عنوان الموضوع : حرمة طليقي ....ليش أخاف منها !!
مقدم من طرف منتديات الضمير العربي
السلام عليكم ورحمة الله وبركاته
ما اعرف اعبر واسوي حركات بدخل في الموضوع على طول ..... اليوم شفت حرمه طليقي في مناسبه وهذي مب اول مره الاقيها ..بس كالعادة انصدمت لما شفتها لاني نسيتها هي من وليش موجوده هني وخفت وايد يوم شفتها وتم قلبي يدق بسرعة من الخوف ... خلوني اخبركم السالفه من اولها عسب تفهمون ...
انا مطلقة بدون عيال وما عندي اي مشكلة في الموضوع ...بالعكس دايما افكر ان تجربة زواجي كانت مفيدة ..وان طلاقي من أعظم النعم اللي انعم بها الله علي ... زواجي كان وايد غريب وعلاقتي في الريال اللي خذته كانت اغرب .. ما تشبه اي شي سمعت عنه او قريته في حياتي .. وقصة زواجي وطلاقي سوت حشرة كبيرة بين معارفنا كلهم وكانت حديثهم اليومي على مر سنين ... بس هذا هب موضوعنا...
مشكلتي بدت لما تزوج طليقي ... مب زعلانه لانه تزوج لاااا...بالعكس استانست لانه خلاص ماعاد بيينا ولا بييب سيرة اني ارد له ... بس اللي متعبني هو التعامل مع زوجته ..بحكم انه خذ وحده من اهلي دوم الاقيها في المناسبات ..انا حضرت العرس وكان اوك وعادي عندي سلمت عليها وباركت لها ولامها وكنت وايد مرتاحه ..وحتى هي طرشت اختها تشكرني وتقول انها وايد استانست لاني مب حاطه في خاطري .... بس المشكلة ان الناس صاروا يقارنون بيني وبينها وايد وفي اشياء حساسة ... ووصل الفضول انه عادي حد تدق علي بس عسب تسألني ايام عرستي كم عطوج مهر ..والا اول ليه بيتي في البيت والا في فندق ... واشياء وايد ...
انا عادي عندي هالكلام متعوده كثر اللقافه من الحريم ..بس هالاسئله خلتني افكر .. معقوله هم الحين في بيتهم يقارنون بيني وبينها ... واذكر طليقي (قبل ناسيه انه موجود في الدنيا) ويخطر على بالي ان يمكن يخبرها انا كيف كنت معاه .. او شو كان يستوي ...افكر انه يمكن يعاملها مثلي قبل وتكسر خاطري ... واذكر شو كانت حياتي معاه وارتعب من هالذكريات.. وهني كل خوف الدنيا ينزل علي ...
انسى انهم موجودين في الحياه واكون عادي وولا على بالي بس اول ما اشوفها في مناسبه احس بخوف ... وكل هالافكار تحوس براسي .. احس جني مفصخه جدامها .دوم افكر هي شو تعرف عني .. وايد استحي منها ..بتقولون كيفها وخل تفكر اللي تفكره...بس هي مهمة عندي من قبل ..لاني احبها وايد ومن زمان كان خاطري نكون ربع .. بس هي اكبر مني ..ودوم كانت تعاملني على اني ياهل ... بعد كم موقف من الهبل والخوف فكرت ان الشي الوحيد اللي بيخلي هالافكار تروح عني اني اذا شفتها مره ثانيه ايلس اسولف وياها ... بس ما قدرت انفذ! .. اسلم عليها واروح ما انطق بحرف زيادة على السلام .... ومره اجتمعنا على طاوله في عرس .. يلست عدالها ..بس لاهي كلمتني ولا انا تكلمت ..مع اني احسها عادي .. يوم اسولف مع حد غير تضحك وتعلق ... بس ما توجه الكلام لي ..وابدا ما ترد لو حد سألها عن شي وانا موجوده (احس هالشي حلو فيها)
ودي اكسر هالحاجز بينا واصير احط عيني بعينها واكلمها عادي .. بس ما اعرف متى بيروح هالخوف الفظيع واللي ما اعرف سببه .. ما ابي احد يلاحظ هالشي ويحسب اني اتحسس منها ..بس في نفس الوقت ما اقدر اتصرف بطبيعتي وهي موجوده ...
خبروني .. كيف المفروض اتصرف في هالمواقف ؟
بعد ما قريت كم رد حبيت انبه لشي بسيط ... ما اقدر ما احتك فيها لان مثل ما قلتي هي من اهلي والجمعات وايده ولازم تصير فيها مواقف بيننا ..وادري مستحيل نصير ربع .. بس انا اللي ابيه انه يروح مني التوتر والخوف يوم اشوفها .. لانه اكثر من حد لاحظ علي هالشي .. والخوات اللي يدعون لي بالمعرس يزاهم الله خير... انا حاليا مخطوبه وعرسي قريب...^^
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
المو ضوع طوييييل !!
آسفه ..اندمجت وانا اكتب
__________________________________________________ __________
>>>> الرد الثاني :
الله المستعاان00عزيزتي كلااام النااس واايد أثر فييج
ماا أتصور طليقج تكلم معاهاا عنج 00تدرين ليش ؟
لان الحرمه مستحيل تسمع من ريلهااا اخباار وعلووم طليقته 00الغيره لهااا الاثر
الكبير بهالنقطه فديتج ^_*
لكن انتي تتوقعين انهااا تباا تصاادقج ؟!! وتتقرب منج مثلج ؟!!
انااا ماا اتوقع هالشي مهمااا يكون كنتي حرمه ريلهااا وكل ماا بتشوفج راااح تتذكر هالشي
ومب كل حرمة تتحمل هاالنقطه حبوبة حطي هذاا بباالج ^^
الاحسن انج تشوفين حيااتج وتشيلين هالافكاار من نفسيتج وكله مكتوب عنوووني
اذا هي تبااا تتقرب منج جاان تقربت من زمااان
الله ايسر امورج ويعوضج خير يااارب
__________________________________________________ __________
>>>> الرد الثالث :
__________________________________________________ __________
>>>> الرد الرابع :
مرحبآاني ..
فديييييتج والله .. جد آن قلبج كبييييييييير ومتفهمه .. لو انآا مكآانج مآا بقدر آتحمل
صح آن آلطلـآق نهى كل شي .. بس بتحسس وآاااايد من آلمووووقف ..
آلمهم .. انآا حسيت من كلـآمج آن آلبنت طيبه وعلـآقتكم طيبه بـ بعض حتى لو كآانت سطحيه
لـآ تتعمقين وآايد وياهآا .. لـآن لو طرت ريلهآا آو قآالت عنه شي وآكتشفتي آنه كآان معآاج غير
بتحطين فـ خآاطرج وبتمين آتفكرين .. عآادي خلي علـآقتكم عآاديه وآايد
وعن سآالفة آنج تستحين منهآا آو تخآافين .. ابدآا مالهآا دآاعي .. يعني مآا آظن آن طليقج سخيف لـ درجة
آن يقولهآا آي شي كآان بينكم .. لـآن آللي كآان بينكم يخصكم آنتوآا بروحكم وبس ..
فـ شلي آلسآالفه من رآاسج ^^
__________________________________________________ __________
>>>> الرد الخامس :
ماعليج منها عيشي حياتج لج
الله يسر لج ولد الحلال
هاي كلها وساوس من الشيطان
رد مع اقتباس
