن ويا شباب و الحجة ان بيت اخته صغير و ماشي مكان و انهم مكلمينه انا تفهمت الوضع و خليته ينتقل لان ما عنده حل ثاني ..
انا مابي اشك فيه بس بس هو يخليني اشك من تصرفاته ..
يرجع بس فالويكند و يالله ييلس وياي و ويا بنته ما يتغدى و لا يتعشى ويانا كله يذمني و يقول لي انتي ما اتييبين لي الولد اقوله الله ما عطاني يقول لي و لا بيعطيج احيانا احس اني مب متزوجة ما يقول لي كلام حب ما يعوضني عن ايام غيابه حتى الويكند يمر بسرعة و لا نقدر نجوفه او يطلع ويانا اغلب وقته لربعه و سياييره مع انه ماخذني عن حب بس والله هالحب تلاشى احس ماشي حب كله ينتقدني تخيلوا البارحة طلع من البيت الساعة 1 و نص فالليل و رجع البيت الساعة 8 و نص و اونه مريض انزين مريض خلك فالبيت بس هو لا يبا الفكة مني و اوني ما اهتم فيه مع اني والله مهتمة ..
و يقول بعي سسولي و سوولي ..و اليوم اخته ربت و يابت ولد و يقول انتي تمي جي و امي قالت حرمتك ما اتييب ولد انزين كل هذا بأمر رب العالمين انا من وين و كيف اييبلهم ولد يوم ان الله بعده ما رزقني ..
هم كله همهم الولد ما تهمهم صحتي و صحة البيبي ..
مع اني صغيرة و حلوة والحمدلله بس شو اسوي كم بتحمل ؟!
كفاية اني متحملة بعده عني و عن بنتي طول الاسبوع وايد ينزل من مستواي و ما يفكر انه يراضيني ..
ودرت هلي عشانه و يالسة بروحي ويا بنتي من غير انيس و لا ونيس ..
انصحوني .. ريلي من النوع اللي لو شو ما ازعل ما يفكر يراضيني و لا ايي صوبي طاف و الحياة حلوة ..
و يقول عادي بتزوج عليج والله شي بنات ما يبون مهر ما يبون شي بس يبون ريل يقول والله لو مب مصدقة بسويها و براويج يعني وصل لهالدرجة ؟!
هو يوم جدامي جي يقول عيل الله يعلم شو يسوي من وراي .. جذب علي ان امه ما اتصلت و يوم اتصلت فاخته عسب اباركلها ع البيبي قالت ان امها متصلة فريلي ..
انزين ليش هالجذب ؟! يوم انه يجذب علي على اتفه الاشياء عيل اكيد الخافي اعظم ...
بلييييز انصحوني مالي غيركم ..
في اشياء اكثر و اكثر و اكبر من جي بس هاللي خبرتكم ..
و السموحة ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يكون بعونج يا ربي
يهدي ريلج لج

__________________________________________________ __________

>>>> الرد الثاني :
الله يعينج حبيبتي

__________________________________________________ __________

>>>> الرد الثالث :
ربي يفرج همج وغمج
ويسعد قلبج ويحنن قلب ريلج ويهديه يآرب

__________________________________________________ __________

>>>> الرد الرابع :
واجهيه وشوفي شو بيقول

__________________________________________________ __________

>>>> الرد الخامس :
الله يعينج بصراحه

صدق ريلج موضوعه صعب

ان شاء الله يفيدونج البنات