عنوان الموضوع : نصايح لتربية الطفل
مقدم من طرف منتديات الضمير العربي



بنات انا عندي مشكله في نفسي ريلي زين الحمد لله يصرف علي العيال وعالبيت بس انا خايفه من كثر ما اسمع من الحريم عوديه يصرف عليج تاثرت واباه علي كل شي يصرف واذا اتفه الاشياء اباه يصرف عليها مع انه انا المفروض اساعده وانا تعباااااانه من نفسي ما اعرف كيف اتعامل مع شخصيتي

ارجوكم ادعولي ان الله يوفقني ويلهمني الصبر والحكمه وطاعة الله ثم طاعة زوجي في غير معصيته والله يسعد كل من بتدعيلي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا حبيبتي

اذا انتِ من النوع اللي يتأثر بسره بكلام الغير

فنصحيتي لج اصرفي النظر عن هالمواضيع أو ممكن تاخذين الشي اللي يفيدج بس

بخصوص الصرف .. خلي ريلج يصرف على البيت والعيال وعليج .. وما في مانع لو انت كنت طالعه مكان وتذكرتي انه في اغراض ناقصة تييبينها ^_^

__________________________________________________ __________

>>>> الرد الثاني :
جزاج الله خير

__________________________________________________ __________

>>>> الرد الثالث :
الله المستعاان00حبيبتي هااذي حيااتج وانتي ادرى بأحواال ريلج ^^

واذا هو يستااهل تسااعدينه أو لااااااا 00والزوجه الصاالحه هي الي تقدر ضرووف ريلهااا وتعينه

بالسرااء والضرااء ^_*

واذا قصدج موااضيع القسم هذااا فالاحسن انج ماا تدخلين هالقسم خير شر ^___^

لان اعرف حريم واايد تأثرن منه بشكل سلبي


الله ايسر امورج ويسخركم لبعض حبوبة ^_^

__________________________________________________ __________

>>>> الرد الرابع :
أختي لا تخلين كلام الحريم يخرب عليك و يهدم بيتك

مدام ريلك الحمد الله يصرف علي بيته و عياله و ما يبخل عليكم بشي لا تخلي الوسواس و الشيطان أعوذ بالله منه يلعب براسك

ومافيها شي إذا سا عدتي ريلك باللي تقدريت عليه يوم تشوفينه محتاج و لا ظروفه ماتسمح

ولا تكسرين ظهره بالطلبات و الكماليات اللي مالها لازمة وخليك السند و العون له

تري كلام الحريم مامنه فايدة يخرب أكثر ما يعمر البيوت

و السموحة

__________________________________________________ __________

>>>> الرد الخامس :
لا حول ولا قوة إلا بالله

ربي يسخركم لبعــض

ويسر جميع أموركــم

وكلام الناس غاليتي لا له أول ولا آخر

ما يخلــص ..

ومقارنــة بيتج بغيره هدم حقه ..

كبري عقلج غاليتي واستهدي بالله

ويوم تييج أفكار جي ووسوسـة من الشيطان نعوذ بالله منه

اتوضي وصلي ركعتين ,, وابتسمي في ويه ريلج واشكريه على كل الي يقدمـه لبيتكم

ومع الإستمرار بتشلين ها الطبع منج

وابتعدي غاليتي كل البعد عن المواضيع الي تحسينها بتأثر عليج

ودشي بس مواضيع إيجابية وفرفوشيـة ودينية

تفيدج وترفع معنوياتج ^_^

ربي يوفقكم لكل خير